Washington: ಅಮೆರಿಕದ ಅಧ್ಯಕ್ಷ ಡೊನಾಲ್ಡ್ ಟ್ರಂಪ್ (Donald Trump) ಅವರಿಗೆ ಪ್ರಮುಖ ಜಯ ಸಿಕ್ಕಿದೆ. ಬಹುಮಾನವಾದ ‘ಒನ್ ಬಿಗ್ ಬ್ಯೂಟಿಫುಲ್ ಬಿಲ್’ ಎಂಬ ಮಸೂದೆಗೆ ಅಮೆರಿಕ ಸಂಸತ್ತಿನ ಎರಡೂ ಸದನಗಳಿಂದ ಅನುಮೋದನೆ ಲಭಿಸಿದೆ. ಇದನ್ನು “ತೆರಿಗೆ ವಿನಾಯಿತಿ ಮತ್ತು ವೆಚ್ಚ ಕಡಿತ ಮಸೂದೆ” ಎಂದು ಕರೆಯಲಾಗುತ್ತಿದ್ದು, ಈಗ ಇದು ಟ್ರಂಪ್ ಸಹಿಗಾಗಿ ಕಳುಹಿಸಲಾಗುತ್ತಿದೆ. ಮಸೂದೆ 218 ಬೆಂಬಲ ಮತ್ತು 214 ವಿರೋಧ ಮತಗಳಿಂದ ಅಂಗೀಕರಿಸಲಾಗಿದೆ.
ಡೆಮಾಕ್ರಟಿಕ್ ಪಕ್ಷದ ನಾಯಕ ಹಕೀಮ್ ಜೆಫ್ರಿಸ್ 8 ಗಂಟೆಗೂ ಹೆಚ್ಚು ಕಾಲ ಮಾತನಾಡಿ ಮಸೂದೆಯ ಮತದಾನವನ್ನು ವಿಳಂಬಗೊಳಿಸಿದರು.
ಮಸೂದೆಯ ಮುಖ್ಯ ಅಂಶಗಳು
- ತೆರಿಗೆ ಕಡಿತ
- ಮಿಲಿಟರಿ ಮತ್ತು ಇಂಧನ ಕ್ಷೇತ್ರಕ್ಕೆ ಹೆಚ್ಚುವರಿ ಹಣ
- ಆರೋಗ್ಯ ಹಾಗೂ ಪೌಷ್ಟಿಕಾಂಶ ಯೋಜನೆಗಳ ಬಜೆಟ್ ಕಡಿತ
ವಿರೋಧ ಪಕ್ಷಗಳು ಮತ್ತು ಉದ್ಯಮಿಗಳು, ವಿಶೇಷವಾಗಿ ಎಲಾನ್ ಮಸ್ಕ್, ಈ ಮಸೂದೆಯನ್ನು ಟೀಕಿಸಿದ್ದಾರೆ. ಅವರ ಅಭಿಪ್ರಾಯದಲ್ಲಿ ಈ ಮಸೂದೆ ಆರೋಗ್ಯ ಮತ್ತು ಶಿಕ್ಷಣದಂತೆ ಪ್ರಮುಖ ಕ್ಷೇತ್ರಗಳ ಮೇಲೆ ದುಷ್ಪರಿಣಾಮ ಬೀರುತ್ತದೆ.
ಈ ಮಸೂದೆ 2017ರ ತೆರಿಗೆ ಕಾಯ್ದೆಯ ಶಾಶ್ವತ ರೂಪವಾಗಿದ್ದು, ಟ್ರಂಪ್ ಅವರ ಚುನಾವಣೆ ಭರವಸೆಗಳನ್ನು ಈಡೇರಿಸಲು ಸಹಾಯಕವಾಗಿದೆ. ಆದರೆ ಇದು ಸಂಸತ್ತಿನಲ್ಲಿ ವಿಭಿನ್ನ ಅಭಿಪ್ರಾಯಗಳಿಗೆ ಕಾರಣವಾಗಿದೆ.
ವಲಸೆ ನಿಯಮಗಳು ಮತ್ತು ತೆರಿಗೆ ಬದಲಾವಣೆಗಳು
- ವಲಸೆ ಬಂದವನು ಪತ್ನಿ ಹಾಗೂ ಮಕ್ಕಳನ್ನು ಮಾತ್ರ ಕರೆದುಕೊಳ್ಳಬಹುದು
- SALT ತೆರಿಗೆ ವಿನಾಯಿತಿಯನ್ನು $10,000 ರಿಂದ $40,000ಕ್ಕೆ ಏರಿಕೆ
- ಮೆಡಿಕೇಡ್ ಟ್ಯಾಕ್ಸ್ ಶೇ.6 ರಿಂದ ಶೇ.3.5 ಕ್ಕೆ 2031ರ ಒಳಗೆ ಇಳಿಕೆ
ಭಾರತದ ಮೇಲೆ ಪರಿಣಾಮ
- ಹಣ ರವಾನೆ ತೆರಿಗೆ ಶೇ.3.5 ರಿಂದ ಶೇ.1ಕ್ಕೆ ಇಳಿಕೆ
- ನಗದು ಮೂಲಕ ಹಣ ಕಳುಹಿಸಿದರೆ ಹೆಚ್ಚು ತೆರಿಗೆ
- ಅಮೆರಿಕದಿಂದ ಬರುವ ಹಣದ ಮೇಲೆ ತೆರಿಗೆ ಶೇ.5ಗೆ ಹೆಚ್ಚಳ
- ಖಾಸಗೀಕರಣ, ಸೌರ ಪವನ ಯೋಜನೆಗಳು, ಇ-ವಾಹನ ಉತ್ಪಾದನೆಗಳ ಮೇಲೆ ನೇರ ಪರಿಣಾಮ
ಬಿಲ್ ಅಂಗೀಕಾರವಾದರೆ ಹೊಸ ರಾಜಕೀಯ ಪಕ್ಷವನ್ನು ಆರಂಭಿಸುವುದಾಗಿ ಎಲಾನ್ ಮಸ್ಕ್ ಹೇಳಿದ್ದರು. ಈಗ ಬಿಲ್ ಅಂಗೀಕಾರವಾಗಿದೆ – ಅವರು ಹೊಸ ಪಕ್ಷ ಕಟ್ಟುತ್ತಾರಾ? ಕಾದು ನೋಡಬೇಕಿದೆ.
