USAID ಎಂದರೆ “United States Agency for International Development” ಎಂಬುದರ ಸಂಕ್ಷಿಪ್ತ ರೂಪ. ಇದು ಅಂತಾರಾಷ್ಟ್ರೀಯ ಅಭಿವೃದ್ಧಿಗಾಗಿ ಅಮೆರಿಕ ಸರ್ಕಾರ ಸ್ಥಾಪಿಸಿದ ಸಂಸ್ಥೆ. 1961ರಲ್ಲಿ ಅಮೆರಿಕದ ಅದಿನ ಅಧ್ಯಕ್ಷ ಜಾನ್ ಎಫ್. ಕೆನೆಡಿ ಅವರಿಂದ ಇದು ಸ್ಥಾಪಿತವಾಯಿತು.
ಈ ಸಂಸ್ಥೆಯ ಮುಖ್ಯ ಉದ್ದೇಶ ಅಮೆರಿಕದ ಉತ್ಪನ್ನಗಳಿಗೆ ವಿದೇಶಗಳಲ್ಲಿ ಮಾರುಕಟ್ಟೆ ಒದಗಿಸುವುದು ಮತ್ತು ಅಮೆರಿಕದ ರಾಜಕೀಯ ಪ್ರಭಾವವನ್ನು ಹೆಚ್ಚಿಸುವುದು. ಹಸಿವು, ಬಡತನ, ಆರೋಗ್ಯ ಸಮಸ್ಯೆಗಳನ್ನು ತಡೆಯಲು ಸಹಾಯ ಮಾಡುವ ಹೆಸರಿನಲ್ಲಿ ಈ ಸಂಸ್ಥೆ ಅನೇಕ ಯೋಜನೆಗಳನ್ನು ರೂಪಿಸಿದೆ.
ಇತ್ತೀಚೆಗೆ, ಇಲಾನ್ ಮಸ್ಕ್ ನೇತೃತ್ವದ ಡೋಜೆ (DOGE) ಇಲಾಖೆ USAID ವಿದೇಶಿ ಧನಸಹಾಯಗಳ ವಿವರಗಳನ್ನು ಬಹಿರಂಗಪಡಿಸಿದೆ. ಇದರಿಂದ, USAID ಅನೇಕ ದೇಶಗಳಿಗೆ ನೀಡಿದ್ದ ಹಣದ ಬಗ್ಗೆ ವಿವಾದ ಉಂಟಾಗಿದೆ. ಮಾಜಿ ಅಧ್ಯಕ್ಷ ಡೊನಾಲ್ಡ್ ಟ್ರಂಪ್ ಈ ಸಂಸ್ಥೆಯನ್ನು “ಕ್ರಿಮಿನಲ್ ಸಂಘಟನೆ” ಎಂದು ಕರೆದಿದ್ದಾರೆ ಮತ್ತು ಇದನ್ನು ಅಮೆರಿಕದ ಎಡಪಂಥೀಯರು ತಮ್ಮ ಅಜಾಂಡಾ ಗಮ್ಮತ್ತಿಗೆ ಬಳಸುತ್ತಿದ್ದಾರೆ ಎಂದು ಆರೋಪಿಸಿದ್ದಾರೆ.
ಹಿಂದಿನ ಬೈಡನ್ ಸರ್ಕಾರ 2024 ಭಾರತೀಯ ಚುನಾವಣೆಯಲ್ಲಿ ಮತದಾನ ಪ್ರಮಾಣ ಹೆಚ್ಚಿಸಲು 21 ಮಿಲಿಯನ್ ಡಾಲರ್ ಅನುದಾನ ನೀಡಿತ್ತು. ಟ್ರಂಪ್ ಅವರು ಇದನ್ನು ಪ್ರಶ್ನಿಸಿ, ಇದು ಮೋದಿ ಸರ್ಕಾರವನ್ನು ಬದಲಿಸುವ ಸಿದ್ಧತೆಯ ಭಾಗವಾಗಿದ್ದಿರಬಹುದು ಎಂದು ಶಂಕೆ ವ್ಯಕ್ತಪಡಿಸಿದ್ದಾರೆ.
ಟ್ರಂಪ್ USAID ಅನ್ನು ಸ್ಥಗಿತಗೊಳಿಸುವ ಇಚ್ಛೆ ಹೊಂದಿದ್ದರೂ, ಈ ಸಂಸ್ಥೆಯನ್ನು ಕಾಯ್ದೆಯ ಮೂಲಕ ಸ್ಥಾಪಿಸಲಾಗಿದೆ. ಇದನ್ನು ರದ್ದು ಮಾಡಬೇಕಾದರೆ ಅಮೆರಿಕ ಸಂಸತ್ತಿನ ಅನುಮೋದನೆ ಅಗತ್ಯವಿದೆ. ಪ್ರಸ್ತುತ, ಟ್ರಂಪ್ ಅವರ ರಿಪಬ್ಲಿಕನ್ ಪಕ್ಷಕ್ಕೆ ಬಹುಮತ ಇಲ್ಲದ ಕಾರಣ, ಅದನ್ನು ನಿಲ್ಲಿಸುವುದು ಸುಲಭವಲ್ಲ.
