Patna: ಬಿಹಾರದಲ್ಲಿ ನಡೆದ ಘಟನೆಯಲ್ಲಿ ಡಿಜೆ ಮದುವೆ ಕಾರ್ಯಕ್ರಮದಲ್ಲಿ ಉಪಯೋಗಿಸಿದ ಲೇಸರ್ ಲೈಟ್‌ಗಳು ವಿಮಾನಕ್ಕೆ ಅಪಾಯ (Laser light danger) ತಂದವು. ಪುಣೆಯಿಂದ ಪಾಟ್ನಾಗೆ ಬರುತ್ತಿದ್ದ ಇಂಡಿಗೋ ವಿಮಾನ ಪಾಟ್ನಾ ವಿಮಾನ ನಿಲ್ದಾಣಕ್ಕೆ ಇಳಿಯುವ ಸಮಯದಲ್ಲಿ ಈ ಘಟನೆ ನಡೆದಿದೆ.
ವಿಮಾನ ಇಳಿಯುವ ಹಂತದಲ್ಲಿದ್ದಾಗ, ವಿಮಾನ ನಿಲ್ದಾಣದ ಹತ್ತಿರದ ಮದುವೆ ಸಮಾರಂಭದಿಂದ ಬರುವ ಡಿಜೆ ಲೇಸರ್ ಲೈಟ್‌ಗಳು ಪೈಲಟ್‌ರಿಗೆ ತೊಂದರೆ ತಂದವು. ಲೇಸರ್ ಬೆಳಕು ವಿಮಾನದ ನಿಯಂತ್ರಣವನ್ನು ಬದಲಾಯಿಸುವ ಸಾಧ್ಯತೆ ಇತ್ತು. ಆದರೆ, ಪೈಲಟ್ ತಮ್ಮ ತಾಳ್ಮೆ ಮತ್ತು ಬುದ್ಧಿವಂತಿಕೆಯಿಂದ ವಿಮಾನವನ್ನು ಅಹಮದಾಬಾದ್‌ಗೆ ಕೊಂಡೊಯ್ದು ಅಲ್ಲಿ ಸುರಕ್ಷಿತವಾಗಿ ಇಳಿಸಿದರು.
ವಿಮಾನದಲ್ಲಿ ಆಗ 172 ಪ್ರಯಾಣಿಕರು ಇದ್ದರು. ಪೈಲಟ್ ಸಮಯೋಚಿತ ನಿರ್ಧಾರದಿಂದ ಎಲ್ಲರನ್ನೂ ಸುರಕ್ಷಿತವಾಗಿ ಕರೆದೊಯ್ಯಲು ಸಾಧ್ಯವಾಯಿತು. ನಂತರ ಪೈಲಟ್ ಈ ವಿಷಯವನ್ನು ತಕ್ಷಣವೇ ವಿಮಾನ ನಿಲ್ದಾಣದ ಅಧಿಕಾರಿಗಳಿಗೆ ತಿಳಿಸಿದ್ದಾರೆ. ಅವರು ಕೂಡ ತಕ್ಷಣವೇ ಪೊಲೀಸ್ ಇಲಾಖೆಗೂ ಮಾಹಿತಿ ನೀಡಿದ್ದಾರೆ.
ಆದರೆ ಮದುವೆಯ ಮೆರವಣಿಗೆ ಆಗಲೇ ಮುನ್ನಡೆದು ಹೋಗಿರುವುದರಿಂದ ಪೊಲೀಸರು ತಕ್ಷಣ ಕ್ರಮ ಕೈಗೊಳ್ಳಲಾಗಲಿಲ್ಲ. ಲೇಸರ್ ಲೈಟ್‌ಗಳು ಎಟಿಸಿ (ATC) ಬಳಸುತಿದ್ದ ದೀಪಗಳಂತೆಯೇ ಕಾಣಿಸುತ್ತಿದ್ದರಿಂದ ಪೈಲಟ್‌ಗೆ ಕ್ಷಣಿಕ ಗೊಂದಲ ಉಂಟಾಯಿತು. ಆದರೆ ನಂತರ ಸ್ಪಷ್ಟವಾಗಿ ತಿಳಿದುಕೊಂಡು ವಿಮಾನವನ್ನು ಸುರಕ್ಷಿತವಾಗಿ ಇಳಿಸಿದರು.
ಈ ಘಟನೆ ಸಂಜೆ 6.30ರ ಸಮಯದಲ್ಲಿ ನಡೆದಿದ್ದು, ವಿಮಾನ ನಿಲ್ದಾಣದ ಅಧಿಕಾರಿಗಳು ಈಗ ವಿಮಾನ ನಿಲ್ದಾಣದ ಸುತ್ತಮುತ್ತ ಲೇಸರ್ ಲೈಟ್ ಬಳಸುವವರ ವಿರುದ್ಧ ಕಠಿಣ ಕ್ರಮಕ್ಕೆ ಒತ್ತಾಯಿಸಿದ್ದಾರೆ.
