Search
WhatsApp alerts

Home › News

Trump ಮತ್ತೆ ಮಾತು ಬದಲಾವಣೆ: India-Pakistan War ನಿಲ್ಲಿಸಿದ್ದು ನಾಯಕರ ನಿರ್ಧಾರ

administrator · Published

Trump

Washington: ಭಾರತ ಮತ್ತು ಪಾಕಿಸ್ತಾನ ನಡುವಿನ ಯುದ್ಧ ಸ್ಥಿತಿ ನಿಲ್ಲಿಸುವಲ್ಲಿ ಅಮೆರಿಕದ ಮಧ್ಯಸ್ಥಿಕೆ ಕಾರಣವೆಂದು ಮಿಡಿಯುತ್ತಿದ್ದ ಅಮೆರಿಕದ ಅಧ್ಯಕ್ಷ ಡೊನಾಲ್ಡ್ ಟ್ರಂಪ್, (Trump) ಈಗ ಮಾತು ಬದಲಿಸಿದ್ದಾರೆ. ಪ್ರಧಾನಿ ಮೋದಿ ಅವರ ಫೋನ್ ಕರೆ ನಂತರ, ಅವರು ಇದೇ ಮೊದಲ ಬಾರಿಗೆ, ಯುದ್ಧ ನಿಂತಿದ್ದು ಭಾರತ ಮತ್ತು ಪಾಕಿಸ್ತಾನದ ನಾಯಕರ ಬುದ್ಧಿವಂತ ನಿರ್ಧಾರದಿಂದ ಎಂದು ತಿಳಿಸಿದ್ದಾರೆ.

ಟ್ರಂಪ್ ಹೇಳಿದರು: “ಭಾರತದ ಪ್ರಧಾನಿ ಮೋದಿ ಮತ್ತು ಪಾಕಿಸ್ತಾನದ ನಾಯಕರಾದ ಬುದ್ಧಿವಂತ ವ್ಯಕ್ತಿಗಳು ಪರಸ್ಪರ ಯುದ್ಧ ನಿಲ್ಲಿಸಲು ಒಪ್ಪಿದ್ದಾರೆ. ಇದು ಪರಮಾಣು ಯುದ್ಧವಾಗಬಹುದಾದ ಆತಂಕದ ಪರಿಸ್ಥಿತಿಯನ್ನು ತಪ್ಪಿಸಿದೆ.”

ಬುಧವಾರ ಶ್ವೇತಭವನದಲ್ಲಿ ಪಾಕಿಸ್ತಾನದ ಸೇನಾ ಮುಖ್ಯಸ್ಥ ಆಸಿಮ್ ಮುನೀರ್ ಜೊತೆ ಔತಣಕೂಟದಲ್ಲಿ ಭಾಗವಹಿಸಿದ ನಂತರ, ಮಾಧ್ಯಮಗಳೊಂದಿಗೆ ಮಾತನಾಡಿದ ಅವರು, “ಅವರು (ಆಸಿಮ್) ಒಳ್ಳೆಯ ವ್ಯಕ್ತಿ. ಯುದ್ಧ ನಿಲ್ಲಿಸಿದ್ದಕ್ಕಾಗಿ ಅವರಿಗೆ ಧನ್ಯವಾದ ಹೇಳಲು ಆಹ್ವಾನಿಸಿದ್ದೆ,” ಎಂದರು.

“ನಾವು ಭಾರತ ಹಾಗೂ ಪಾಕಿಸ್ತಾನದಿಂದ ವ್ಯಾಪಾರ ಒಪ್ಪಂದದತ್ತ ಹೆಜ್ಜೆ ಹಾಕುತ್ತಿದ್ದೇವೆ. ಮೋದಿ ಅವರಿಗೂ ನಾನು ಧನ್ಯವಾದ ಹೇಳುತ್ತೇನೆ,” ಎಂದು ಟ್ರಂಪ್ ಹೇಳಿದರು.

