New Delhi: ಗ್ರಾಹಕರು ವ್ಯಾಪಾರಿಗಳಿಗೆ (ವ್ಯಕ್ತಿಯಿಂದ ವ್ಯಾಪಾರಿಗೆ) UPI ಮೂಲಕ ಹಣ ಪಾವತಿಸಲು ಇರುವ ಮಿತಿಯನ್ನು (UPI Payment Limit) ನಿಗದಿಪಡಿಸುವ ಹೊಣೆಗಾರಿಕೆಯನ್ನು ಈಗ NPCIಗೆ (NPCI-National Payments Corporation of India) ನೀಡಲಾಗಿದೆ. RBI ನಡೆಸಿದ ಮಾನಿಟರಿ ಪಾಲಿಸಿ ಸಮಿತಿ ಸಭೆಯಲ್ಲಿ ಈ ಮಹತ್ವದ ನಿರ್ಧಾರ ತೆಗೆದುಕೊಳ್ಳಲಾಗಿದೆ.
ಇತ್ತೀಚಿನವರೆಗೆ ಗ್ರಾಹಕರಿಂದ ವ್ಯಾಪಾರಿಗಳಿಗೆ ಯುಪಿಐ ಮೂಲಕ ಹಣ ಪಾವತಿಸಲು ₹2 ಲಕ್ಷ ಮಿತಿ ಇತ್ತು. ಈಗ ಈ ಮಿತಿಯನ್ನು ಹೆಚ್ಚಿಸುವ ಅಥವಾ ಬದಲಾಯಿಸುವ ಅಧಿಕಾರವನ್ನು ಎನ್ಪಿಸಿಐಗೆ ನೀಡಲಾಗಿದೆ.
NPCI ಎಲ್ಲಾ ಬ್ಯಾಂಕುಗಳು ಮತ್ತು ಪಾವತಿ ವ್ಯವಸ್ಥೆಗಳೊಂದಿಗೆ ಚರ್ಚಿಸಿ, ಗ್ರಾಹಕರಿಂದ ವ್ಯಾಪಾರಿಗಳಿಗೆ ಆಗುವ UPI ವ್ಯವಹಾರದ ಮಿತಿಯನ್ನು ಪರಿಷ್ಕರಿಸಬಹುದು. ಇದರಿಂದಾಗಿ ವ್ಯಾಪಾರಿಗಳಿಗೆ ಹೆಚ್ಚಿನ ಮೊತ್ತದ ಪಾವತಿಗಳನ್ನು ಸ್ವೀಕರಿಸಲು ಅವಕಾಶ ಸಿಗಬಹುದು.
ವ್ಯಕ್ತಿಯಿಂದ ವ್ಯಕ್ತಿಗೆ (Person to Person) ಯುಪಿಐ ಪಾವತಿಗೆ ಇರುವ ₹1 ಲಕ್ಷ ಮಿತಿಯಲ್ಲಿ ಯಾವುದೇ ಬದಲಾವಣೆ ಈವರೆಗೆ ಮಾಡುವುದಿಲ್ಲ ಎಂದು ಸ್ಪಷ್ಟಪಡಿಸಲಾಗಿದೆ.
ಈ ನಿರ್ಧಾರಕ್ಕೆ ಹಣಕಾಸು ತಜ್ಞರಿಂದ ಸ್ವಾಗತ ಸಿಕ್ಕಿದೆ. ಇದು ರೀಟೇಲ್ ವ್ಯಾಪಾರ, ಪ್ರವಾಸೋದ್ಯಮ, ಶಿಕ್ಷಣ ಮತ್ತು ಆರೋಗ್ಯ ಕ್ಷೇತ್ರಗಳಿಗೆ ಸಹಾಯವಾಗಬಹುದು ಎಂದು MufinPay ಸಂಸ್ಥೆಯ ಸಿಇಒ ಅಂಕುಶ್ ಜುಲ್ಕಾ ಹೇಳಿದ್ದಾರೆ. ಈ ಬೆಳವಣಿಗೆಯಿಂದ ಯುಪಿಐ ಬಳಕೆ ಇನ್ನಷ್ಟು ವ್ಯಾಪಕವಾಗಲಿದೆ ಎಂಬ ನಿರೀಕ್ಷೆ ಇದೆ.
