Bengaluru: ಹಣಕಾಸು ಸಚಿವೆ ನಿರ್ಮಲಾ ಸೀತಾರಾಮನ್ (Nirmala Sitharaman) ಅವರು Bank ಗಳು ಸಾಲದ ಬಡ್ಡಿದರಗಳನ್ನು (interest rate) ಇಳಿಸಬೇಕು ಎಂಬ ಅಭಿಪ್ರಾಯ ವ್ಯಕ್ತಪಡಿಸಿದ್ದಾರೆ. SBI ಆಯೋಜಿಸಿದ ಒಂದು ಕಾರ್ಯಕ್ರಮದಲ್ಲಿ ಮಾತನಾಡಿದ ಅವರು, ದೇಶದ ಆರ್ಥಿಕ ಚಟುವಟಿಕೆಗಳನ್ನು ಚುರುಕುಗೊಳಿಸಲು ಮತ್ತು ಕೈಗಾರಿಕೆಗಳನ್ನು ಬೆಂಬಲಿಸಲು ಬಡ್ಡಿದರ ಇಳಿಕೆ ಮುಖ್ಯವೆಂದು ಹೇಳಿದರು.
ವಿಕಸಿತ ಭಾರತ ನಿರ್ಮಾಣಕ್ಕಾಗಿ ಕೈಗಾರಿಕೆಗಳು ಹೊಸ ಹೂಡಿಕೆ ಮಾಡಬೇಕಾಗಿದ್ದು, ಇದಕ್ಕೆ ಕಡಿಮೆ ಬಡ್ಡಿದರದ ಸಾಲಗಳು ಅಗತ್ಯ ಎಂದು ಸಚಿವರು ಹೇಳಿದರು. ಸದ್ಯದ ಬಡ್ಡಿದರಗಳು ಹೆಚ್ಚು ಇದ್ದು, ಇವು ಕೈಗಾರಿಕೆಗಳ ಪ್ರಗತಿಗೆ ಅಡ್ಡಿಯಾಗಿದೆ ಎಂಬ ಅಭಿಪ್ರಾಯವನ್ನು ವ್ಯಕ್ತಪಡಿಸಿದರು.
ಬ್ಯಾಂಕುಗಳ ಸಾಲ ಮತ್ತು ಠೇವಣಿ ದರಗಳು ಸಾಮಾನ್ಯವಾಗಿ RBIನ ರಿಪೋ ದರದ ಮೇಲೆ ಅವಲಂಬಿತವಾಗಿರುತ್ತವೆ. ಪ್ರಸ್ತುತ ರಿಪೋ ದರ ಶೇ. 6.5ರ ಮಟ್ಟದಲ್ಲಿ ಇದೆ. ಬ್ಯಾಂಕುಗಳು ಈ ದರವನ್ನು ಆಧಾರವಾಗಿ ಬಳಸಬಹುದಾದರೂ, ಇವು ಸ್ವತಂತ್ರವಾಗಿ ದರಗಳನ್ನು ನಿರ್ಧರಿಸಬಹುದು.
2025ರ ಫೆಬ್ರವರಿ 1ರಂದು ಬಜೆಟ್ ಮಂಡನೆ ಮಾಡಬೇಕಾದದಲ್ಲಿ, ನಿರ್ಮಲಾ ಸೀತಾರಾಮನ್ ಈಗಾಗಲೇ ತಯಾರಿಯಲ್ಲಿ ನಿರತರಾಗಿದ್ದಾರೆ. ಬಡ್ಡಿದರ ಇಳಿಕೆ ತಂತ್ರ ಬಜೆಟ್ ಪ್ರಸ್ತಾಪದಲ್ಲೂ ಮುಖ್ಯ ಪಾತ್ರ ವಹಿಸಬಹುದೆಂದು ನಿರೀಕ್ಷಿಸಲಾಗಿದೆ.
