New Delhi: ಸುಪ್ರೀಂ ಕೋರ್ಟ್ (Supreme Court) ಹೇಳಿರುವಂತೆ, ಪ್ರಕರಣದಲ್ಲಿ ಆರೋಪಿಗಳು ಖುಲಾಸೆಗೊಂಡರೆ ಸಂತ್ರಸ್ತರು ನೇರವಾಗಿ ತೀರ್ಪಿನ ವಿರುದ್ಧ ಮೇಲ್ಮನವಿ ಸಲ್ಲಿಸುವ ಹಕ್ಕನ್ನು ಹೊಂದಿರುತ್ತಾರೆ. ಇದುವರೆಗೆ ರಾಜ್ಯ ಸರ್ಕಾರ ಅಥವಾ ದೂರುದಾರರಿಗಷ್ಟೇ ಈ ಹಕ್ಕು ಇತ್ತು.
- ಸಂತ್ರಸ್ತರು ಮತ್ತು ಅವರ ಕಾನೂನುಬದ್ಧ ಉತ್ತರಾಧಿಕಾರಿಗಳು ಆರೋಪಿಯ ಖುಲಾಸೆ ಪ್ರಶ್ನಿಸಿ ಮೇಲ್ಮನವಿ ಸಲ್ಲಿಸಬಹುದು.
- ಅಪರಾಧದಿಂದ ನೇರವಾಗಿ ಹಾನಿಗೊಳಗಾದವರು ಅಥವಾ ನಷ್ಟ ಅನುಭವಿಸಿದವರಿಗೂ ಈ ಹಕ್ಕು ದೊರಕಲಿದೆ.
- ಸಂತ್ರಸ್ತರ ಹಕ್ಕನ್ನು ಶಿಕ್ಷೆ ಅನುಭವಿಸಿದ ಆರೋಪಿಯ ಹಕ್ಕಿಗೆ ಸಮಾನವಾಗಿ ನೋಡಬೇಕು ಎಂದು ನ್ಯಾಯಮೂರ್ತಿಗಳಾದ ಬಿ.ವಿ. ನಾಗರತ್ನ ಮತ್ತು ಕೆ.ವಿ. ವಿಶ್ವನಾಥನ್ ಅವರ ಪೀಠ ಸ್ಪಷ್ಟಪಡಿಸಿದೆ.
- ಸಂತ್ರಸ್ತರು ಗಾಯಗೊಂಡಿದ್ದರೂ, ಆರ್ಥಿಕ ನಷ್ಟ ಅನುಭವಿಸಿದ್ದರೂ ಅಥವಾ ಸಂತ್ರಸ್ತರು ಸಾವನ್ನಪ್ಪಿದರೆ ಅವರ ಉತ್ತರಾಧಿಕಾರಿಗಳು ಮೇಲ್ಮನವಿ ಮುಂದುವರಿಸಬಹುದು.
ಈ ತೀರ್ಪು ಉತ್ತರಾಖಂಡ ಹೈಕೋರ್ಟ್ ಪ್ರಕರಣಕ್ಕೆ ಸಂಬಂಧಿಸಿದೆ. 1992ರ ಕೊಲೆ ಪ್ರಕರಣದಲ್ಲಿ ಅಪರಾಧಿಗಳಿಗೆ ಶಿಕ್ಷೆ ವಿಧಿಸಲಾಗಿತ್ತು, ಆದರೆ 2012ರಲ್ಲಿ ಹೈಕೋರ್ಟ್ ಅವರನ್ನು ಖುಲಾಸೆಗೊಳಿಸಿತು. ಮೃತರ ಮಗ ಸುಪ್ರೀಂಕೋರ್ಟ್ಗೆ ಅರ್ಜಿ ಸಲ್ಲಿಸಿದ ನಂತರ, ಪೀಠ ವಿಚಾರಣೆಗೆ ಅನುಮತಿ ನೀಡಿದೆ.
ಇದರೊಂದಿಗೆ, ಮೇಲ್ಮನವಿಯ ಹಕ್ಕಿನ ವ್ಯಾಪ್ತಿ ರಾಜ್ಯ ಅಥವಾ ದೂರುದಾರರಷ್ಟೇ ಸೀಮಿತವಾಗದೆ, ಸಂತ್ರಸ್ತರಿಗೂ ವಿಸ್ತರಿಸಿದೆ.
