New Delhi: ಭಾರತೀಯ ಬಾಹ್ಯಾಕಾಶ ಸಂಸ್ಥೆ ಇಸ್ರೋ (ISRO) ಗುಜರಾತ್ (Gujarat) ರಾಜ್ಯದಲ್ಲಿ ತನ್ನ ಮೂರನೇ ಬಾಹ್ಯಾಕಾಶ ಕೇಂದ್ರವನ್ನು ನಿರ್ಮಾಣ ಮಾಡುತ್ತಿದೆ. ಇದು ಶ್ರೀಹರಿಕೋಟಾದಲ್ಲಿರುವ ಸತೀಶ್ ಧವನ್ ಬಾಹ್ಯಾಕಾಶ ಕೇಂದ್ರದ ನಂತರ ಇಸ್ರೋದ ಎರಡನೇ ಅತಿದೊಡ್ಡ ಕೇಂದ್ರವಾಗಲಿದೆ. ಈ ಯೋಜನೆಗೆ ₹10,000 ಕೋಟಿ ವೆಚ್ಚ ನಿರೀಕ್ಷಿಸಲಾಗಿದೆ.
ಡೆವು (Diu) ಮತ್ತು ವೇರವಲ್ (Veraval) ನಡುವೆ ಈ ಕೇಂದ್ರ ನಿರ್ಮಾಣವಾಗಲಿದೆ. ಇಲ್ಲಿ SLV ಹಾಗೂ PSLV ರಾಕೆಟ್‌ಗಳ ಉಡಾವಣೆಯ ವ್ಯವಸ್ಥೆ ಇರಲಿದೆ. ಸಂವಹನ, ನ್ಯಾವಿಗೇಶನ್ ಮತ್ತು ರಿಮೋಟ್ ಸೆನ್ಸಿಂಗ್ ಉಪಗ್ರಹಗಳು ಈ ಕೇಂದ್ರದಿಂದ ಉಡಾಯಿಸಬಹುದು.
ಗೂಜರಾತ್‌ ಖಗೋಳ ರೇಖೆಗೆ ಹತ್ತಿರದಲ್ಲಿರುವುದರಿಂದ ಉಪಗ್ರಹ ಉಡಾವಣೆಗೆ ಇದು ಅನುಕೂಲವಾದ ಸ್ಥಳವಾಗಿದೆ.
ಈ ಹಿಂದೆ ಭಾರತದಲ್ಲಿ ಎರಡು ಸ್ಪೇಸ್ ಸೆಂಟರ್‌ಗಳಿವೆ,
- ಶ್ರೀಹರಿಕೋಟಾ (ಆಂಧ್ರಪ್ರದೇಶ) – ಇಸ್ರೋದ ಪ್ರಮುಖ ಉಡಾವಣೆ ಕೇಂದ್ರ
- ತಿರುವನಂತಪುರಂ (ಕೇರಳ) – ವೈಜ್ಞಾನಿಕ ಪ್ರಯೋಗಗಳ ಉಡಾವಣೆಗಾಗಿಯೇ ಬಳಸಲಾಗುತ್ತಿದೆ.
ಈಗ ಬಾಹ್ಯಾಕಾಶ ಕ್ಷೇತ್ರ ಖಾಸಗಿ ಕಂಪನಿಗಳಿಗೆ ತೆರೆದುಕೊಂಡಿದ್ದು, ಇವುಗಳು ಉಪಗ್ರಹ ಹಾಗೂ ರಾಕೆಟ್ ತಯಾರಿಕೆಯಲ್ಲಿ ನಿರತರಾಗಿವೆ. ಜಾಗತಿಕ ಮಟ್ಟದಲ್ಲಿ ಉಪಗ್ರಹ ಉಡಾವಣೆಗೆ ಹೆಚ್ಚಿದ ಬೇಡಿಕೆ ಇದ್ದು, ಇನ್ನಷ್ಟು ಬಾಹ್ಯಾಕಾಶ ಕೇಂದ್ರಗಳ ಅವಶ್ಯಕತೆ ಇದೆ.
