ಎಲೆಕ್ಟ್ರಿಕ್ ವಾಹನ ತಯಾರಿಕೆಯಲ್ಲಿ ವಿಶ್ವಪ್ರಸಿದ್ಧ ಕಂಪನಿ ಟೆಸ್ಲಾ (Tesla) ಇದೀಗ ಭಾರತಕ್ಕೆ ಬರುತ್ತಿದೆ. ಬಿಲಿಯನೇರ್ ಎಲಾನ್ ಮಸ್ಕ್ ನೇತೃತ್ವದ ಈ ಕಂಪನಿ, ಮೊದಲ ಶೋರೂಂ ಅನ್ನು ಮುಂಬೈನಲ್ಲಿ (Mumbai) ಜುಲೈನಲ್ಲಿ ಆರಂಭಿಸಲು ತಯಾರಿ ನಡೆಸುತ್ತಿದೆ.
ಇದು ಕೇವಲ ಒಂದು ಕಂಪನಿಯ ಆರಂಭವಲ್ಲ; ತಾಂತ್ರಿಕ ಕ್ರಾಂತಿಯ ಹೊಸ ಅಧ್ಯಾಯಕ್ಕೆ ಭಾರತ ಸಾಕ್ಷಿಯಾಗಲಿದೆ. ಮುಂಬೈ ನಂತರ, ದೆಹಲಿಯಲ್ಲೂ ಶೋರೂಂ ತೆಗೆಯುವ ಯೋಜನೆ ಇದೆ. ಮುಂದಿನ ಹಂತದಲ್ಲಿ ದೇಶದ ಇತರೆ ಮಹತ್ವದ ನಗರಗಳತ್ತ ಟೆಸ್ಲಾ ಹರಡುವ ಯೋಜನೆ ರೂಪಿಸಲಾಗಿದೆ.
ಭಾರತದಲ್ಲಿ ಎಲೆಕ್ಟ್ರಿಕ್ ವಾಹನಗಳ ಬಳಕೆ ಹೆಚ್ಚು ಆಗುತ್ತಿದ್ದು, ಮಾಲಿನ್ಯ ನಿಯಂತ್ರಣ ಹಾಗೂ ತಂತ್ರಜ್ಞಾನ ಸ್ವೀಕಾರದ ದೃಷ್ಠಿಯಿಂದ ಟೆಸ್ಲಾ ತನ್ನ ವ್ಯವಹಾರ ತಂತ್ರವನ್ನು ಸಜ್ಜುಮಾಡುತ್ತಿದೆ. ಕೇಂದ್ರ ಸರ್ಕಾರದ ಇತ್ತೀಚಿನ ನೀತಿ ಅನ್ವಯ, ವಿದೇಶಿ ಕಂಪನಿಗಳು ಭಾರತದಲ್ಲಿ ಕಾರ್ಖಾನೆ ಆರಂಭಿಸಿದರೆ ಕಡಿಮೆ ಸುಂಕದಲ್ಲಿ ವಾಹನಗಳನ್ನು ಆಮದು ಮಾಡಬಹುದು – ಇದರಿಂದ ಟೆಸ್ಲಾಗೆ ಹೊಸ ಬಾಗಿಲು ತೆರೆದಂತಾಗಿದೆ.
ಈ ಶೋರೂಂಗಳಲ್ಲಿ ಕಾರು ಪ್ರದರ್ಶನ ಮಾತ್ರವಲ್ಲದೆ, ಟೆಸ್ಲಾ ತಂತ್ರಜ್ಞಾನದ ಪರಿಚಯವೂ ಲಭ್ಯವಿರಲಿದೆ. ಗ್ರಾಹಕರು ನೇರವಾಗಿ ಕಾರುಗಳನ್ನು ನೋಡಿ, ಅನುಭವಿಸಬಹುದಾದ ಅವಕಾಶ ಇದು. ಕೆಲವು ವಾರಗಳ ಹಿಂದೆ ಟೆಸ್ಲಾ ಭಾರತದಲ್ಲಿ ಉದ್ಯೋಗ ಅವಕಾಶಗಳ ಜಾಹೀರಾತು ನೀಡಿದರೂ, ಕಂಪನಿಯ ಗಂಭೀರ ಆಸಕ್ತಿ ಸ್ಪಷ್ಟವಾಗಿದೆ.
ಭಾರತ ಈಗ ವಿಶ್ವದ ಮೂರನೇ ಅತಿದೊಡ್ಡ ಕಾರು ಮಾರುಕಟ್ಟೆಯಾಗಿ ಬೆಳೆಯುತ್ತಿದೆ. ಈ ಹಿನ್ನೆಲೆಯಲ್ಲಿ ಟೆಸ್ಲಾ ಪ್ರವೇಶ ಭಾರತದ ಆಟೋಮೊಬೈಲ್ ವಲಯದಲ್ಲಿ ಹೊಸ ಅಧ್ಯಾಯ ಆರಂಭವಾಗುವ ಸೂಚನೆಯಾಗಿದೆ.
