ಡಾರ್ಕ್ ಚಾಕೊಲೇಟ್ (dark chocolate) ಇಷ್ಟವಾಗುತ್ತಾ? ಅದರಲ್ಲಿ ಒಳ್ಳೆಯ ಆರೋಗ್ಯಕ್ಕೂ ಹಲವಾರು ಉಪಯೋಗಗಳಿವೆ ಎಂಬುದು ಅಧ್ಯಯನಗಳಿಂದ ತಿಳಿದುಬಂದಿದೆ.
ಡಾರ್ಕ್ ಚಾಕೊಲೇಟ್ ಹೆಚ್ಚಿನ ಕೋಕೋ ಅಂಶ ಹಾಗೂ ಫ್ಲೇವನಾಯ್ಡ್ ಎನ್ನುವಂತಹ ಶಕ್ತಿಯುತವಾದ ಉತ್ಕರ್ಷಣ ನಿರೋಧಕಗಳನ್ನು ಹೊಂದಿರುತ್ತದೆ. ಉತ್ಕರ್ಷಣ ನಿರೋಧಕಗಳು ದೇಹದ ಜೀವಕೋಶಗಳನ್ನು ಸ್ವತಂತ್ರ ರಾಡಿಕಲ್ಗಳಿಂದ ರಕ್ಷಣೆ ಮಾಡುತ್ತವೆ ಹಾಗೂ ಅನೇಕ ರೋಗಗಳ ಅಪಾಯ ಕಡಿಮೆ ಗುಣಗಳನ್ನು ಹೊಂದಿದೆ. ಹಾಗಾದರೆ ಡಾರ್ಕ್ ಚಾಕೊಲೇಟ್ ಸೇವಿಸುವುದರಿಂದ ದೊರೆಯವ ಆರೋಗ್ಯದ ಪ್ರಯೋಜನಗಳೇನು?
ಪ್ರಮುಖ ಲಾಭಗಳು
ಉತ್ಕರ್ಷಣ ನಿರೋಧಕ ಶಕ್ತಿ: ಡಾರ್ಕ್ ಚಾಕೊಲೇಟ್‌ನಲ್ಲಿ ಎಪಿಕಾಟೆಚಿನ್ ಮತ್ತು ಕ್ಯಾಟೆಚಿನ್ ಎಂಬ ಶಕ್ತಿಯುತ ಉತ್ಕರ್ಷಣ ನಿರೋಧಕಗಳು ಇವೆ. ಇವು ದೇಹದ ಜೀವಕೋಶಗಳನ್ನು ರಕ್ಷಿಸುತ್ತವೆ, ಹೃದಯರೋಗ ಮತ್ತು ಕ್ಯಾನ್ಸರ್ ಮುಂತಾದ ಕಾಯಿಲೆಗಳ ಅಪಾಯವನ್ನು ಕಡಿಮೆ ಮಾಡುತ್ತವೆ.
ಖನಿಜಗಳಲ್ಲಿ ಶ್ರೀಮಂತ: ಇದರಲ್ಲಿರುವ ತಾಮ್ರ, ಕಬ್ಬಿಣ, ಮೆಗ್ನೀಸಿಯಮ್, ಮ್ಯಾಂಗನೀಸ್ ಮುಂತಾದ ಖನಿಜಗಳು ರೋಗನಿರೋಧಕ ಶಕ್ತಿಯನ್ನು ಹೆಚ್ಚಿಸುತ್ತವೆ, ನಿದ್ರೆ, ಮೂಳೆ ಮತ್ತು ಹಲ್ಲುಗಳ ಆರೋಗ್ಯವನ್ನು ಉತ್ತಮಗೊಳಿಸುತ್ತವೆ.
