ಮೋಂಟ್ರಾ ಎಲೆಕ್ಟ್ರಿಕ್ (Montra Electric) ಎಂಬ ಕಂಪನಿಯಿಂದ “ಸೂಪರ್ ಕಾರ್ಗೋ” ಎಂಬ ಹೊಸ ಎಲೆಕ್ಟ್ರಿಕ್ ಆಟೋ (New electric auto) ಬಿಡುಗಡೆ ಆಗಿದೆ. ಇದು ಡೀಸೆಲ್ ಮತ್ತು ಪೆಟ್ರೋಲ್ ವಾಹನಗಳಿಗೆ ಸ್ಪರ್ಧಿಸಲು ತಯಾರಾಗಿದ್ದು, ವಿಶೇಷವಾಗಿ ಸಣ್ಣಮಟ್ಟದ ಸರಕು ಸಾಗಾಟಕ್ಕೆ ಸೂಕ್ತವಾಗಿದೆ.
ಈ 3 ಚಕ್ರದ ಆಟೋಗೆ 13.8 ಕಿಲೋವ್ಯಾಟ್ ಅವರ್ ಲಿಥಿಯಂ ಅಯಾನ್ ಬ್ಯಾಟರಿ ಇರುತ್ತದೆ. ಒಂದು ಚಾರ್ಜ್‌ನಲ್ಲಿ ಸುಮಾರು 200 ಕಿ.ಮೀ ಸಾಗುತ್ತದೆ. ಸರಾಸರಿ ಬಳಕೆಯಲ್ಲಿ ಇದು 170 ಕಿ.ಮೀವರೆಗೆ ಸಾಗಬಲ್ಲದು.
ಈ ವಾಹನದ ಬೆಲೆ ₹4.37 ಲಕ್ಷ (ಎಕ್ಸ್ ಶೋರೂಂ) ಆಗಿದ್ದು, ವಿದ್ಯುತ್ ಬೆಲೆಯ ಪ್ರಕಾರ 1 ಕಿಲೋಮೀಟರ್‌ಗೆ ₹1 ಗಿಂತ ಕಡಿಮೆ ವೆಚ್ಚವಿರುತ್ತದೆ. ಇದರಿಂದ ಕಾರ್ಗೋ ಸಾಗಿಸುವವರಿಗೆ ಬಹಳ ಲಾಭವಾಗಬಹುದು.
ಇದರಲ್ಲಿ ಈ ಕೆಳಗಿನ ಫೀಚರ್‌ಗಳಿವೆ
- 70 Nm ಟಾರ್ಕ್ ಮತ್ತು 11 kW ಶಕ್ತಿ ಹೊಂದಿರುವ ಮೋಟಾರ್
- 1.2 ಟನ್ ಸರಕು ಹೊರುವ ಸಾಮರ್ಥ್ಯ
- ಹಿಲ್ ಹೋಲ್ಡ್, ರಿವರ್ಸ್ ಅಸಿಸ್ಟ್, ರೀಜನರೇಟಿವ್ ಬ್ರೇಕಿಂಗ್ ಮುಂತಾದ ಆಧುನಿಕ ವೈಶಿಷ್ಟ್ಯಗಳು
- 5 ವರ್ಷ ಅಥವಾ 1.75 ಲಕ್ಷ ಕಿ.ಮೀ ವಾರಂಟಿ
- ಮೂರು ಬಾಡಿ ಪ್ರಕಾರಗಳು ಮತ್ತು 2 ಮಾದರಿಗಳು
ಈ ಆಟೋ ಭಾರತದಲ್ಲಿ 90ಕ್ಕೂ ಹೆಚ್ಚು ನಗರಗಳಲ್ಲಿ ಬುಕ್ ಮಾಡಬಹುದಾಗಿದೆ. ಲಭ್ಯವಿರುವ ಬಣ್ಣಗಳು, ಚಿಲ್ಲಿ ರೆಡ್, ಸ್ಟೀಲ್ ಗ್ರೇ, ಇಂಡಿಯನ್ ಬ್ಲೂ, ಸ್ಟಾಲಿಯನ್ ಬ್ರೌನ್.
ಡೆಹಲಿಯಲ್ಲಿ ಜೂನ್ 20ರಂದು ಈ ವಾಹನವನ್ನು ಅಧಿಕೃತವಾಗಿ ಬಿಡುಗಡೆ ಮಾಡಲಾಗಿದ್ದು, ಲಾಂಚ್ ಸಮಯದಲ್ಲೇ 200ಕ್ಕೂ ಹೆಚ್ಚು ಯೂನಿಟ್‌ಗಳ ಬುಕಿಂಗ್ ನಡೆದಿದೆ.
ಇದು ಸ್ವಂತ ವಾಹನ ಅಥವಾ ಫ್ಲೀಟ್ ಹೊಂದಿರುವ ವ್ಯವಹಾರಿಗಳಿಗೆ ಲಾಭದಾಯಕ ಆಯ್ಕೆ ಎಂದು ಕಂಪನಿ ಹೇಳಿದೆ.