ಭಾರತದ Hero MotoCorp ಹಾಗೂ ಅಮೆರಿಕದ ಪ್ರಸಿದ್ಧ ಮೋಟಾರ್‌ಸೈಕಲ್ ಬ್ರಾಂಡ್‌ Harley-Davidson ನ ಸಹಯೋಗದೊಂದಿಗೆ Harley Davidson X440 ಎಂಬ ಹೊಸ ಪ್ರೀಮಿಯಂ ಮೋಟಾರ್‌ಸೈಕಲ್ ಅನ್ನು ಬಿಡುಗಡೆ ಮಾಡುತ್ತಿದೆ. ಜನರು www.Harley-Davidsonx440.com ಗೆ ಭೇಟಿ ನೀಡಿ 5,000 ರೂಪಾಯಿಗಳ ಬುಕಿಂಗ್ ಮೊತ್ತವನ್ನು ಪಾವತಿಸುವ ಮೂಲಕ Harley-Davidson X440 ಅನ್ನು ಬುಕ್ ಮಾಡಬಹುದು. ನೀವು ಬಯಸಿದಲ್ಲಿ, ಯಾವುದೇ ಹಾರ್ಲೆ-ಡೇವಿಡ್ಸನ್ ಡೀಲರ್‌ಶಿಪ್‌ನಲ್ಲಿ ಅಥವಾ ಭಾರತದಾದ್ಯಂತ ಇರುವ ಹೀರೋ ಮೋಟೋಕಾರ್ಪ್ ಔಟ್‌ಲೆಟ್‌ಗಳಲ್ಲಿ ಸಹ ಮೋಟಾರ್‌ಸೈಕಲ್ ಅನ್ನು ಕಾಯ್ದಿರಿಸಬಹುದಾಗಿದೆ.
Harley-Davidson X440 ಮೋಟಾರ್‌ಸೈಕಲ್ ಡೆನಿಮ್, ವಿವಿಡ್ ಮತ್ತು S ಎಂಬ ಮೂರು ವಿಭಿನ್ನ ಆವೃತ್ತಿಗಳಲ್ಲಿ ಬರುತ್ತದೆ. ಈ ಮಾದರಿಗಳ ಆರಂಭಿಕ ಬೆಲೆಗಳು ಕ್ರಮವಾಗಿ ರೂ 2,29,000/-, ರೂ 2,49,000/- ಮತ್ತು ರೂ 2,69,000/- ಇಡಲಾಗಿದೆ. ಮೋಟಾರ್‌ಸೈಕಲ್‌ನ ವಿತರಣೆಯು ಅಕ್ಟೋಬರ್ 2023 ರಲ್ಲಿ ಪ್ರಾರಂಭವಾಗುತ್ತದೆ ಎಂದು ತಿಳಿಸಲಾಗಿದೆ.
Harley-Davidson X440 ಅನ್ನು ಜುಲೈ 3, 2023 ರಂದು ಅನಾವರಣಗೊಳಿಸಲಾಯಿತು ಮತ್ತು ಈಗ ಭಾರತದಲ್ಲಿ ಹೆಚ್ಚು ಸ್ಪರ್ಧಾತ್ಮಕ 440cc ವಿಭಾಗವನ್ನು ಇದು ಪ್ರವೇಶಿಸಲಿದೆ. ಈ ಮೋಟಾರ್‌ಸೈಕಲ್ ಹೀರೋ ಮೋಟೋಕಾರ್ಪ್ ಮತ್ತು ಹಾರ್ಲೆ-ಡೇವಿಡ್ಸನ್ ನಡುವಿನ ಸಹಯೋಗದ ಫಲಿತಾಂಶವಾಗಿದೆ ಮತ್ತು ಇದನ್ನು Hero CIT ಯಲ್ಲಿ ಅಭಿವೃದ್ಧಿಪಡಿಸಲಾಗಿದೆ. ಮೋಟಾರ್‌ಸೈಕಲ್‌ನ ತಯಾರಿಕೆಯು ರಾಜಸ್ಥಾನದ ನೀಮ್ರಾನಾದಲ್ಲಿರುವ ಗಾರ್ಡನ್ ಫ್ಯಾಕ್ಟರಿಯಲ್ಲಿ ನಡೆಯಲಿದೆ.
