ಭಾರತದ ಷೇರು ಮಾರುಕಟ್ಟೆ ಇವತ್ತು (ಫೆ. 3) ಸಾಧಾರಣ ಕುಸಿತ (Stock market crash) ಕಾಣುತ್ತಿದೆ. Sensex 700 ಅಂಕಗಳನ್ನು ಕಳೆದುಕೊಂಡಿದ್ದು, Nifty ಕೂಡ 200 ಅಂಕಗಳನ್ನು ನಷ್ಟವಾಗಿದೆ. FMCG ವಲಯ ಹೊರತುಪಡಿಸಿದ ಇನ್ನಿತರ ಸೂಚ್ಯಂಕಗಳು ನಷ್ಟ ಕಂಡಿವೆ.
ಟ್ರಂಪ್ ಎಫೆಕ್ಟ್: ಅಮೆರಿಕ ಅಧ್ಯಕ್ಷ ಡೊನಾಲ್ಡ್ ಟ್ರಂಪ್ ಅವರ ಚೀನಾ, ಕೆನಡಾ ಮತ್ತು ಮೆಕ್ಸಿಕೋ ಮೇಲೆ ವಿಧಿಸಿದ ಹೊಸ ತೆರಿಗೆಗಳು ಜಾಗತಿಕ ಆರ್ಥಿಕತೆಯನ್ನು ಅಲುಗಾಡಿಸಬಹುದು. ಹೂಡಿಕೆದಾರರ ಮೇಲೆ ಈ ಬದಲಾವಣೆಗಳು ಪ್ರಭಾವ ಬೀರುವ ಸಾಧ್ಯತೆ ಇದೆ.
ಜಾಗತಿಕ ಮಾರುಕಟ್ಟೆ ಪರಿಣಾಮ: ಟ್ರಂಪ್‌ನ ಕ್ರಮಗಳಿಂದ ಜಪಾನಿನ ನಿಕ್ಕೀ ಮತ್ತು ಕೊರಿಯಾದ ಕೋಸ್ಪಿ ಇಂಡೆಕ್ಸ್ ಗಳು ಕುಸಿತ ಕಂಡಿವೆ, ಇದರಿಂದ ಭಾರತೀಯ ಮಾರುಕಟ್ಟೆಗೆ ಕೂಡ ಪರಿಣಾಮ ಬೀರಬಹುದು.
ರೂಪಾಯಿ ಮೌಲ್ಯ ಕುಸಿತ: ಭಾರತೀಯ ರೂಪಾಯಿ ಡಾಲರ್ ಎದುರು 87 ಗಡಿ ದಾಟಿದೆ. ಟ್ರಂಪ್ ಅವರ ತೆರಿಗೆ ಕ್ರಮಗಳು ಡಾಲರ್‌ಗೆ ಬಲ ನೀಡಿದ್ದು, ಈ ಕಾರಣದಿಂದ ರೂಪಾಯಿ ಇನ್ನಷ್ಟು ಮೌಲ್ಯ ಕಳೆದುಕೊಂಡಿದೆ.
RBI ಎಂಪಿಸಿ ಸಭೆ: ಭಾನುವಾರ (ಫೆ. 4) ಭಾರತೀಯ ರಿಸರ್ವ್ ಬ್ಯಾಂಕ್ ಎಂಪಿಸಿ ಸಭೆ ಆರಂಭವಾಗುತ್ತಿದೆ, ಮತ್ತು ರಿಪೋ ದರ ಇಳಿಸುವ ನಿರ್ಧಾರ ಹೊರಬರುವ ಸಾಧ್ಯತೆ ಇದೆ. ಹೂಡಿಕೆದಾರರು ಮುನ್ನೆಚ್ಚರಿಕೆಯಾಗಿ ಷೇರುಗಳನ್ನು ಮಾರಬಹುದು.
ವಿದೇಶೀ ಹೂಡಿಕೆಗಳ ಹೊರಹರಿವು: ವಿದೇಶೀ ಸಾಂಸ್ಥಿಕ ಹೂಡಿಕೆಗಳು ಹಿನ್ನಡೆಯನ್ನು ಅನುಸರಿಸಿ, ಭಾರತೀಯ ಷೇರು ಮಾರುಕಟ್ಟೆಯಿಂದ ನಿರ್ಗಮಿಸುತ್ತಿವೆ. ಕಳೆದ ನಾಲ್ಕು ತಿಂಗಳಲ್ಲಿ 2.7 ಲಕ್ಷ ಕೋಟಿ ರೂಪಾಯಿ ಮೌಲ್ಯದ ಷೇರುಗಳನ್ನು ಮಾರಲಾಗಿದೆ.
ಈ ಎಲ್ಲಾ ಕಾರಣಗಳಿಂದ ಭಾರತದಲ್ಲಿ ಷೇರು ಮಾರುಕಟ್ಟೆ ಕುಸಿಯುತ್ತಿದೆ.
