Bengaluru: ಚಿಕ್ಕಬಳ್ಳಾಪುರ ಜಿಲ್ಲೆಯ ಜನಪ್ರಿಯ ಪ್ರವಾಸಿ ಸ್ಥಳವಾದ ನಂದಿ ಬೆಟ್ಟದಲ್ಲಿ ರೋಪ್ ವೇ (Nandi Betta Ropeway project) ನಿರ್ಮಿಸಲು ಸರ್ಕಾರ ಹಾಕಿದ ಯೋಜನೆಗೆ ಈಗ ಕೇಂದ್ರ ಪರಿಸರ ಸಚಿವಾಲಯದಿಂದ ಷರತ್ತುಬದ್ಧ ಅನುಮೋದನೆ ಸಿಕ್ಕಿದೆ. ಮೇ ತಿಂಗಳಿನಲ್ಲಿ ನಿರ್ಮಾಣ ಕಾರ್ಯಾರಂಭಿಸಲು ಸರ್ಕಾರ ಸಜ್ಜಾಗಿದೆ.
ಈ ಯೋಜನೆ ಕಳೆದ ಕೆಲವು ಕಾಲದಿಂದ ನಿಂತ ಸ್ಥಿತಿಯಲ್ಲಿತ್ತು. ಇದೀಗ ಪರಿಸರ, ಅರಣ್ಯ ಮತ್ತು ಹವಾಮಾನ ಬದಲಾವಣೆ ಸಚಿವಾಲಯದ ಪರಿವೇಶ್ ಪೋರ್ಟಲ್ ಮೂಲಕ ಅರಣ್ಯ ಇಲಾಖೆಯ ನಿಯಮಗಳನ್ನು ಪಾಲಿಸುವ ಷರತ್ತಿನೊಂದಿಗೆ ಅನುಮೋದನೆ ನೀಡಲಾಗಿದೆ.
ಅರಣ್ಯ ಇಲಾಖೆಯ ನಿಯಮಗಳು ಯಾವುವು?
- ನಂದಿ ಸ್ಟೇಟ್ ಫಾರೆಸ್ಟ್ ವ್ಯಾಪ್ತಿಯಲ್ಲಿ ನೀಲಗಿರಿ ಮರವನ್ನ ಬೇರೆ ಯಾವುದೇ ಮರವನ್ನು ಕಡಿಯಬಾರದು.
- ಬ್ಲಾಸ್ಟಿಂಗ್ ಅಥವಾ ಡ್ರಿಲ್ಲಿಂಗ್ ಕಾರ್ಯಗಳನ್ನು ನಿಷೇಧಿಸಲಾಗಿದೆ.
- ಕಾರ್ಮಿಕರನ್ನು ಅರಣ್ಯ ಇಲಾಖೆಯ ಮೇಲ್ವಿಚಾರಣೆಯಲ್ಲಿ ಮಾತ್ರ ಬಳಸಬೇಕು.
- ರಸ್ತೆ ನಿರ್ಮಾಣ ಮತ್ತು ಜೆಸಿಬಿ ಯಂತ್ರಗಳ ಬಳಕೆ ಇಲ್ಲ.
ಯೋಜನೆಯ ಮುಖ್ಯ ಅಂಶಗಳು
- ಉದ್ದ: 2.93 ಕಿ.ಮೀ
- ವೆಚ್ಚ: ₹93.40 ಕೋಟಿ
- ಉದ್ದೇಶ: ಪ್ರವಾಸಿಗರ ದಟ್ಟಣೆಯಿಂದ ಉಂಟಾಗುವ ಮಾಲಿನ್ಯವನ್ನು ಕಡಿಮೆ ಮಾಡುವುದು ಮತ್ತು ವಾಹನ ಸಂಚಾರದ ಬಿಕ್ಕಟ್ಟಿಗೆ ಪರಿಹಾರ ನೀಡುವುದು.
- ಆರಂಭದ ಸ್ಥಳ: ನಂದಿ ಬೆಟ್ಟದ ಬುಡದಿಂದ
- ವಿಸ್ತರಣೆ: ಸುಮಾರು 7 ಎಕರೆ, ಇದರಲ್ಲಿ 86 ಗುಂಟೆ ಅರಣ್ಯ ಭೂಮಿ ಸೇರಿದೆ
- ಪೂರ್ಣಗೊಳ್ಳುವ ಗುರಿ: ಎಲ್ಲ ಅನುಮೋದನೆಗಳ ನಂತರ 1 ವರ್ಷದೊಳಗೆ ಕಾಮಗಾರಿ ಮುಗಿಸಲು ಉದ್ದೇಶ
ಈ ಯೋಜನೆ ನಿಗದಿತ ವೇಳೆಗೆ ಪೂರ್ಣಗೊಳ್ಳುವಂತೆ ಮಾಡಿದರೆ, ಇದು ಕರ್ನಾಟಕದ ಮೊದಲ ರೋಪ್ ವೇ ಯೋಜನೆಯಾಗಿ ಹೆಸರಾಗಲಿದೆ.
