ಮಾರುತಿ ಸುಜುಕಿ ಇಂಡಿಯಾ ಇನ್ವಿಕ್ಟೋ (Maruti Suzuki Invicto) ಎಂಬ ಹೊಸ ಕಾರನ್ನು ಮಾರುಕಟ್ಟೆಗೆ ಬಿಡುಗಡೆ ಮಾಡಿದೆ! ₹24.79 ಲಕ್ಷದಿಂದ ಆರಂಭವಾಗುವ ಈ ಕಾರು ಮೂರು ಸಾಲುಗಳ ಸೀಟ್ ಗಳನ್ನು ಹೊಂದಿದ್ದು, ಕುಟುಂಬಗಳಿಗೆ ಸೂಕ್ತವಾಗಿದೆ.
ಈಗಾಗಲೇ ತಮ್ಮ MPV ಕಾರುಗಳಿಗಾಗಿ ಬಹಳ ಜನಪ್ರಿಯವಾಗಿರುವ ಮತ್ತು ಮಾರುಕಟ್ಟೆಯಲ್ಲಿ 50% ಪಾಲನ್ನು ಹೊಂದಿರುವ ಮಾರುತಿ ಸುಜುಕಿ, ಇನ್ವಿಕ್ಟೋ ತಯಾರಿಸಲು ಟೊಯೊಟಾ ಕಿರ್ಲೋಸ್ಕರ್ (Toyota Kirloskar) ಮೋಟಾರ್ ಕಂಪನಿಯ ಜೊತೆ ಒಡಂಬಡಿಕೆ ಮಾಡಿಕೊಂಡಿದೆ. ಅವರು Innova Hicross ಕಾರಿಗೆ ಕೆಲವು ಬದಲಾವಣೆಗಳನ್ನು ಮಾಡಿ ಮಾರುತಿ ಸುಜುಕಿಗೆ ಕೊಡುತ್ತಿದ್ದಾರೆ.
ಮಾರುತಿ ಸುಜುಕಿಯ ಸಿಇಒ ಹಿಸಾಶಿ ಟೇಕುಚಿ ಮಾತನಾಡಿ, ಗ್ರ್ಯಾಂಡ್‌ ವಿಟಾರಾ, ಫ್ರಾಂಕ್ಸ್ ಮತ್ತು ಜಿಮ್ನಿ ವಾಹನಗಳು ಎಸ್‌ಯುವಿ ಮಾರುಕಟ್ಟೆಯಲ್ಲಿ ಕಂಪನಿಯ ಪಾಲನ್ನು ಗಣನೀಯವಾಗಿ ಹೆಚ್ಚಿಸಿವೆ ಎಂದು ತಿಳಿಸಿದರು.
2-ಲೀಟರ್ ಪೆಟ್ರೋಲ್ ಎಂಜಿನ್ ಹೊಂದಿರುವ ಇನ್ವಿಕ್ಟೋ ಕಾರು ಹೈಬ್ರಿಡ್ ಕೂಡ ಆಗಿದ್ದು ಇಂಧನ ಉಳಿತಾಯ ಮಾಡಲಿದೆ. ಇದು ಕೇವಲ ಒಂದು ಲೀಟರ್ ಇಂಧನದಿಂದ 23.24 ಕಿಲೋಮೀಟರ್ ದೂರ ಹೋಗಬಹುದು ಹಾಗೂ ಸುಮಾರು ಏಳು ಅಥವಾ ಎಂಟು ಜನರು ಪ್ರಯಾಣ ಮಾಡಬಹುದಾಗಿದೆ, ಆದ್ದರಿಂದ ಈ ಕಾರಿನಲ್ಲಿ ಎಲ್ಲರಿಗೂ ಸಾಕಷ್ಟು ಸ್ಥಳಾವಕಾಶವಿದೆ.
ಇನ್ವಿಕ್ಟೊ ಬಿಡುಗಡೆಯಿಂದ ಮಾರುತಿ ಸುಜುಕಿ ಕಂಪನಿಯ ಷೇರುಗಳು ಒಂದೇ ದಿನದಲ್ಲಿ 3.55% ಏರಿಕೆ ಕಂಡಿದೆ.
