ಭದ್ರತಾ ಪಡೆಗಳಲ್ಲಿನ (security forces) ನಾಯಿಗಳಿಗೆ (Dog)ಯೋಧರಂತೆಯೇ ಧೈರ್ಯ ಮತ್ತು ಕಾಳಜಿ ಇರುತ್ತದೆ. ಇವುಗಳನ್ನು ವಿಶೇಷ ತರಬೇತಿಯಿಂದ ಸಿದ್ಧಪಡಿಸಲಾಗುತ್ತದೆ. ಛತ್ತೀಸ್ಗಢದ ಸುಕ್ಮಾ ಜಿಲ್ಲೆಯಲ್ಲಿ ನಕ್ಸಲ್ ವಿರೋಧಿ (anti-Naxal operation) ಕಾರ್ಯಾಚರಣೆಯ ಸಂದರ್ಭ, ಐಇಡಿ ಸ್ಫೋಟವೊಂದು ನಡೆದಿದೆ.
ಸ್ಫೋಟದ ವೇಳೆ CRPF ಶ್ವಾನ, 3 ವರ್ಷದ ‘ಬೆಲ್ಜಿಯನ್ ಶೆಫರ್ಡ್’ ಆಂಡ್ರೋ, ತನ್ನ ಧೈರ್ಯದಿಂದ ಸೈನಿಕರ ಪ್ರಾಣವನ್ನು ರಕ್ಷಿಸಿತು. ಆದರೆ ಈ ಸಂದರ್ಭ ಆಂಡ್ರೋಗೆ ಗಂಭೀರ ಗಾಯವಾಗಿದ್ದು, ಬಲಗಾಲಿನ ಮೂಳೆ ಮುರಿಯಿತು. ಅವನ ಚಿಕಿತ್ಸೆ ಸಮೀಪದ ಬಿಜಾಪುರದಲ್ಲಿ ನಡೆಯುತ್ತಿದೆ.
ಫೆಬ್ರವರಿ 2023 ರಲ್ಲಿ ನಾರಾಯಣಪುರದಲ್ಲಿ ನಡೆದ ಘಟನೆ ಯಾರು ಮರೆತಿರಬಹುದು? ಬಾಂಬನ್ನು ಪತ್ತೆ ಹಚ್ಚಿ, ಸ್ಫೋಟವನ್ನು ತಡೆಯುವಾಗ ಪ್ರಾಣ ತ್ಯಾಗ ಮಾಡಿದ ಶ್ವಾನ ಅನೇಕರನ್ನು ಸಾವಿನಿಂದ ರಕ್ಷಿಸಿತ್ತು. ಇಂತಹ ಶ್ವಾನಗಳ ಉಪಯೋಗವು ನಕ್ಸಲ್ ಪೀಡಿತ ಪ್ರದೇಶಗಳಲ್ಲಿ ನಿರಂತರವಾಗಿ ನಡೆಯುತ್ತಿದೆ.
ಕೇಂದ್ರೀಯ ಮೀಸಲು ಪೊಲೀಸ್ ಪಡೆ (CRPF) ಮತ್ತು ಇತರ ಭದ್ರತಾ ಪಡೆಯ ಶ್ವಾನಗಳು ಐಇಡಿ ಪತ್ತೆಹಚ್ಚುವ ಕಾರ್ಯದಲ್ಲಿ ಪ್ರಮುಖ ಪಾತ್ರ ವಹಿಸುತ್ತಿವೆ. ಶ್ವಾನಗಳ ಧೈರ್ಯವು ದೇಶದ ಭದ್ರತೆಗೆ ಅಪ್ರತಿಮ ಕೊಡುಗೆ ನೀಡುತ್ತದೆ.
