Bengaluru : ಕರ್ನಾಟಕ ಹಾಲು ಒಕ್ಕೂಟ (KMF) ಬೆಂಗಳೂರಿನಲ್ಲಿ ತನ್ನ ಪ್ರಸಿದ್ಧ Nandini ಬ್ರಾಂಡ್‌ನಡಿಯಲ್ಲಿ ಇಡ್ಲಿ ಮತ್ತು ದೋಸೆ ಹಿಟ್ಟನ್ನು (Idly Dosa Batter) ಪರಿಚಯಿಸಲು ಸಿದ್ಧವಾಗಿದೆ.
ಪ್ರಸ್ತುತ ಐಡಿ, ಅಸಲ್ ಮತ್ತು ಎಂಟಿಆರ್‌ನಂತಹ ಖಾಸಗಿ ಕಂಪನಿಗಳು ಮಾರುಕಟ್ಟೆಯಲ್ಲಿವೆ. ನಂದಿನಿ ಇಡ್ಲಿ ಮತ್ತು ದೋಸೆ ಹಿಟ್ಟು ಬಿಡುಗಡೆಗೆ ಸಿದ್ದವಾಗಿದ್ದು, ಮುಖ್ಯಮಂತ್ರಿಯಿಂದ ದಿನಾಂಕ ದೃಢೀಕರಣ ಬಾಕಿ ಇದೆ ಎಂದು KMF ವ್ಯವಸ್ಥಾಪಕ ನಿರ್ದೇಶಕ ಎಂ.ಕೆ.ಜಗದೀಶ್ ತಿಳಿಸಿದ್ದಾರೆ (M K Jagadish). ತನ್ನ ಪ್ರತಿಸ್ಪರ್ಧಿಗಳಿಗಿಂತ ಸ್ಪರ್ಧಾತ್ಮಕ ಬೆಲೆಯಲ್ಲಿ ಬ್ಯಾಟರ್ ಅನ್ನು ನೀಡಲು ಕೆಎಂಎಫ್ ಉದ್ದೇಶಿಸಿದೆ.
ಹೊಸ ನಂದಿನಿ ಬ್ಯಾಟರ್ 450 ಗ್ರಾಂ ಮತ್ತು 900 ಗ್ರಾಂ ಪ್ಯಾಕ್‌ಗಳಲ್ಲಿ ಲಭ್ಯವಿದ್ದು, ಗ್ರಾಹಕರಿಗೆ ಅನುಕೂಲವಾಗಲಿದೆ. ಈ ಬ್ಯಾಟರ್ ನಲ್ಲಿ ವೇ ಪ್ರೋಟೀನ್ ಬೇಸ್ ಇದೆ , ಇದು ಇಡ್ಲಿಗಳು ಮತ್ತು ದೋಸೆಗಳ ಸುವಾಸನೆ ಮತ್ತು ರುಚಿ ಹೆಚ್ಚಿಸುತ್ತದೆ ಎಂದು ಹೇಳಲಾಗುತ್ತದೆ.
ನೀಲಿ ಬಣ್ಣದ 900-ಗ್ರಾಂ ಪ್ಯಾಕ್ ನಿಂದ 18 ಇಡ್ಲಿಗಳು ಅಥವಾ 12-14 ದೋಸೆಗಳನ್ನು ಮಾಡಬಹುದು. ಆರಂಭದಲ್ಲಿ ಆಗಸ್ಟ್ ನಲ್ಲಿಬಿಡುಗಡೆಗೆ ಯೋಜಿಸಲಾಗಿದ್ದರೂ, ಅನಿರೀಕ್ಷಿತ ಕಾರಣಗಳಿಂದ ಬಿಡುಗಡೆ ವಿಳಂಬವಾಯಿತು.
KMF ನ ನಂದಿನಿ ಬ್ರಾಂಡ್ ಈಗಾಗಲೇ ಹಾಲು, ಬ್ರೆಡ್, ತುಪ್ಪ, ಬೆಣ್ಣೆ, ಮೊಸರು, ಚೀಸ್, ಮಜ್ಜಿಗೆ ಮತ್ತು ಮೊಸರು ಸೇರಿದಂತೆ ಹಲವು ಉತ್ಪನ್ನಗಳನ್ನು ನೀಡುತ್ತದೆ.
ಹೆಚ್ಚು ದುಡಿಯುವ ಜನಸಂಖ್ಯೆ ಇರುವ ಬೆಂಗಳೂರು, ವಿಶೇಷವಾಗಿ ಟೆಕ್ ವಲಯದಲ್ಲಿ, ಹೊಸ ಉತ್ಪನ್ನಕ್ಕೆ ಸೂಕ್ತವಾದ ಮಾರುಕಟ್ಟೆಯಾಗಿ ಕಂಡುಬರುತ್ತದೆ.
ಬೆಂಗಳೂರಿನಲ್ಲಿ ಅದರ ಕಾರ್ಯಕ್ಷಮತೆಯನ್ನು ಮೌಲ್ಯಮಾಪನ ಮಾಡಿದ ನಂತರ ಬ್ಯಾಟರ್‌ನ ಲಭ್ಯತೆಯನ್ನು ಇತರ ಪ್ರದೇಶಗಳಿಗೆ ವಿಸ್ತರಿಸಲು KMF ಯೋಜಿಸಿದೆ.
ತನ್ನ ಡೈರಿ ಕೊಡುಗೆಗಳ ಹೊರತಾಗಿ, ಇಂಡಿಯನ್ ಸೂಪರ್ ಲೀಗ್ (ISL) ಫುಟ್‌ಬಾಲ್ ಪಂದ್ಯಾವಳಿಯ ಅಧಿಕೃತ ಪ್ರಾಯೋಜಕರಾಗಿ ಮತ್ತು ಪ್ರೊ ಕಬಡ್ಡಿ ಲೀಗ್‌ನ ಸೀಸನ್ 11 ಅನ್ನು ನಂದಿನಿ ಸ್ಪಾನ್ಸರ್ ಮಾಡುತ್ತಿದೆ.
KMF ತನ್ನ ಉತ್ಪನ್ನ ವ್ಯಾಪ್ತಿಯನ್ನು ಕರ್ನಾಟಕ ಮಾತ್ರವಲ್ಲದೆ ದೆಹಲಿ ಮಾರುಕಟ್ಟೆಯನ್ನು ಪ್ರವೇಶಿಸುವುದರ ಮೇಲೆ ಕೇಂದ್ರೀಕರಿಸಿದೆ.
2023 ರಲ್ಲಿ ಕಾಂಗ್ರೆಸ್ ಅಮುಲ್ ಪ್ರವೇಶವನ್ನು ವಿರೋಧಿಸಿದಾಗ ಬ್ರಾಂಡ್ ರಾಜಕೀಯ ವಿವಾದದ ಕೇಂದ್ರಬಿಂದುವಾದ ನಂತರ ನಂದಿನಿ ಯು ವಿಸ್ತರಣೆ ಮತ್ತು ಸ್ಪರ್ಧಾತ್ಮಕ ನಡೆಗಳನ್ನು ಇಡುತ್ತಿದೆ.