ಮೇ 10ರಂದು ಭಾರತ-ಪಾಕಿಸ್ತಾನ ಯುದ್ಧ ಸ್ಥಿತಿ ಶಮನಗೊಂಡ ನಂತರ, ಟ್ರಂಪ್ ಹಲವಾರು ಬಾರಿ ಇದು ಅಮೆರಿಕದ ಮಧ್ಯಸ್ಥಿಕೆಯ ಫಲವೆಂದು ಹೇಳಿದ್ದರು. ಆದರೆ ಇದೀಗ ಮೋದಿ ಅವರು ಸ್ಪಷ್ಟನೆ ನೀಡಿದ ನಂತರ, ಯುದ್ಧ ನಿಲ್ಲಿಸುವ ನಿರ್ಧಾರ ದ್ವಿಪಕ್ಷೀಯದ್ದೆಂದು ಒಪ್ಪಿಕೊಂಡಿದ್ದಾರೆ.

ಜಿ7 ಶೃಂಗಸಭೆಗಾಗಿ ಕೆನಡಾಕ್ಕೆ ತೆರಳಿದ್ದ ಮೋದಿ, ಟ್ರಂಪ್ ಜೊತೆ ಮಾತುಕತೆಗೆ ಸಿದ್ಧರಾಗಿದ್ದರು. ಆದರೆ ಇರಾನ್-ಇಸ್ರೇಲ್ ಬಿಕ್ಕಟ್ಟು ಏರಿದ ಕಾರಣ ಟ್ರಂಪ್ ಶೃಂಗಸಭೆ ಮಧ್ಯದಲ್ಲಿ ಬಿಟ್ಟು ಹಿಂದಿರುಗಿದ್ದರು. ಬಳಿಕ ಮೋದಿ ಟ್ರಂಪ್ ಗೆ ಕರೆ ಮಾಡಿ, ಯುದ್ಧ ನಿಲ್ಲಿಸಲು ಅಮೆರಿಕದ ಮಧ್ಯಸ್ಥಿಕೆಗೆ ಭಾರತ ಒಪ್ಪಿಲ್ಲ, ಪಾಕಿಸ್ತಾನದ ಮನವಿಯಿಂದಲೇ ಶಮನ ಉಂಟಾಯಿತು ಎಂಬುದನ್ನು ಸ್ಪಷ್ಟಪಡಿಸಿದ್ದರು.

For Daily Updates WhatsApp ‘HI’ to 7406303366

Read next

ಹೃದಯದ ಆರೋಗ್ಯ ಕಾಪಾಡಿ: ವಿಶ್ವ ಹೃದಯ ದಿನದಂದು ಜಿಲ್ಲಾ ಆರೋಗ್ಯಾಧಿಕಾರಿ ಡಾ.ಚೇತನ್ ಕಿವಿಮಾತು

ಚಿಕ್ಕಬಳ್ಳಾಪುರ ಜಿಲ್ಲೆಯಲ್ಲಿ ಆಗ್ನೇಯ ಪದವೀಧರ ಕ್ಷೇತ್ರ ಚುನಾವಣೆಗೆ ಸಹಾಯವಾಣಿ ಕೇಂದ್ರ ಸ್ಥಾಪನೆ

ಹಿರಿಯ ನಾಗರಿಕರ ಕುಂದುಕೊರತೆ ಪರಿಹಾರಕ್ಕೆ ಅಧಿಕಾರಿಗಳಿಗೆ ಡಿಸಿ ಕಟ್ಟುನಿಟ್ಟಿನ ಸೂಚನೆ

ಕೆಎಸ್‌ಆರ್‌ಟಿಸಿಯಲ್ಲಿ ಅಪ್ರೆಂಟೀಸ್ ತರಬೇತಿಗೆ ಅರ್ಜಿ ಆಹ್ವಾನ

You cannot copy content of this page