ಮ್ಯಾನ್ಮಾರ್‌ನ (Myanmar) ಮಧ್ಯ ಭಾಗದಲ್ಲಿ ಇರುವ ಸಾಗೈಂಗ್ ಪ್ರದೇಶದ ಲಿನ್ ಟಾ ಲು ಎಂಬ ಗ್ರಾಮದಲ್ಲಿನ ಬೌದ್ಧ ಮಠದ (Buddhist monastery) ಮೇಲೆ ಮ್ಯಾನ್ಮಾರ್ ಸೇನೆಯು ವಿಮಾನ ದಾಳಿ ನಡೆಸಿದ್ದು, 23 ಮಂದಿ ನಾಗರಿಕರು ಮೃತಪಟ್ಟಿದ್ದಾರೆ. ಮೃತರಲ್ಲಿ 4 ಮಕ್ಕಳು ಕೂಡ ಇದ್ದರು. ಈ ದಾಳಿ ಜುಲೈ 11ರ ಬೆಳಗಿನ ಜಾವ 1 ಗಂಟೆ ಸುಮಾರಿಗೆ ನಡೆದಿದ್ದು, 30ಕ್ಕೂ ಹೆಚ್ಚು ಮಂದಿ ಗಾಯಗೊಂಡಿದ್ದಾರೆ. ಗಾಯಗೊಂಡವರಲ್ಲಿ 10 ಮಂದಿಯ ಸ್ಥಿತಿ ಗಂಭೀರವಾಗಿದೆ.
ಹಿಂಸೆ ಮತ್ತು ಯುದ್ಧದಿಂದ ತಪ್ಪಿಸಿಕೊಳ್ಳಲು ಸುಮಾರು 150 ಮಂದಿ ಈ ಮಠದಲ್ಲಿ ಆಶ್ರಯ ಪಡೆದುಕೊಂಡಿದ್ದರು. ಮಿಲಿಟರಿ ಜೆಟ್ ಒಂದು ಮಠದ ಆವರಣದ ಕಟ್ಟಡದ ಮೇಲೆ ಬಾಂಬ್ ಹಾಕಿದ್ದು, ಅಲ್ಲಿ ಇಡೀ ಅನಾಹುತ ಸಂಭವಿಸಿದೆ. ಮೃತರೆಲ್ಲರೂ ಸಾಮಾನ್ಯ ನಾಗರಿಕರಾಗಿದ್ದರು.
2021ರ ಫೆಬ್ರವರಿಯಲ್ಲಿ ಮ್ಯಾನ್ಮಾರ್ ಸೇನೆ ಪ್ರಜಾತಂತ್ರ ಸರ್ಕಾರವನ್ನು ಕಿತ್ತೊಗೆಯಿಸಿ ಅಧಿಕಾರ ವಶಪಡಿಸಿಕೊಂಡ ಬಳಿಕ, ದೇಶದಲ್ಲಿ ಹಿಂಸಾಚಾರ ಹೆಚ್ಚಾಗಿದೆ. ಸೇನೆ ಮತ್ತು ಜನಪ್ರತಿನಿಧಿಗಳ ನಡುವೆ ನಡೆಯುತ್ತಿರುವ ಗಲಭೆಯ ನಡುವೆ, ಸಾಗೈಂಗ್ ಪ್ರದೇಶ ಪೀಪಲ್ಸ್ ಡಿಫೆನ್ಸ್ ಫೋರ್ಸ್ ಸೇರಿದಂತೆ ಎನೇಕಡೆ ಪ್ರತಿರೋಧ ಭದ್ರಕೋಟೆಯಾಗಿದೆ. ಈ ಪ್ರದೇಶದಲ್ಲಿ ಸೇನೆ ವ್ಯಾಪಕವಾಗಿ ವಿಮಾನ ದಾಳಿ ನಡೆಸುತ್ತಿದ್ದು, ಇದರ ಪರಿಣಾಮವಾಗಿ ಮಾನವೀಯ ಹಾನಿ ಹೆಚ್ಚುತ್ತಿದೆ.
ಸ್ವತಂತ್ರ ಮಾಧ್ಯಮವೊಂದರ ವರದಿ ಪ್ರಕಾರ, ಮೃತರ ಸಂಖ್ಯೆ 30ರಷ್ಟಿರಬಹುದು ಎಂಬ ಶಂಕೆಯಿದೆ. ಮ್ಯಾನ್ಮಾರ್ ಸೇನೆಯು ಈ ಕುರಿತು ಯಾವುದೇ ಪ್ರತಿಕ್ರಿಯೆ ನೀಡಿಲ್ಲ.
