ಉತ್ತರಾಖಂಡದಲ್ಲಿ ಭಾರಿ ಮಳೆಯಿಂದ ಸ್ಥಗಿತಗೊಂಡಿದ್ದ ಯಮುನೋತ್ರಿ (Yamunotri) ಧಾಮ ಯಾತ್ರೆ ಇಂದಿನಿಂದ ಪುನಾರಂಭವಾಗಿದೆ. 21 ದಿನಗಳ ವಿರಾಮದ ನಂತರ ಇಂದು 960 ಮಂದಿ ಭಕ್ತರು ಯಮುನಾ ದೇವಿಗೆ ಪ್ರಾರ್ಥನೆ ಸಲ್ಲಿಸಿದ್ದಾರೆ. ಯಾತ್ರಾರ್ಥಿಗಳು ಫೂಲಚಟ್ಟಿ, ಖಾರ್ಸಾಲಿ ಮತ್ತು ಜಾಂಕಿಚಟ್ಟಿ ಮಾರ್ಗಗಳ ಮೂಲಕ 8–9 ಕಿಲೋಮೀಟರ್ ಕಾಲ್ನಡಿಗೆಯ ಯಾತ್ರೆ ನಡೆಸಬೇಕು. ನಂತರ ಖಾರಾಡಿ ಮತ್ತು ಫೂಲಚಟ್ಟಿ ನಡುವೆ ಶಟಲ್ ಸೇವೆ ಲಭ್ಯವಿದ್ದು, ಅಲ್ಲಿ ಭಕ್ತರು ಕಾಲ್ನಡಿಗೆಯೇ ಮುಂದುವರಿಯುತ್ತಾರೆ.
ಜಾಂಕಿಚಟ್ಟಿ, ಕೃಷ್ಣಚಟ್ಟಿ, ಫೂಲಚಟ್ಟಿ ಮತ್ತು ನಾರದಚಟ್ಟಿ ಮಾರ್ಗಗಳು ಕಳೆದ ಒಂದು ತಿಂಗಳಿಂದ ಮಳೆಯಿಂದ ಬಂದ್ ಆಗಿತ್ತು. ಇಂದಿನಿಂದ ಈ ಮಾರ್ಗಗಳಲ್ಲಿ ಯಾತ್ರಾರ್ಥಿಗಳು ಮಳೆ ನಡುವೆ ಯಾತ್ರೆ ನಡೆಸುತ್ತಿದ್ದಾರೆ.
ಪ್ರತಿಕೂಲ ಹವಾಮಾನದ ಕಾರಣ ರುದ್ರಪ್ರಯಾಗ್ನಲ್ಲಿ ಕೇದರ್ನಾಥ್ ಯಾತ್ರೆಯಲ್ಲಿ ಅಡ್ಡಿ ಉಂಟಾಯಿತು. ಯಾತ್ರಾರ್ಥಿಗಳು ಕೆಲವು ಗಂಟೆಗಳ ಕಾಲ ಹೆಲಿಪ್ಯಾಡ್‌ನಲ್ಲಿ ಸಿಲುಕಿದ್ದರು. ಬುಧವಾರ ಸಂಜೆ ಹವಾಮಾನ ಬದಲಾವಣೆಯಿಂದ ಹಾರಾಟ ಮರು ಪ್ರಾರಂಭವಾಯಿತು.
ಭೂಕುಸಿತದಲ್ಲಿ 24 ಮಂದಿ ಮೃತಪಟ್ಟ ಬಳಿಕ 22 ದಿನಗಳ ವಿರಾಮದಲ್ಲಿ ನಿಂತಿದ್ದ ವೈಷ್ಣೋದೇವಿ ಯಾತ್ರೆ ಇಂದಿನಿಂದ ಪುನಾರಂಭವಾಗಿದೆ. ಮಟಾ ವೈಷ್ಣೋ ದೇವಿ ಮಂಡಳಿ ಪ್ರತಿಕೂಲ ಹವಾಮಾನ ಇರುವ ಸಮಯದಲ್ಲಿಯೇ ಯಾತ್ರೆಯನ್ನು ಪ್ರಾರಂಭಿಸಿದೆ. ಭಕ್ತರಿಗೆ ಸುರಕ್ಷತಾ ಮಾರ್ಗಸೂಚಿಗಳನ್ನು ಕಟ್ಟುನಿಟ್ಟಾಗಿ ಅನುಸರಿಸುವಂತೆ ಸೂಚಿಸಲಾಗಿದೆ.
ನವರಾತ್ರಿ ಹಿನ್ನೆಲೆ ಸೆಪ್ಟಂಬರ್ 22 ರಿಂದ ಅಕ್ಟೋಬರ್ 1ರ ವರೆಗೆ ಯಾತ್ರೆ ನಡೆಯಲಿದೆ. ಈ ಸಮಯದಲ್ಲಿ ಹೆಚ್ಚು ಸಂಖ್ಯೆಯ ಭಕ್ತರು ಯಾತ್ರೆಗೆ ಆಗಮಿಸುವ ನಿರೀಕ್ಷೆ ಇದೆ.