ತುಮಕೂರಿನಲ್ಲಿ (Tumkur) ಎತ್ತಿನಹೊಳೆ ಯೋಜನೆಯ ಭಾಗವಾಗಿ ನಿರ್ಮಾಣವಾದ ಅಕ್ವಾಡಕ್ಟ್ (Aqueduct-ಮೇಲ್ಗಾಲುವೆ) ಪ್ರಪಂಚದ ಅತಿ ಎತ್ತರದ ಅಕ್ವಾಡಕ್ಟ್‌ಗಳ (Aqueduct) ಪೈಕಿ ಒಂದಾಗಿದೆ. ಇದರ ಉದ್ದ ಸುಮಾರು 10.4 ಕಿಲೋಮೀಟರ್ ಆಗಿದ್ದು, ಈ ಮೇಲುಗಾಲುವೆಯ ನಿರ್ಮಾಣ ಕೆಲಸ 2018ರಲ್ಲಿ ಆರಂಭವಾಗಿ 2023ರಲ್ಲಿ ಪೂರ್ಣಗೊಂಡಿತು. ಈಗ ಅಂತಿಮ ಹಂತದ ಕೆಲಸಗಳು ಕೂಡ ಮುಕ್ತಾಯವಾಗಿವೆ.
ಈ ಯೋಜನೆಗೆ ರಾಷ್ಟ್ರಮಟ್ಟದ ಪ್ರಶಂಸೆ ಸಿಕ್ಕಿದ್ದು, ಭಾರತದೆಲ್ಲೆಡೆ ಜನರ ಗಮನ ಸೆಳೆದಿದೆ. ಚೇಳೂರಿನಿಂದ ಬೆಳ್ಳಾವಿವರೆಗೆ ಹರಡುವ ಈ ಕಾಲುವೆಯು ಡಿಸಿಎಂ ಡಿಕೆ ಶಿವಕುಮಾರ್ ಅವರ ಕನಸಿನ ಯೋಜನೆ ಆಗಿದ್ದು, ನೀರನ್ನು ಕೋಲಾರ ಹಾಗೂ ಚಿಕ್ಕಬಳ್ಳಾಪುರ ಜಿಲ್ಲೆಗಳಿಗೆ ಕೊಂಡೊಯ್ಯುವುದು ಇದರ ಉದ್ದೇಶ.
ಅಕ್ವಾಡಕ್ಟ್‌ನ ವೈಶಿಷ್ಟ್ಯಗಳು
- ಎತ್ತರ: ಸುಮಾರು 120 ಅಡಿ (40 ಮೀಟರ್)
- ನೀರಿನ ಸಾಗಣೆ ಸಾಮರ್ಥ್ಯ: 3300 ಕ್ಯೂಸೆಕ್
- ವೆಚ್ಚ: ಸುಮಾರು ₹1203 ಕೋಟಿ
ವಿಳಂಬದ ಕಾರಣಗಳು: ಕೋವಿಡ್-19 ಮಹಾಮಾರಿ ಮತ್ತು ಭೂಸ್ವಾಧೀನ ತೊಂದರೆಗಳು ಈ ಕಾಲುವೆಯ ನಿರ್ಮಾಣವು ಕರ್ನಾಟಕದ ಜಲಸಂಪನ್ಮೂಲ ನಿರ್ವಹಣೆಯ ಕ್ಷೇತ್ರದಲ್ಲಿ ಮಹತ್ವದ ಸಾಧನೆಯಾಗಿದ್ದು, ಆಧುನಿಕ ತಂತ್ರಜ್ಞಾನದ ದರ್ಶನವಾಗಿದೆ. ಕೇಂದ್ರ ಸರ್ಕಾರ ಈ ಯೋಜನೆಯನ್ನು ಮೆಚ್ಚಿದ್ದು, ರಾಷ್ಟ್ರಮಟ್ಟದ ಪ್ರಶಸ್ತಿ ನೀಡಿದೆ ಎಂದು ಡಿಸಿಎಂ ಡಿಕೆ ಶಿವಕುಮಾರ್ ತಿಳಿಸಿದ್ದಾರೆ.
ಇಂತಹ ಯೋಜನೆಗಳು ರಾಜ್ಯದ ನೀರಿನ ಸಮಸ್ಯೆಗಳಿಗೆ ಶಾಶ್ವತ ಪರಿಹಾರ ನೀಡುವಲ್ಲಿ ಸಹಾಯಮಾಡಲಿವೆ ಎನ್ನುವ ನಿರೀಕ್ಷೆಯಿದೆ.
