ಜಪಾನ್ ಮೂಲದ ಯಮಹಾ (Yamaha) ಜನಪ್ರಿಯ ದ್ವಿಚಕ್ರ ವಾಹನ ತಯಾರಕ ಕಂಪನಿಯಾಗಿದೆ. ಭಾರತದಲ್ಲಿ ವಿವಿಧ ಬೈಕ್ ಮತ್ತು ಸ್ಕೂಟರ್ ಮಾರಾಟ ಮಾಡುತ್ತಿದ್ದು, ಅತ್ಯಾಧುನಿಕ ವಿನ್ಯಾಸ ಹಾಗೂ ವೈಶಿಷ್ಟ್ಯಗಳಿಂದ ಜನಪ್ರಿಯವಾಗಿದೆ. ಇತ್ತೀಚೆಗೆ, ಪೆಟ್ರೋಲ್ ಮತ್ತು ಎಲೆಕ್ಟ್ರಿಕ್ ತಂತ್ರಜ್ಞಾನ ಹೊಂದಿರುವ ಹೊಸ FZ-ಎಸ್ ಫೈ (FZ-S Fi) ಹೈಬ್ರಿಡ್ ಬೈಕ್ ಬಿಡುಗಡೆ ಮಾಡಲಾಗಿದೆ.
ನೂತನ ಯಮಹಾ FZ-ಎಸ್ ಫೈ ಹೈಬ್ರಿಡ್ ಬೈಕ್ ರೂ.1.45 ಲಕ್ಷ (ಎಕ್ಸ್-ಶೋರೂಂ, ನವದೆಹಲಿ) ದರದಲ್ಲಿ ಲಭ್ಯವಿದೆ. ಇದು 150 ಸಿಸಿ ವಿಭಾಗದಲ್ಲಿ ಹೈಬ್ರಿಡ್ ತಂತ್ರಜ್ಞಾನ ಹೊಂದಿರುವ ದೇಶದ ಮೊದಲ ಬೈಕ್ ಆಗಿದೆ.
ವಿನ್ಯಾಸ ಮತ್ತು ಎಂಜಿನ್
- ಆಕರ್ಷಕ ವಿನ್ಯಾಸ, ದೊಡ್ಡ ಫ್ಯುಯೆಲ್ ಟ್ಯಾಂಕ್ ಮತ್ತು ಫ್ರಂಟ್ ಟರ್ನ್ ಸಿಗ್ನಲ್.
- 149 ಸಿಸಿ ಫೋರ್-ಸ್ಟ್ರೋಕ್, ಟೂ-ವಾಲ್ವ್, ಏರ್-ಕೂಲ್ಡ್ ಎಂಜಿನ್.
- 7,250 RPMನಲ್ಲಿ 12.4 ಪಿಎಸ್ ಪವರ್, 5,500 RPMನಲ್ಲಿ ಎನ್ಎಂ ಟಾರ್ಕ್.
- 5-ಸ್ಪೀಡ್ gearbox ಮತ್ತು ಸ್ಲಿಪ್ಪರ್ ಕ್ಲಚ್.
- OBD-2B ಮಾನದಂಡಗಳಿಗೆ ಅನುಗುಣವಾಗಿದೆ.
ಹೈಬ್ರಿಡ್ ತಂತ್ರಜ್ಞಾನ ಹಾಗೂ ಮೈಲೇಜ್
- ಹೈಬ್ರಿಡ್ ತಂತ್ರಜ್ಞಾನದಿಂದ ಉತ್ತಮ ಕಾರ್ಯಕ್ಷಮತೆ.
- ಹೆಚ್ಚುವರಿ ಮೈಲೇಜ್ ಪಡೆಯಲು ಸಹಾಯಕ.
- ಫ್ಯಾಸಿನೊ ಮತ್ತು ರೇ ಜಡ್ಆರ್ ಹೈಬ್ರಿಡ್ ಸ್ಕೂಟರ್ 71 kmpl ಮೈಲೇಜ್ ನೀಡಬಲ್ಲವು.
ಪ್ರಮುಖ ವೈಶಿಷ್ಟ್ಯಗಳು
- SMG (Smart Motor Generator) ಮತ್ತು SSS (Stop & Start System) ತಂತ್ರಜ್ಞಾನ.
- 4.2-ಇಂಚು ಫುಲ್-ಕಲರ್ TFT ಡ್ಯಾಶ್.
- ಬ್ಲೂಟೂತ್ ಸ್ಮಾರ್ಟ್‌ಫೋನ್ ಸಂಪರ್ಕ, ಗೂಗಲ್ ಮ್ಯಾಪ್ಸ್, ಕಾಲ್ & SMS ಅಲರ್ಟ್.
- ಮುಂಭಾಗ ಟೆಲಿಸ್ಕೋಪಿಕ್ ಫೋರ್ಕ್, ಹಿಂಭಾಗ ಮೊನೊಶಾಕ್ ಸಸ್ಪೆನ್ಷನ್.
- 138 ಕೆಜಿ ತೂಕ, 13 ಲೀಟರ್ ಫ್ಯುಯೆಲ್ ಟ್ಯಾಂಕ್ ಸಾಮರ್ಥ್ಯ.
- ಡಿಸ್ಕ್ ಬ್ರೇಕ್ ವ್ಯವಸ್ಥೆ.
ಹೊಸ ಯಮಹಾ FZ-ಎಸ್ ಫೈ ಹೈಬ್ರಿಡ್, ಆಕರ್ಷಕ ವಿನ್ಯಾಸ ಹಾಗೂ ಪ್ರಬಲ ತಂತ್ರಜ್ಞಾನ ಹೊಂದಿರುವ ಇತ್ತೀಚಿನ ಪೀಳಿಗೆಯ ಪ್ರೀಮಿಯಂ ಬೈಕ್ ಆಗಿದೆ!
