Bengaluru : ಭಾರತ ಮತ್ತು ಜಪಾನ್ ಬಾಹ್ಯಾಕಾಶ ಸಂಸ್ಥೆಗಳು ಚಂದ್ರನ ಅಂಗಳದಲ್ಲಿ ಮಾನವ ಅಧ್ಯಯನ ನಡೆಸುವ ಮಹತ್ವಾಕಾಂಕ್ಷಿ ಯೋಜನೆಯಾದ ಚಂದ್ರಯಾನ–5 (LUPEX ಮಿಷನ್) ಬಗ್ಗೆ ಮೂರನೇ ಉನ್ನತ ಮಟ್ಟದ ತಾಂತ್ರಿಕ ಸಭೆ ಬೆಂಗಳೂರಿನಲ್ಲಿ ಯಶಸ್ವಿಯಾಗಿ ನಡೆಯಿತು.
ಈ ಗಗನಯಾನ ಯೋಜನೆಯು 2040ರ ವೇಳೆಗೆ ಚಂದ್ರನ ದಕ್ಷಿಣ ಧ್ರುವದಲ್ಲಿನ ಶಾಶ್ವತ ನೆರಳಿನ ಪ್ರದೇಶದಲ್ಲಿ ಅಧ್ಯಯನ ನಡೆಸುವುದಾಗಿ ಇಸ್ರೊ ಮತ್ತು ಜಪಾನ್‌ನ ಬಾಹ್ಯಾಕಾಶ ಸಂಸ್ಥೆ ಜಾಕ್ಸಾ ಪ್ರಕಟಿಸಿವೆ.
ಗಗನಯಾನಕ್ಕೆ ತಾಂತ್ರಿಕ ಸಂಯೋಜನೆ
ಈ ಸಭೆಯಲ್ಲಿ ಇಸ್ರೊ, ಜಾಕ್ಸಾ ಮತ್ತು ಮಿತ್ಸುಬಿಷಿ ಹೆವಿ ಇಂಡಸ್ಟ್ರೀಸ್ (MHI) ಅಧಿಕಾರಿಗಳು ಪಾಲ್ಗೊಂಡು, ಚಂದ್ರನ ಮೇಲಿನ ಅಧ್ಯಯನಕ್ಕೆ ಬಳಸಲಾಗುವ ಅತ್ಯಾಧುನಿಕ ಉಪಕರಣಗಳ ಬಗ್ಗೆ ಸಮಗ್ರ ಚರ್ಚೆ ನಡೆಸಿದರು. ಲ್ಯಾಂಡರ್ ಇಸ್ರೊದಿಂದ, ರೋವರ್ ಜಪಾನ್‌ನಿಂದ ನಿರ್ಮಾಣಗೊಳ್ಳಲಿದೆ.
ಚಂದ್ರಯಾನ–4 ನಂತರ, ಚಂದ್ರಯಾನ–5
ಈ ಹಿಂದೆ ಭಾರತವು ಚಂದ್ರಯಾನ–4 ಯೋಜನೆಯನ್ನು ಶೀಘ್ರವೇ ಪ್ರಾರಂಭಿಸಲಿದೆ. ಅದರಲ್ಲಿ ಚಂದ್ರನ ಮಣ್ಣು, ಕಲ್ಲು ಮತ್ತು ಖನಿಜ ಮಾದರಿಗಳನ್ನು ಸಂಗ್ರಹಿಸಿ ಭೂಮಿಗೆ ತರಲಾಗುವುದು. ಇವು ಚಂದ್ರಯಾನ–5 ಮಿಷನ್‌ಗೆ ಮೂಲಾಧಾರವಾಗಲಿದೆ.
ಚಂದ್ರಯಾನ–5 ಯೋಜನೆಯು ನೀರಿನ ಕಣಗಳು, ಆವಿ ರೂಪದ ವಸ್ತುಗಳು ಹಾಗೂ ಶಾಶ್ವತ ನೆರಳಿನ ಪ್ರದೇಶಗಳ ಅಧ್ಯಯನಕ್ಕಾಗಿ ನಿಖರವಾಗಿ ಯೋಜಿತವಾಗಿದೆ.
ಭಾರತದ ಬಾಹ್ಯಾಕಾಶ ಕ್ಷೇತ್ರಕ್ಕೆ ಹೊಸ ಮೈಲಿಗಲ್ಲು
ಇದು ಭಾರತೀಯ ಬಾಹ್ಯಾಕಾಶ ವಿಜ್ಞಾನಕ್ಕೆ ಹೊಸ ದಿಕ್ಕು ತೋರಿಸುವ ಯೋಜನೆಯಾಗಿದ್ದು, ಈ ಮೂಲಕ ಭಾರತ ಮಾನವ ಸಹಿತ ಬಾಹ್ಯಾಕಾಶ ಯಾನಕ್ಕೆ ಮೊದಲ ಹೆಜ್ಜೆ ಇಡಲಿದೆ. ಜಪಾನ್‌ನ ಎಚ್3–24ಎಲ್ ಉಡಯನ ವಾಹನದ ಮೂಲಕ ಉಡಾವಣೆ ನಡೆಯಲಿದೆ. ಈ ಯೋಜನೆಗೆ ಅಗತ್ಯವಿರುವ ಮೂಲಧನಕ್ಕಾಗಿ ಕೇಂದ್ರ ಸರ್ಕಾರ ಈಗಾಗಲೇ ಅನುಮೋದನೆ ನೀಡಿದೆ.
ಹಂತಗಳು:
- ಚಂದ್ರನ ಮೇಲಿನ ಲ್ಯಾಂಡಿಂಗ್ ಸ್ಥಳದ ಆಯ್ಕೆ
- ಉಪಕರಣಗಳ ಸಾಮರ್ಥ್ಯ ಮತ್ತು ವಿನ್ಯಾಸ
- ಭೂಮಿಯಿಂದ ಸಂಪರ್ಕ ವ್ಯವಸ್ಥೆ
- ಸಹಭಾಗಿತ್ವದಲ್ಲಿ ತಂತ್ರಜ್ಞಾನ ಅಭಿವೃದ್ಧಿ
ಭವಿಷ್ಯದ ಗುರಿಗಳು:
2047: ಭಾರತದ ಸ್ವಾತಂತ್ರ್ಯ ಶತಮಾನೋತ್ಸವದ ವೇಳೆಗೆ ಚಂದ್ರನ ಮೇಲೆಯೇ ನೆಲೆಯ ನಿರ್ಮಾಣ ಯೋಜನೆ.
2035: ಅಂತರರಾಷ್ಟ್ರೀಯ ಬಾಹ್ಯಾಕಾಶ ನಿಲ್ದಾಣದಲ್ಲಿ ಭಾರತದಿಂದ ಸ್ವಂತ ನಿಲ್ದಾಣ ಸ್ಥಾಪನೆ.
