ಇಂಡಿಯನ್ ಪ್ರೀಮಿಯರ್ ಲೀಗ್ (IPL) ರೋಚಕ ಹಂತ ತಲುಪಿದೆ. ಮುಂಬೈ ಇಂಡಿಯನ್ಸ್ ತಂಡ ಸನ್‌ರೈಸರ್ಸ್ ಹೈದರಾಬಾದ್ ವಿರುದ್ಧದ ಪಂದ್ಯದಲ್ಲಿ ತಾವನ್ನ ತಾವೇ ಮತ್ತೊಮ್ಮೆ ಸ್ಥಾಪಿಸಲು ಸಜ್ಜಾಗಿದೆ. ಈ ಪಂದ್ಯದಲ್ಲಿ ಎಲ್ಲರ ದೃಷ್ಟಿ ರೋಹಿತ್ ಶರ್ಮಾ, ಇಶಾನ್ ಕಿಶನ್, ಸೂರ್ಯಕುಮಾರ್ ಯಾದವ್ ಮತ್ತು ಅಭಿಷೇಕ್ ಶರ್ಮಾ ಮೇಲೆ ಇದ್ದರೂ, ಹೆಚ್ಚು ಗಮನ ಸೆಳೆಯುತ್ತಿರುವುದು (Jasprit Bumrah) ಜಸ್ಪ್ರಿತ್ ಬುಮ್ರಾ.
ಈ ಪಂದ್ಯದಲ್ಲಿ ಬುಮ್ರಾ 2 ವಿಕೆಟ್ ಪಡೆದರೆ, ಮುಂಬೈ ಇಂಡಿಯನ್ಸ್ ಪರ ಐಪಿಎಲ್‌ನಲ್ಲಿ ಅತಿ ಹೆಚ್ಚು ವಿಕೆಟ್ ಪಡೆದ ಬೌಲರ್ ಎಂಬ ಗೌರವವನ್ನು ಪಡೆದಿಹೆಸರಾಗಿರುವ ಲಸಿತ್ ಮಲಿಂಗನನ್ನು ಹಿಂದಿಕ್ಕುವ ಸಾಧ್ಯತೆ ಇದೆ. ಬುಮ್ರಾ ಈಗಾಗಲೇ 137 ಪಂದ್ಯಗಳಲ್ಲಿ 169 ವಿಕೆಟ್ ಪಡೆದಿದ್ದು, ಮಲಿಂಗ 122 ಪಂದ್ಯಗಳಲ್ಲಿ 170 ವಿಕೆಟ್ ಪಡೆದಿದ್ದಾರೆ. ಈ ದಾಖಲೆ ಮುರಿದರೆ, ಬುಮ್ರಾ ಮುಂಬೈ ಪರ ನಂ.1 ಬೌಲರ್ ಆಗುತ್ತಾರೆ.
ಬುಮ್ರಾ ಈ ಐಪಿಎಲ್‌ನಲ್ಲಿ ಈಗಾಗಲೇ 4 ಪಂದ್ಯಗಳಲ್ಲಿ 4 ವಿಕೆಟ್ ಕಬಳಿಸಿದ್ದಾರೆ. ಸಿಎಸ್ಕೆ ವಿರುದ್ಧದ ಪಂದ್ಯದಲ್ಲಿ ಅವರು ಶಿಸ್ತು ಬದ್ಧವಾಗಿ ಬೌಲಿಂಗ್ ಮಾಡಿ 2 ವಿಕೆಟ್ ಪಡೆದು ಗಮನ ಸೆಳೆದಿದ್ದರು. ಈಗ ಸನ್‌ರೈಸರ್ಸ್ ವಿರುದ್ಧವೂ ಅಂಥದ್ದೇ ಪ್ರದರ್ಶನ ನೀಡಿ ದಾಖಲೆ ಬರೆಯಲು ಬಯಸುತ್ತಿದ್ದಾರೆ.
ಈಗಾಗಲೇ ಐದು ಬಾರಿ ಚಾಂಪಿಯನ್ ಪಟ್ಟ ಗೆದ್ದಿರುವ ಮುಂಬೈ ಇಂಡಿಯನ್ಸ್, ಈ ವರ್ಷ ಆರಂಭದಲ್ಲಿ ಕಳಪೆ ಪ್ರದರ್ಶನ ನೀಡಿದ್ದರೂ, ಇತ್ತೀಚೆಗೆ ಮೂರು ಪಂದ್ಯಗಳನ್ನು ಗೆದ್ದು ಲಯವನ್ನು ವಾಪಸ್ ಪಡೆದುಕೊಂಡಿದೆ. 8 ಪಂದ್ಯಗಳಲ್ಲಿ 4 ಗೆಲುವು ಮತ್ತು 4 ಸೋಲನ್ನು ಕಂಡು, 8 ಅಂಕಗಳೊಂದಿಗೆ ಆರುನೇ ಸ್ಥಾನದಲ್ಲಿದೆ. ಬುಮ್ರಾ ದಾಖಲೆಯ ಗುರಿ ತಲುಪುವತನಕ ಅಭಿಮಾನಿಗಳ ಕುತೂಹಲ ಜಾಸ್ತಿಯೇ!
