ಗೂಗಲ್ ತನ್ನ ಜೆಮಿನಿ (Google Gemini) ಎಐ ಅಸಿಸ್ಟಂಟ್‌ನಲ್ಲಿ ಹೊಸ ವೈಶಿಷ್ಟ್ಯವನ್ನು ಪರಿಚಯಿಸಿದೆ. ಈಗ ನೀವು ಯಾವ ಫೋಟೋವನ್ನಾದರೂ ಸಣ್ಣ ವಿಡಿಯೋವಾಗಿಸಬಹುದು! ಇದರೊಂದಿಗೆ, ಫೋಟೋಗಳೇ ಈಗ 8 ಸೆಕೆಂಡಿನ ಆಡಿಯೋ ಸಹಿತ ವಿಡಿಯೋಗಳಾಗಿ ಪರಿವರ್ತಿಸುತ್ತವೆ.
ನೀವು ಫೋಟೋವನ್ನು ಅಪ್ಲೋಡ್ ಮಾಡಿ, ಅದರ ಬಗ್ಗೆ ಚಿಕ್ಕ ವಿವರಣೆಯೊಂದನ್ನು (prompt) ಕೊಡುವುದು ಸಾಕು. ಅದನ್ನಾಧರಿಸಿ ಜೆಮಿನಿ, ಆ ಫೋಟೋವನ್ನು ಆಧಾರ ಮಾಡಿಕೊಂಡು 8 ಸೆಕೆಂಡಿನ ವಿಡಿಯೋವನ್ನು ತಯಾರಿಸುತ್ತದೆ. ಈ ಫೀಚರ್ ಉಪಯೋಗಿಸಲು, ನೀವು Google Gemini Ultra ಅಥವಾ Pro ಪ್ಲ್ಯಾನ್‌ನ ಚಂದಾದಾರರಾಗಿರಬೇಕು.
ಈ ಫೀಚರ್ ಪ್ರಸ್ತುತ ಜೆಮಿನಿ ವೆಬ್ ಆವೃತ್ತಿಯಲ್ಲಿ ಲಭ್ಯವಿದ್ದು, ಮುಂದೆ ಮೊಬೈಲ್ ಆಪ್‌ಗೂ ಬರಲಿದೆ.
ಈ ಫೀಚರ್ Google ನ ಹೊಸ “Veo 3” ಎನ್ನುವ ಮಾದರಿಯನ್ನು ಬಳಸಿದೆ. ಅನೇಕ ಭದ್ರತಾ ನಿಯಮಗಳನ್ನು ಪಾಲಿಸಿಕೊಂಡು ಫೀಚರ್ ಅಭಿವೃದ್ಧಿಗೊಂಡಿದೆ – ಉದಾಹರಣೆಗೆ, ಸೆಲೆಬ್ರಿಟಿಗಳ ಫೋಟೋಗಳಿಂದ ವಿಡಿಯೋ ಮಾಡೋದು ಅಥವಾ ಅಪಾಯಕಾರಿಯಾಗಿ ಬಳಸೋದು ನಿಷಿದ್ಧ.
ಈ ತಂತ್ರಜ್ಞಾನ ಹೊಸದಾದ್ದರಿಂದ ಕೆಲವೊಮ್ಮೆ ವಿಡಿಯೋದಲ್ಲಿನ ಮುಖ, ನೈಜ ಫೋಟೋವನ್ನು ಹೋಲಿಸುವಂತಿಲ್ಲ ಎಂದು ಗೂಗಲ್ ಸ್ಪಷ್ಟಪಡಿಸಿದೆ. ಆದರೆ, ಪ್ರಕೃತಿ ದೃಶ್ಯಗಳು, ಪೇಂಟಿಂಗ್‌ಗಳು ಅಥವಾ ರೇಖಾಚಿತ್ರಗಳನ್ನು ಅನಿಮೇಟ್ ಮಾಡೋದು ಇದರಿಂದ ಉತ್ತಮವಾಗಿ ಸಾಧ್ಯ.
ಗೂಗಲ್ ಜೆಮಿನಿಯ ಹೊಸ ಫೀಚರ್, ಫೋಟೋದಿಂದ ನೇರವಾಗಿ ಆಡಿಯೋ ಸಹಿತ ವಿಡಿಯೋ ರಚನೆ – ಒಂದು ಹೊಸ ಯುಗದ ಪ್ರಾರಂಭವೇ ಸರಿ!
