Bharatpur: ಅತ್ಯಾಚಾರ ಆರೋಪಿ ಗಳನ್ನು ಸ್ಥಳದಲ್ಲೇ ಥಳಿಸಬೇಕು ಮತ್ತು ನಾಯಿಗಳಂತೆ ಸಂತಾನಶಕ್ತಿ ಹರಣ ಚಿಕಿತ್ಸೆ ನೀಡಬೇಕು ಎಂದು ರಾಜಸ್ಥಾನದ ರಾಜ್ಯಪಾಲ (Rajasthan Governor) ಹರಿಭಾವು ಕಿಶನಾವ್ ಬಗಾಡೆ ತಿಳಿಸಿದ್ದಾರೆ.
ಭರತ್ಪುರದ ಮಹಾತ್ಮಾ ಗಾಂಧಿ ಪಶುವೈದ್ಯಕೀಯ ಕಾಲೇಜಿನಲ್ಲಿ ನಡೆದ ಭರತ್ಪುರ ಬಾರ್ ಕೌನ್ಸಿಲ್ ಪ್ರಮಾಣ ವಚನ ಸ್ವೀಕಾರ ಸಮಾರಂಭದಲ್ಲಿ ಅವರು ಮಾತನಾಡಿ, “ಹಲವಾರು ಕಾನೂನುಗಳು ಮತ್ತು ಶಿಕ್ಷೆಗಳಿದ್ದರೂ ಅಪರಾಧಿಗಳಿಗೆ ಯಾವುದೇ ಭಯವಿಲ್ಲ” ಎಂದು ಅಭಿಪ್ರಾಯಪಟ್ಟರು.
ಅತ್ಯಾಚಾರಿಗಳನ್ನು ಸಾರ್ವಜನಿಕರು ಸ್ಥಳದಲ್ಲೇ ಹಿಡಿದು ಥಳಿಸಬೇಕು. ನಾಯಿಗಳ ಸಂಖ್ಯೆ ಹೆಚ್ಚಾದಾಗ ಪುರಸಭೆ ಕ್ರಿಮಿನಾಶಕ ಚಿಕಿತ್ಸೆ ನೀಡುವಂತೆ, ಅತ್ಯಾಚಾರಿಗಳಿಗೆ ಸಂತಾನಶಕ್ತಿ ಹರಣ ಚಿಕಿತ್ಸೆ ನೀಡಬೇಕು ಎಂದು ಅವರು ಹೇಳಿದ್ದಾರೆ.
ಇಂತಹ ಘೋರ ಅಪರಾಧಗಳ ವೀಡಿಯೊ ರೆಕಾರ್ಡ್ ಮಾಡುವವರ ವಿರುದ್ಧವೂ ಕ್ರಮ ತೆಗೆದುಕೊಳ್ಳಬೇಕು ಎಂದು ಬಗಾಡೆ ಒತ್ತಾಯಿಸಿದರು. ಮಹಿಳೆಯರು ಕಿರುಕುಳ ಮತ್ತು ಅತ್ಯಾಚಾರದ ಬಲಿಯಾಗುತ್ತಿದ್ದರೂ ಜನರು ದುಷ್ಕರ್ಮಿಗಳನ್ನು ಎದುರಿಸಲು ಹೆದರುತ್ತಾರೆ. ಅದರ ಬದಲು ವೀಡಿಯೊ ಕ್ಲಿಪ್ ತೆಗೆಯುವುದು ಅಪರಾಧವನ್ನು ಸಕ್ರಿಯಗೊಳಿಸುವಂತೆ ಮಾಡುತ್ತದೆ ಎಂದು ಅವರು ಹೇಳಿದ್ದಾರೆ.
