South Africa ವಿರುದ್ಧದ ಮೂರು ಪಂದ್ಯಗಳ ಏಕದಿನ ಸರಣಿಗೆ (ODI) 18 ಆಟಗಾರರ ತಂಡವನ್ನು BCCI ಪ್ರಕಟಿಸಿದ್ದು, ಭಾರತ ತಂಡಕ್ಕೆ (Indian Cricket Team) ಕೆಎಲ್ ರಾಹುಲ್ (KL Rahul) ಅವರನ್ನು ನಾಯಕನನ್ನಾಗಿ (Captain) ಜಸ್ಪ್ರೀತ್ ಬುಮ್ರಾ (Jasprit Bumrah) ಅವರನ್ನು ಉಪನಾಯಕನನ್ನಾಗಿ (Vice Captain) ನೇಮಿಸಲಾಗಿದೆ.
ಗಾಯದಿಂದ ಚೇತರಿಸಿಕೊಳ್ಳುತ್ತಿರುವ ರೋಹಿತ್ ಶರ್ಮ (Rohit Sharma) ಪಂದ್ಯಗಳಿಗೆ ಲಭ್ಯವಿರದ ಕಾರಣ ತಂಡಕ್ಕೆ ರಾಹುಲ್ ಅವರನ್ನು ನಾಯಕನನ್ನಾಗಿ ಆಯ್ಕೆ ಮಾಡಲಾಗಿದೆ. ಮೂರು ಪಂದ್ಯಗಳ ದಕ್ಷಿಣ ಆಫ್ರಿಕಾ ವಿರುದ್ಧದ ಕ್ರಿಕೆಟ್ ಏಕದಿನ ಸರಣಿಯು ಜನವರಿ 19 ರಂದು ಪಾರ್ಲ್‌ನಲ್ಲಿ ಪ್ರಾರಂಭವಾಗುತ್ತದೆ. ತಂಡಕ್ಕೆ ಶಿಖರ್ ಧವನ್ ಪುನರಾಗಮನ ಮಾಡುತ್ತಿದ್ದು, ಮೊಹಮ್ಮದ್ ಶಮಿಗೆ ವಿಶ್ರಾಂತಿ ನೀಡಲಾಗಿದೆ.
