ಅಮೆರಿಕದ ನ್ಯೂಯಾರ್ಕ್ ನಗರದ ಸೆಂಟ್ರಲ್ ಮ್ಯಾನ್ಹ್ಯಾಟನ್‌ನಲ್ಲಿ (Manhattan) ಭಯಾನಕ ಗುಂಡಿನ ದಾಳಿ ನಡೆದಿದೆ. ಈ ದಾಳಿಯಲ್ಲಿ ಒಬ್ಬ ಪೊಲೀಸ್ ಅಧಿಕಾರಿ ಹಾಗೂ ದಾಳಿ ನಡೆಸಿದ ವ್ಯಕ್ತಿಯೂ ಸೇರಿ ಐವರು ಮೃತಪಟ್ಟಿದ್ದಾರೆ ಎಂಬುದಾಗಿ ಅಮೆರಿಕದ ಸುದ್ದಿಸಂಸ್ಥೆಗಳು ವರದಿ ಮಾಡಿವೆ.
ಈ ದಾಳಿ ಸೋಮವಾರ ಸಂಜೆ 6 ಗಂಟೆಗೆ ನಡೆದಿದೆ. ದಾಳಿ ನಡೆದ ನಂತರ ನೂರಾರು ಪೊಲೀಸರನ್ನು ಸ್ಥಳಕ್ಕೆ ಕಳುಹಿಸಲಾಗಿತ್ತು. ಈ ಸ್ಥಳ ಪ್ರವಾಸಿಗರು ಹೆಚ್ಚು ಭೇಟಿಕೊಡುವ ಪಾರ್ಕ್ ಅವೆನ್ಯೂ ಎಂಬ ಪ್ರದೇಶ.
ಬ್ಲಾಕ್‌ಸ್ಟೋನ್ ಟವರ್‌ ಎಂಬ ಕಟ್ಟಡದ ಬಳಿ ಬಂದೂಕುಧಾರಿ ವ್ಯಕ್ತಿಯು ಸಾವನ್ನಪ್ಪಿದ್ದಾನೆ. ಆತನ ಬಗ್ಗೆ ಇನ್ನೂ ಹೆಚ್ಚಿನ ಮಾಹಿತಿ ಬಹಿರಂಗವಾಗಿಲ್ಲ. ಆ ಕಟ್ಟಡದಲ್ಲಿ ಕೆಲಸ ಮಾಡುವ ಕೆಲವರು ಕೆಲಸ ಮುಗಿಸಿ ಹೊರ ಬರುತ್ತಿದ್ದಾಗ ನೆಲದ ಮಹಡಿಯಲ್ಲಿ ಬಂದೂಕುಧಾರಿಯನ್ನು ನೋಡಿರುವುದಾಗಿ ಹೇಳಿದ್ದಾರೆ.
ನ್ಯೂಯಾರ್ಕ್‌ನ ಪೊಲೀಸ್ ಇಲಾಖೆ ಹೇಳುವಂತೆ, ದಾಳಿಯಲ್ಲಿ ನಾಲ್ವರು ನಾಗರಿಕರು ಮತ್ತು ಒಬ್ಬ ಅಧಿಕಾರಿ ಮೃತಪಟ್ಟಿದ್ದಾರೆ. ದಾಳಿ ಮಾಡಿದ ವ್ಯಕ್ತಿ ತನ್ನನ್ನೇ ಹೊಡೆದು ಕೊಂದುಕೊಂಡಿದ್ದಾನೆ.
ನ್ಯೂಯಾರ್ಕ್‌ನ ಮೇಯರ್ ಎರಿಕ್ ಆಡಮ್ಸ್ ಅವರು ಈ ಘಟನೆಯ ಕುರಿತು ಶೋಕ ವ್ಯಕ್ತಪಡಿಸಿದ್ದು, ಮೃತಪಟ್ಟ ಅಧಿಕಾರಿಯ ಕುಟುಂಬಕ್ಕೆ ಸಂತಾಪ ತಿಳಿಸಿದ್ದಾರೆ.
ಪೊಲೀಸ್ ಆಯುಕ್ತ ಜೆಸ್ಸಿಕಾ ಟಿಶ್ ಮಾಹಿತಿ ಪ್ರಕಾರ, ಮುಸುಕು ಹಾಕಿಕೊಂಡಿದ್ದ ವ್ಯಕ್ತಿಯು ಈ ದಾಳಿಗೆ ಕಾರಣ. ದಾಳಿ ನಡೆದ ಕೂಡಲೆ, ಜನರಲ್ಲಿ ಗೊಂದಲ ಉಂಟಾಗಿ ಓಡಾಟ ಆರಂಭವಾಯಿತು. ಗುಂಡು ಹಾರಿಸುತ್ತಿದ್ದ ವ್ಯಕ್ತಿ ಬೂದು ಬಣ್ಣದ ಜಾಕೆಟ್ ಧರಿಸಿದ್ದನೆಂದು ಪ್ರತ್ಯಕ್ಷದರ್ಶಿಯೊಬ್ಬರು ಹೇಳಿದ್ದಾರೆ.
ಪೊಲೀಸರು ಡ್ರೋನ್ ಬಳಸಿ ಸ್ಥಳ Situation ನಿರ್ವಹಿಸಿದ್ದಾರೆ. ಗಾಯಗೊಂಡವರನ್ನು ಆಸ್ಪತ್ರೆಗೆ ಸಾಗಿಸಲು ಹಲವಾರು ಆಂಬ್ಯುಲೆನ್ಸ್‌ಗಳನ್ನು ಕಳಿಸಲಾಗಿತ್ತು.
