ಸತತ ಸೋಲುಗಳಿಂದ ಕಂಗೆಟ್ಟಿದ್ದ ಸನ್‌ರೈಸರ್ಸ್ ಹೈದರಾಬಾದ್ (Sunrisers Hyderabad) ಈ ಋತುವಿನಲ್ಲಿ ಮೂರನೇ ಗೆಲುವು ದಾಖಲಿಸಿದೆ. ಶುಕ್ರವಾರ ಚೆಪಾಕ್ ನಲ್ಲಿ ಚೆನ್ನೈ ಸೂಪರ್ ಕಿಂಗ್ಸ್ ವಿರುದ್ಧ ನಡೆದ ಪಂದ್ಯದಲ್ಲಿ 5 ವಿಕೆಟ್‌ಗಳಿಂದ ಜಯಭೇರಿ ಬಾರಿಸಿತು. ಚೆನ್ನೈ ನೀಡಿದ್ದ 155 ರನ್ ಗಳ ಗುರಿಯನ್ನು ಹೈದರಾಬಾದ್ 18.4 ಓವರ್ ಗಳಲ್ಲಿ 5 ವಿಕೆಟ್‌ಗಳ ನಷ್ಟಕ್ಕೆ ತಲುಪಿತು.
ಹೈದರಾಬಾದ್ದು ಇಶಾನ್ ಕಿಶನ್ (44 ರನ್) ಮತ್ತು ಕಮಿಂದು ಮೆಂಡಿಸ್ (30 ರನ್) ಉತ್ತಮ ಪ್ರದರ್ಶನ ನೀಡಿದರು. ಕೊನೆಯಲ್ಲಿ ನಿತೀಶ್ ರೆಡ್ಡಿ (19) ಉತ್ತಮ ಆಟ ಪ್ರದರ್ಶಿಸಿದರು.
ಚೆನ್ನೈ ತಂಡವು ಮೊದಲು ಬ್ಯಾಟಿಂಗ್ ಮಾಡಿತ್ತು, ಆದರೆ SRH ಬೌಲಿಂಗ್ ದಾಳಿಗೆ ತತ್ತರಿಸಿತು. ಆಯುಷ್ ಮ್ಹಾತ್ರೆ (30) ಹೊರತುಪಡಿಸಿ ಉಳಿದ ಬ್ಯಾಟರ್ ಗಳು ಅಲ್ಪ ಮೊತ್ತಕ್ಕೆ ಪೆವಿಲಿಯನ್‌ಗಟ್ಟಿದರು.
ಈ ಗೆಲುವಿನೊಂದಿಗೆ ಸನ್‌ರೈಸರ್ಸ್ 12 ವರ್ಷಗಳ ಬಳಿಕ ಚೆನ್ನೈವನ್ನು ತಮ್ಮ ಹೋಮ್ ಗ್ರೌಂಡಾದ ಚೆಪಾಕ್‌ನಲ್ಲಿ ಸೋಲಿಸಿತು. ಸದ್ಯ, SRH 6 ಅಂಕಗಳೊಂದಿಗೆ ಎಂಟನೇ ಸ್ಥಾನದಲ್ಲಿದೆ, ಮತ್ತು ಚೆನ್ನೈ ಈ ಋತುವಿನಲ್ಲಿ 7ನೇ ಸೋಲನ್ನು ಅನುಭವಿಸಿತ್ತು.
SRH ಪರ ಹರ್ಷಲ್ ಪಟೇಲ್ 4 ವಿಕೆಟ್‌ಗಳನ್ನು ಪಡೆದರು, ಜೊತೆಗೆ ಕಮಿಂಸ್ ಮತ್ತು ಜಯದೇವ್ ತಲಾ 2, ಕಮಿಂಡು ಮೆಂಡಿಸ್ ಮತ್ತು ಶಮಿ ತಲಾ 1 ವಿಕೆಟ್‌ಗಳನ್ನು ಪಡೆದರು.
