ಮೂತ್ರ ವಿಸರ್ಜನೆ ನಮ್ಮ ದೇಹದ ತ್ಯಾಜ್ಯವನ್ನು ಹೊರಹಾಕುವ ನೈಸರ್ಗಿಕ ವಿಧಾನವಾಗಿದೆ. ಇದು ದೇಹವನ್ನು ಸ್ವಚ್ಛವಾಗಿಡಲು ಸಹಾಯಕವಾಗುತ್ತದೆ. ಕೆಲವೊಮ್ಮೆ, ಈ ಪ್ರಕ್ರಿಯೆಯಲ್ಲಿ ತೊಂದರೆ ಉಂಟಾಗಬಹುದು – ಉರಿ, ಹೊಟ್ಟೆ ನೋವು, ಅಥವಾ ಪದೇಪದೇ ಮೂತ್ರ ವಿಸರ್ಜನೆಯ ಅಗತ್ಯತೆ ಮುಂತಾದ ಲಕ್ಷಣಗಳು ಕಾಣಿಸಬಹುದು.
ಯುರಿನರಿ ರಿಟೆನ್ಶನ್ ಎಂದರೇನು?: ಇದು ಮೂತ್ರವಿಸರ್ಜನೆ ಮಾಡಬೇಕೆಂಬ ಪ್ರೇರಣೆ ಇದ್ದರೂ, ಮೂತ್ರಕೋಶವನ್ನು ಸಂಪೂರ್ಣ ಖಾಲಿ ಮಾಡಲು ಸಾಧ್ಯವಾಗದ ಸ್ಥಿತಿ. ಕೆಲವೊಮ್ಮೆ ಮೂತ್ರವನ್ನು ತಡೆಯಲಾಗದು, ಅಥವಾ ಕೆಲವು ಬಾರಿ ಮೂತ್ರಕೋಶದಲ್ಲಿ ಮೂತ್ರ ಉಳಿಯುತ್ತದೆ. ಇದು ಗಂಭೀರ ಸಮಸ್ಯೆಗಳ ಪ್ರಾರಂಭವಾಗಬಹುದು.
ಯುರಿನರಿ ರಿಟೆನ್ಶನ್ನ ಪರಿಣಾಮಗಳು
- ಹೊಟ್ಟೆ ನೋವು
- ಮೂತ್ರಕೋಶ ಉಬ್ಬು
- ಮೂತ್ರನಾಳದ ಸೋಂಕು
- ದೀರ್ಘಕಾಲದ ಕಿಡ್ನಿ ಹಾನಿ
ಇದಕ್ಕೆ ಕಾರಣವೇನು?
- ಒತ್ತಡ ಹಾಗೂ ಮಾನಸಿಕ ಆತಂಕ
- ಕಡಿಮೆ ನಾರಿ ಇರುವ ಆಹಾರ
- ನೀರಿನ ಕೊರತೆ
- ಜಂಕ್ ಫುಡ್ ಸೇವನೆ
- ದೀರ್ಘ ಕಾಲ ಕೂತಿರುವುದು
- ನಿರಂತರವಾಗಿ ಮೂತ್ರ ತಡೆಯುವ ಅಭ್ಯಾಸ
ದಿನಚರಿಯಲ್ಲಿ ಸರಿಯಾದ ನಿರ್ವಹಣೆಯ ಅಗತ್ಯ: ಕಚೇರಿಗಳಲ್ಲಿ ಅಥವಾ ಆನ್ಲೈನ್ ಕೆಲಸ ಮಾಡುವವರು ಗಂಟೆಗಟ್ಟಲೆ ಒಂದೇ ಜಾಗದಲ್ಲಿ ಕೂತಿರುವುದು ಯುರಿನರಿ ರಿಟೆನ್ಶನ್ಗೆ ಕಾರಣವಾಗಬಹುದು. ಕೆಲಸದ ಒತ್ತಡದಿಂದಾಗಿ ಹಲವರು ತಮ್ಮ ಮೂತ್ರವನ್ನು ತ ತಡೆದಿಡುತ್ತಾರೆ – ಇದು ದೈಹಿಕವಾಗಿ ತುಂಬಾ ಹಾನಿಕಾರಕ.
ತಡೆಯುವುದು ಹೇಗೆ?
- ದಿನಕ್ಕೆ ಕನಿಷ್ಠ 2-3 ಲೀಟರ್ ನೀರು ಕುಡಿಯಿರಿ
- ಯಾವುದೇ ಕಾರಣಕ್ಕೂ ಮೂತ್ರವನ್ನು ತಡೆಯಬೇಡಿ
- ನೈರ್ಮಲ್ಯಕ್ಕೆ ಗಮನ ನೀಡಿ
- ಬಿಗಿಯಾದ ಉಡುಪನ್ನು ತಪ್ಪಿಸಿ
- ಅನಗತ್ಯವಾದ ಆಂಟಿಬಯೋಟಿಕ್ ಮಾತ್ರೆಗಳನ್ನು ತೆಗೆದುಕೊಳ್ಳಬೇಡಿ
- ಯೋಗ, ಧ್ಯಾನದ ಅಭ್ಯಾಸದಿಂದ ಮಾನಸಿಕ ಒತ್ತಡವನ್ನು ಕಡಿಮೆಮಾಡಿ
ಗಮನಿಸಿ: ಈ ಮಾಹಿತಿಯನ್ನು ವೈದ್ಯಕೀಯ ಸಲಹೆಯಂತೆಯೇ ಪರಿಗಣಿಸಬೇಡಿ. ಹೆಚ್ಚಿನ ಮಾಹಿತಿಗೆ ನಿಮ್ಮ ವೈದ್ಯರನ್ನು ಸಂಪರ್ಕಿಸಿ.
