Mandya: ಲಂಚದ ಪ್ರಕರಣಕ್ಕೆ ಲೋಕಾಯುಕ್ತ (Lokayukta) ಚುರುಕಾಗಿದ್ದು, FIR ದಾಖಲಾಗುವ ಸಾಧ್ಯತೆ. ಮಂಡ್ಯದ (Mandya) ಚಂದೂಪುರದಲ್ಲಿ ಬಾರ್ ಪರವಾನಗಿಗಾಗಿ ಲಂಚ ಕೇಳಿದ ಆರೋಪಕ್ಕೆ ಸಂಬಂಧಿಸಿದಂತೆ ಲೋಕಾಯುಕ್ತ ಈಗಾಗಲೇ ತನಿಖೆ ಆರಂಭಿಸಿದೆ. ದೂರುದಾರರು ನೀಡಿರುವ ಆಡಿಯೋ ಮತ್ತು ವಿಡಿಯೋ ಸಾಕ್ಷ್ಯಗಳ ಪರಿಶೀಲನೆ ನಡೆಯುತ್ತಿದೆ.
ಲಂಚದ ಆಡಿಯೋ ಸಂಭಾಷಣೆಯಲ್ಲಿ ಸಚಿವ ಚಲುವರಾಯಸ್ವಾಮಿಯ (N. Chaluvaraya Swamy) ಹೆಸರು ಕೇಳಿಬಂದಿದ್ದು, ಈ ವಿಚಾರದಲ್ಲಿ JDS ಗಂಭೀರ ಆರೋಪಗಳನ್ನು ಹೊರಡಿಸಿದೆ. ಬಾರ್ ಪರವಾನಗಿಗೆ ಲಂಚವಸೂಲಿ ನಡೆಯುತ್ತಿದ್ದು, ಇದರಲ್ಲಿ ಸಚಿವರ ಪಾಲು ಇದ್ದೇ ಇದೆ ಎಂದು JDS ವಾಗ್ದಾಳಿ ನಡೆಸಿದೆ.
ಅಬಕಾರಿ ಇಲಾಖೆಯಲ್ಲಿ “ಮಂಥ್ಲಿ ಮನಿ” ಹೆಸರಿನಲ್ಲಿ ವಸೂಲಿ ನಡೆಯುತ್ತಿರುವುದು ಈ ಪ್ರಕರಣದ ಮೂಲಕ ಮತ್ತೊಮ್ಮೆ ಬೆಳಕಿಗೆ ಬಂದಿದೆ. ಇನ್ನು ದೂರುದಾರ ಪುನೀತ್ ನೀಡಿರುವ ಮಾಹಿತಿ ಪ್ರಕಾರ, ಬಾರ್ ಪರವಾನಗಿಗೆ 40 ಲಕ್ಷ ರೂ. ಲಂಚದ ಬೇಡಿಕೆ ಇಡಲಾಗಿತ್ತು.
ಅಬಕಾರಿ ಅಧಿಕಾರಿಗಳ ವಿರುದ್ಧ ಕ್ರಮ, ಅಬಕಾರಿ ಇನ್ಸ್ಪೆಕ್ಟರ್ ಶಿವಶಂಕರ್ ಈಗಾಗಲೇ ಅಮಾನತುಗೊಂಡಿದ್ದಾರೆ. ಲೋಕಾಯುಕ್ತದ ತನಿಖೆ, ಪ್ರಾಥಮಿಕ ತನಿಖೆಯ ವರದಿ ಶೀಘ್ರದಲ್ಲೇ ಸಿದ್ಧವಾಗಲಿದೆ. ಸಚಿವರ ಮುಂದಿನ ಸ್ಥಿತಿ FIR ದಾಖಲಾದರೆ, ಸಚಿವರಿಗೂ ಸಂಕಷ್ಟ ಎದುರಾಗುವ ಸಾಧ್ಯತೆಯಿದೆ.
ಈ ಪ್ರಕರಣ ರಾಜ್ಯದ ರಾಜಕೀಯದಲ್ಲಿ ಹೊಸ ಚರ್ಚೆ ಹುಟ್ಟಿಸಿರುವುದು ನಿಜ. ಲೋಕಾಯುಕ್ತದ ತನಿಖೆಯ ಫಲಿತಾಂಶದಿಂದಲೇ ಮುಂದಿನ ಬೆಳವಣಿಗೆ ನಿರ್ಧರಿಸಲಾಗುವುದು.
