ಅಕ್ಟೋಬರ್ 23 ರಂದು ಪ್ರೊ ಕಬಡ್ಡಿ ಲೀಗ್‌ನಲ್ಲಿ (PKL Pro Kabaddi League) ಎರಡು ಪ್ರಮುಖ ಪಂದ್ಯಗಳು ಮುಗಿದ ನಂತರ ಪಾಯಿಂಟ್ಸ್ ಟೇಬಲ್ನಲ್ಲಿ (points table) ಮಹತ್ವದ ಬದಲಾವಣೆ ಆಗಿದೆ.
11ನೇ ಪಂದ್ಯದಲ್ಲಿ ತಮಿಳ್ ತಲೈವಾಸ್ (Tamil Thalaivas) ತಂಡವು ಹಾಲಿ ಚಾಂಪಿಯನ್ ಪುಣೇರಿ ಪಲ್ಟನ್ (Puneri Paltan)
ವಿರುದ್ಧ 35-30 ಅಂತರದಲ್ಲಿ ಹಾಗೂ 12ನೇ ಪಂದ್ಯದಲ್ಲಿ ಯು ಮುಂಬಾ 33-27 ಅಂತರದಲ್ಲಿ ಗುಜರಾತ್ ಜೈಂಟ್ಸ್ ತಂಡವನ್ನು ಮಣಿಸಿತು.
ಪುಣೇರಿ ಪಲ್ಟಾನ್ ಸೋತರೂ ಪಾಯಿಂಟ್ಸ್ ಪಟ್ಟಿಯಲ್ಲಿ ಮೊದಲ ಸ್ಥಾನ ಕಾಪಾಡಿಕೊಳ್ಳುವಲ್ಲಿ ಯಶಸ್ವಿಯಾಗಿದೆ. ಯು ಮುಂಬಾ ಈ ಋತುವಿನ ಮೊದಲ ಗೆಲುವನ್ನು ದಾಖಲಿಸಿದೆ ಮತ್ತು ಏಳನೇ ಸ್ಥಾನದಲ್ಲಿದೆ.
ತಮಿಳ್ ತಲೈವಾಸ್ ತನ್ನ ಎರಡನೇ ಗೆಲುವಿನ ನಂತರ ನಾಲ್ಕನೇ ಸ್ಥಾನದಲ್ಲಿದೆ. ಬೆಂಗಳೂರು ಬುಲ್ಸ್ (Bengaluru Bulls) ಆಡಿದ 3 ಪಂದ್ಯಗಳ ನಂತರ ಕೇವಲ ಒಂದು ಅಂಕ ಪಡೆದು ಹತ್ತನೇ ಸ್ಥಾನದಲ್ಲಿದೆ.
