ಭಾನುವಾರ ಅಮೆರಿಕದ ನ್ಯೂಯಾರ್ಕ್ ನಗರಕ್ಕೆ ಆಗಮಿಸಿದ ಭಾರತದ ವಿದೇಶಾಂಗ ಸಚಿವ ಡಾ. ಎಸ್. ಜೈಶಂಕರ್ ಇಂದು ಅಮೆರಿಕದ ವಿದೇಶಾಂಗ ಕಾರ್ಯದರ್ಶಿ ಮಾರ್ಕೊ ರೂಬಿಯೊ ಅವರನ್ನು ಭೇಟಿಯಾಗಲಿದ್ದಾರೆ. ಇದು ಇಬ್ಬರು ರಾಜತಾಂತ್ರಿಕರ ಮೊದಲ ಸಭೆ, ರಷ್ಯಾದಿಂದ ತೈಲ ಖರೀದಿಸಿದ ಭಾರತದ ವಿರುದ್ಧ ಟ್ರಂಪ್ ಸರ್ಕಾರ ಭಾರತೀಯ ಸರಕುಗಳಿಗೆ ಶೇಕಡಾ 50 ಸುಂಕವೇರಿಸಿರುವ ಹಿನ್ನೆಲೆಯಲ್ಲಿ ಉಭಯ ರಾಷ್ಟ್ರಗಳ ನಡುವೆ ಬಿಗುವಿನ ವಾತಾವರಣ ಮೂಡಿತ್ತು.
ಜುಲೈನಲ್ಲಿ ವಾಷಿಂಗ್ಟನ್‌ನಲ್ಲಿ ಜೈಶಂಕರ್ ಮತ್ತು ರೂಬಿಯೊ ಕೊನೆಯ ಬಾರಿ ಭೇಟಿಯಾದರು. ಅಂದಿನ ಸಭೆಯ ನಂತರ ಜೈಶಂಕರ್ ವಿಶ್ವಸಂಸ್ಥೆಯ 80ನೇ ಸಾಮಾನ್ಯ ಸಭೆ (UNGA80) ಸಮಯದಲ್ಲಿ ಫಿಲಿಪೈನ್ಸ್ ವಿದೇಶಾಂಗ ಕಾರ್ಯದರ್ಶಿ ಥೆರೆಸಾ ಪಿ. ಲಜಾರೊ ಅವರನ್ನು ಭೇಟಿಯಾದಿದ್ದರು. ಆಗಸ್ಟ್‌ನಲ್ಲಿ ಫಿಲಿಪೈನ್ಸ್ ಅಧ್ಯಕ್ಷ ಫರ್ಡಿನಾಂಡ್ ಬಾಂಗ್ಬಾಂಗ್ ಮಾರ್ಕೋಸ್ ಜೂನಿಯರ್ ಭಾರತದ ಭೇಟಿಯ ಬಗ್ಗೆ ಚರ್ಚೆ ನಡೆಯಿತು.
ಚರ್ಚೆಯ ವಿಷಯಗಳು
- ರಾಜಕೀಯ, ರಕ್ಷಣೆ ಮತ್ತು ಭದ್ರತೆ
- ಕಡಲ ಕ್ಷೇತ್ರ ಮತ್ತು ಭದ್ರತೆ
- ಇಂಡೋ-ಪೆಸಿಫಿಕ್ ಪ್ರದೇಶದಲ್ಲಿ ಸಹಕಾರ
ಫಿಲಿಪೈನ್ಸ್ ವಿದೇಶಾಂಗ ಕಾರ್ಯದರ್ಶಿ ಥೆರೆಸಾ ಲಜಾರೊ ಹೇಳಿರುವಂತೆ, ಈ ಸಭೆ ಎರಡು ದೇಶಗಳ ಬದ್ಧತೆಯನ್ನು ಪುನರುಚ್ಚರಿಸಿದೆ.
ಭಾರತ ಮತ್ತು ಫಿಲಿಪೈನ್ಸ್ 1949 ರಲ್ಲಿ ರಾಜತಾಂತ್ರಿಕ ಸಂಬಂಧ ಸ್ಥಾಪಿಸಿದ್ದರು. ಅಂದಿನಿಂದ ಈ ಸಂಬಂಧವು ವ್ಯಾಪಾರ, ರಕ್ಷಣೆ, ಕಡಲ ಭದ್ರತೆ, ಕೃಷಿ, ಆರೋಗ್ಯ ರಕ್ಷಣೆ, ಔಷಧಿ, ಡಿಜಿಟಲ್ ತಂತ್ರಜ್ಞಾನ ಸೇರಿದಂತೆ ಹಲವು ಕ್ಷೇತ್ರಗಳಲ್ಲಿ ವಿಸ್ತರಿಸಿದೆ.
