ವಿಶ್ವ ಟೆಸ್ಟ್ ಚಾಂಪಿಯನ್ಶಿಪ್ 2023-25 (World Test Championship) ಸರಣಿ ಮುಕ್ತಾಯಗೊಂಡಿದ್ದು, ಹೊಸ WTC ಅಂಕಪಟ್ಟಿ ಪ್ರಕಟವಾಗಿದೆ. ಈ ಪಟ್ಟಿ ಪ್ರಕಾರ, ಪಾಕಿಸ್ತಾನ್ ತಂಡವು ಕೊನೆಯ ಸ್ಥಾನ ಪಡೆದಿದ್ದು, ಇದು ತಂಡಕ್ಕೆ ದೊಡ್ಡ ಅವಮಾನವಾಗಿದೆ.
ಪಾಕಿಸ್ತಾನ್ 14 ಪಂದ್ಯಗಳಲ್ಲಿ 5 ಗೆಲುವುಗಳನ್ನು ದಾಖಲಿಸಿತು ಮತ್ತು 9 ಪಂದ್ಯಗಳಲ್ಲಿ ಸೋಲು ಅನುಭವಿಸಿತು. ಈ ಮೂಲಕ 27.98% ಅಂಕಗಳನ್ನು ಪಡೆದು ಕೊನೆಯ ಸ್ಥಾನಕ್ಕೆ ತಲುಪಿದೆ.
ಅಗ್ರಸ್ಥಾನದಲ್ಲಿ ಸೌತ್ ಆಫ್ರಿಕಾ: ಸೌತ್ ಆಫ್ರಿಕಾ 12 ಪಂದ್ಯಗಳಲ್ಲಿ 8 ಗೆಲುವುಗಳೊಂದಿಗೆ ಅಗ್ರಸ್ಥಾನದಲ್ಲಿದ್ದು, 69.44% ಅಂಕಗಳನ್ನು ಗಳಿಸಿದೆ. ಈ ಸಾಧನೆಯೊಂದಿಗೆ, ತಂಡ WTC ಫೈನಲ್ಗೆ ಅರ್ಹತೆ ಪಡೆದುಕೊಂಡಿದೆ.
ಆಸ್ಟ್ರೇಲಿಯಾ ದ್ವಿತೀಯ ಸ್ಥಾನ: ಆಸ್ಟ್ರೇಲಿಯಾ 19 ಪಂದ್ಯಗಳಲ್ಲಿ 13 ಗೆಲುವು, 4 ಸೋಲು ಮತ್ತು 2 ಡ್ರಾ ದಾಖಲಿಸಿ, 67.54% ಅಂಕಗಳನ್ನು ಪಡೆದಿದೆ. ಇದು ಫೈನಲ್ಗೆ ಅರ್ಹತೆ ಪಡೆದ ತಂಡವಾಗಿದೆ.
ಭಾರತ ಮೂರನೇ ಸ್ಥಾನ: ಭಾರತ 19 ಪಂದ್ಯಗಳಲ್ಲಿ 9 ಗೆಲುವು, 2 ಡ್ರಾ ಮತ್ತು 8 ಸೋಲು ದಾಖಲಿಸಿ 50.00% ಅಂಕಗಳನ್ನು ಪಡೆದಿದೆ, ಆದರೆ ಫೈನಲ್ಗೆ ಅರ್ಹತೆ ಗಳಿಸಲು ವಿಫಲವಾಗಿದೆ.
ಇತರೆ ತಂಡಗಳು
- ನ್ಯೂಝಿಲೆಂಡ್ 4ನೇ ಸ್ಥಾನದಲ್ಲಿ (48.21%)
- ಇಂಗ್ಲೆಂಡ್ 5ನೇ ಸ್ಥಾನದಲ್ಲಿ (43.18%)
- ಶ್ರೀಲಂಕಾ 6ನೇ ಸ್ಥಾನದಲ್ಲಿ (38.46%)
- ಬಾಂಗ್ಲಾದೇಶ್ 7ನೇ ಸ್ಥಾನದಲ್ಲಿ (31.25%)
- ವೆಸ್ಟ್ ಇಂಡೀಸ್ 8ನೇ ಸ್ಥಾನದಲ್ಲಿ (28.21%)
- ಪಾಕಿಸ್ತಾನ್ ಕೊನೆಯ ಸ್ಥಾನದಲ್ಲಿ (27.98%)
