Bengaluru: ಕರ್ನಾಟಕ ಸರ್ಕಾರ ಹೊಸ ಯೋಜನೆಯೊಂದನ್ನು ಆರಂಭಿಸಿದೆ. ಇದರ ಮೂಲಕ ಸಾರ್ವಜನಿಕರು ಈಗಿನಿಂದ ವಿಧಾನಸೌಧದ (Vidhana Soudha) ಒಳಗೆ ಹೋಗಿ ವೀಕ್ಷಿಸಬಹುದಾಗಿದೆ. ಇದುವರೆಗೆ ಭವ್ಯವಾದ ಈ ಆಡಳಿತದ ಕಟ್ಟಡದ ಒಳಗೆ ನೋಟಕ್ಕೆ ಅವಕಾಶ ಇರಲಿಲ್ಲ. ಆದರೆ ಈಗ ಸರ್ಕಾರ “ವಿಧಾನಸೌಧ ಮಾರ್ಗದರ್ಶಿ ಪ್ರವಾಸ” ಎಂಬ ಕಾರ್ಯಕ್ರಮವನ್ನು ಪ್ರಾರಂಭಿಸಿದೆ.
ಈ ಯೋಜನೆಯು ವಿಧಾನಸಭೆ, ವಿಧಾನ ಪರಿಷತ್ ಹಾಲ್ ಸೇರಿದಂತೆ ಹಲವಾರು ಐತಿಹಾಸಿಕ ಸ್ಥಳಗಳನ್ನು ಸಾರ್ವಜನಿಕರಿಗೆ ತೋರಿಸಲು ಯೋಜಿಸಲಾಗಿದೆ. ಈ ಪ್ರವಾಸವನ್ನು ಸ್ಪೀಕರ್ ಯು ಟಿ ಖಾದರ್ ಅವರು ಉದ್ದೇಶಪೂರ್ವಕವಾಗಿ ಪ್ರಾರಂಭಿಸಿದ್ದು, ಭದ್ರತಾ ಕ್ರಮಗಳನ್ನು ಕೂಡ ಜಾರಿಗೆ ತಂದಿದ್ದಾರೆ.
ಪ್ರವಾಸದ ಮುಖ್ಯ ಅಂಶಗಳು
- ಪ್ರವಾಸದ ದಿನಗಳು: ಪ್ರತೀ ಭಾನುವಾರ ಹಾಗೂ 2ನೇ ಮತ್ತು 4ನೇ ಶನಿವಾರ
- ಪ್ರಾರಂಭ ದಿನಾಂಕ: ಜೂನ್ 1 ರಿಂದ ಅಧಿಕೃತ ಪ್ರವಾಸ ಆರಂಭ
- ಟಿಕೆಟ್ ಬುಕ್ಕಿಂಗ್: https://kstdc.co/activities ನಲ್ಲಿ online ನಲ್ಲಿ ಮುಂಚಿತವಾಗಿ ಬುಕ್ ಮಾಡಬೇಕು
- ಟಿಕೆಟ್ ದರ
- 16 ವರ್ಷ ಮೇಲ್ಪಟ್ಟವರಿಗೆ ₹50
- 16 ವರ್ಷದೊಳಗಿನ ಮಕ್ಕಳಿಗೆ ಉಚಿತ
- ಪ್ರವಾಸ ಸಮಯ: ಬೆಳಗ್ಗೆ 8 ಗಂಟೆ ರಿಂದ ಸಂಜೆ 5 ಗಂಟೆವರೆಗೆ
- ಪ್ರತೀ ಬ್ಯಾಚ್: ದಿನಕ್ಕೆ ಪ್ರತೀ ಬ್ಯಾಚ್‌ನಲ್ಲಿ 30 ಜನರಂತೆ ವಿಧಾನಸೌಧ ವೀಕ್ಷಣೆ. ದಿನಕ್ಕೆ 300 ಮಂದಿಗೆ ಮಾತ್ರ ವಿಧಾನಸೌಧ ನೋಡುವ ಅವಕಾಶ.
- ಪ್ರವಾಸ ಅವಧಿ: 1.5 ಗಂಟೆ (ಒಂದು ಬ್ಯಾಚ್), ಸುಮಾರು 1.5 ಕಿಮೀ ದೂರ
- ಪ್ರವೇಶ ಗೇಟ್: ಗೇಟ್ ನಂಬರ್ 3 ಮೂಲಕ ಪ್ರವೇಶ
- ಹಾಜರಾತಿ ಸಮಯ: ಪ್ರವಾಸಕ್ಕಿಂತ 20 ನಿಮಿಷ ಮೊದಲು ಹಾಜರಿರಬೇಕು
- ಪಠ್ಯ ದಾಖಲೆ: ಗುರುತಿನ ಚೀಟಿ ತರಬೇಕು
- ಫೋಟೋ ಅವಕಾಶ: ನಿರ್ದಿಷ್ಟ ಸ್ಥಳದಲ್ಲಿ ಮಾತ್ರ ಫೋಟೋ ತೆಗೆದುಕೊಳ್ಳಬಹುದು
- ಮಾಹಿತಿ ಮಾರ್ಗದರ್ಶಕರು: ಕನ್ನಡ ಮತ್ತು ಇಂಗ್ಲಿಷ್ ಭಾಷೆಗಳಲ್ಲಿ ಗೈಡ್‌ಗಳು ಇರ್ತಾರೆ.
ಈ ಯೋಜನೆ ವಿಧಾನಸೌಧದ ಇತಿಹಾಸವನ್ನು ಜನತೆಗೆ ಪರಿಚಯಿಸಲು ನಿಟ್ಟಿದ ಸದುದ್ದೇಶದ ಕಾರ್ಯಕ್ರಮ. ಈಗಾಗಲೇ ಇಲ್ಲಿ ನಡೆದ ಪುಸ್ತಕ ಮೇಳ ಜನಮನ ಸೆಳೆದಿತ್ತು. ಇದೀಗ ಅಧಿಕೃತವಾಗಿ ಶಕ್ತಿ ಕೇಂದ್ರದ ಒಳಗಿನ ಭಾಗ ವೀಕ್ಷಿಸಲು ಅವಕಾಶ ದೊರೆಯುತ್ತಿರುವುದು ವಿದ್ಯಾರ್ಥಿಗಳು ಮತ್ತು ಪ್ರವಾಸಿಗರಲ್ಲಿ ಸಂತೋಷ ತಂದಿದೆ.
