ಇಂಗ್ಲೆಂಡ್ ಮತ್ತು ಭಾರತ ನಡುವಿನ ಹೆಡ್ಡಿಂಗ್ಲಿ ಟೆಸ್ಟ್ ಪಂದ್ಯ ಜೋರಾಗಿ ನಡೆಯುತ್ತಿರುವಾಗ, ಕ್ರಿಕೆಟ್ ಪ್ರೇಮಿಗಳಿಗೆ ಆಘಾತಕಾರಿ ಸುದ್ದಿ ಬಂದಿದೆ.
ಭಾರತದ ಮಾಜಿ ಟೆಸ್ಟ್ ಬೌಲರ್ ದಿಲೀಪ್ ದೋಷಿ (Dilip Doshi) ಅವರು 77ನೇ ವಯಸ್ಸಿನಲ್ಲಿ ಹೃದಯಾಘಾತದಿಂದ ಇಂಗ್ಲೆಂಡ್ ನ ಲ್ಲಿ ಇಹಲೋಕ ತ್ಯಜಿಸಿದ್ದಾರೆ.
ದಿಲೀಪ್ ದೋಷಿಯ ಬದುಕು ಮತ್ತು ಕ್ರಿಕೆಟ್ ಸಾಧನೆಗಳು
- 1979 ರಿಂದ 1983ರ ವರೆಗೆ ಭಾರತಕ್ಕೆ ಪ್ರತಿನಿಧಿಸಿ 33 ಟೆಸ್ಟ್ ಹಾಗೂ 15 ಏಕದಿನ ಪಂದ್ಯಗಳನ್ನು ಆಡಿದ್ದರು.
- ಎಡಗೈ ಸ್ಪಿನ್ನರ್ ಆಗಿದ್ದ ದೋಷಿ, ತಮ್ಮ ವೃತ್ತಿಯಲ್ಲಿ 114 ಟೆಸ್ಟ್ ವಿಕೆಟ್‌ಗಳು ಹಾಗೂ 22 ಏಕದಿನ ವಿಕೆಟ್‌ಗಳನ್ನು ಪಡೆದಿದ್ದಾರೆ.
- ಆಸ್ಟ್ರೇಲಿಯಾ ವಿರುದ್ಧ 1979ರ ಟೆಸ್ಟ್‌ನಲ್ಲೇ ಅಂತರರಾಷ್ಟ್ರೀಯ ಕ್ರಿಕೆಟ್‌ಗೆ ಪಾದಾರ್ಪಣೆ ಮಾಡಿದ್ದರು.
- 30ನೇ ವಯಸ್ಸಿನಲ್ಲಿ ಕ್ರಿಕೆಟ್ ಆರಂಭಿಸಿ, ಕಡಿಮೆ ಅವಧಿಯಲ್ಲಿ ಉತ್ತಮ ಸಾಧನೆ ಮಾಡಿದ್ದಾರೆ.
- ಸೌರಾಷ್ಟ್ರ ತಂಡಕ್ಕಾಗಿಯೂ ಹಾಗೂ ಇಂಗ್ಲೆಂಡ್ ನ ವಾರ್ವಿಕ್ಷೈರ್ ಮತ್ತು ನಾಟಿಂಗ್ಹ್ಯಾಮ್ಶೈರ್ ತಂಡಗಳಿಗಾಗಿ ಕೂಡಾ ಆಡಿದ್ದರು.
- ಟೆಸ್ಟ್‌ನಲ್ಲಿ ಅವರ ಅತ್ಯುತ್ತಮ ಬೌಲಿಂಗ್: 102 ರನ್‌ಗೆ 6 ವಿಕೆಟ್.
- ಪ್ರಥಮ ದರ್ಜೆ ಕ್ರಿಕೆಟ್‌ನಲ್ಲಿ 238 ಪಂದ್ಯಗಳಲ್ಲಿ 898 ವಿಕೆಟ್ ಗಳಿಸಿದ್ದಾರೆ.
ಇತ್ತೀಚೆಗಷ್ಟೇ ಅವರು ಡಬ್ಲ್ಯೂಟಿಸಿ ಫೈನಲ್ ಪಂದ್ಯ ವೀಕ್ಷಿಸಲು ಲಾರ್ಡ್ಸ್ ಮೈದಾನಕ್ಕೆ ಹೋಗಿದ್ದರು. ಅವರ ನಿಧನದ ಸುದ್ದಿ ಭಾರತೀಯ ಕ್ರಿಕೆಟ್ ಜಗತ್ತಿಗೆ ತುಂಬಾ ನಷ್ಟವಾಗಿದೆ.