ಹೃದಯಕ್ಕೆ ಹಿತಕರ: ಡಾರ್ಕ್ ಚಾಕೊಲೇಟ್‌ನ ಫ್ಲೇವನಾಯ್ಡ್‌ಗಳು ರಕ್ತದೊತ್ತಡವನ್ನು ಕಡಿಮೆ ಮಾಡುತ್ತವೆ, ರಕ್ತದ ಹರಿವನ್ನು ಸುಧಾರಿಸುತ್ತವೆ ಮತ್ತು ಒಳ್ಳೆಯ ಕೊಲೆಸ್ಟ್ರಾಲ್ ಮಟ್ಟವನ್ನು ಹೆಚ್ಚಿಸುತ್ತವೆ.
ಮೆದುಳಿಗೆ ಪೋಷಕ: ಇದಲ್ಲದೆ, ಮೆದುಳಿಗೆ ರಕ್ತ ಹರಿವನ್ನು ಹೆಚ್ಚಿಸುವ ಮೂಲಕ ಸ್ಮರಣೆ ಮತ್ತು ಅರಿವನ್ನು ಬೆಳೆಸುತ್ತದೆ. ಆಲ್ಝೈಮರ್ ಮತ್ತು ಪಾರ್ಕಿನ್ಸನ್ ರೋಗಗಳ ಅಪಾಯವನ್ನು ಸಹ ಕಡಿಮೆ ಮಾಡಬಹುದು.
ಮಧುಮೇಹದ ನಿಯಂತ್ರಣ: ಈ ಚಾಕೊಲೇಟ್‌ದಲ್ಲಿರುವ ಎಪಿಕಾಟೆಚಿನ್ ಎಂಬ ಸಂಯುಕ್ತ ಇನ್ಸುಲಿನ್ ಉತ್ಪಾದನೆಗೆ ಸಹಕಾರಿಯಾಗುತ್ತದೆ. ವಾರಕ್ಕೆ 5 ಔನ್ಸ್ ಡಾರ್ಕ್ ಚಾಕೊಲೇಟ್ ಸೇವಿಸುವವರು ಮಧುಮೇಹದ ಅಪಾಯದಿಂದ ದೂರವಿರಬಹುದು ಎಂದು ಅಧ್ಯಯನಗಳು ಹೇಳುತ್ತವೆ.
ಚರ್ಮದ ಆರೋಗ್ಯ: UV ಕಿರಣಗಳಿಂದ ಚರ್ಮವನ್ನು ರಕ್ಷಿಸುವ ಶಕ್ತಿ ಇದರಲ್ಲಿದೆ. ಚರ್ಮಕ್ಕೆ ರಕ್ತ ಹರಿವನ್ನು ಸುಧಾರಿಸುವ ಮೂಲಕ ವಯಸ್ಸಿನ ಲಕ್ಷಣಗಳನ್ನು ಸಹ ಕಡಿಮೆ ಮಾಡಬಹುದು.
ತೂಕ ನಿಯಂತ್ರಣ: ಮಧ್ಯಮ ಪ್ರಮಾಣದಲ್ಲಿ ಸೇವಿಸಿದರೆ ತೂಕ ನಷ್ಟಕ್ಕೆ ಸಹಾಯ ಮಾಡುತ್ತದೆ. ಜಂಕ್ ಫುಡ್‌ನ್ನು ತಪ್ಪಿಸಿ ಡಾರ್ಕ್ ಚಾಕೊಲೇಟ್ ಸೇವಿಸುವುದು ಒತ್ತಡವನ್ನು ಕಡಿಮೆ ಮಾಡಿ ಮಾನಸಿಕ ಆರೋಗ್ಯಕ್ಕೂ ಸಹಕಾರಿಯಾಗಬಹುದು.
ಸ್ವಲ್ಪ ಪ್ರಮಾಣದಲ್ಲಿ ಡಾರ್ಕ್ ಚಾಕೊಲೇಟ್ ಸೇವಿಸುವುದರಿಂದ ದೇಹಕ್ಕೂ ಮನಸ್ಸಿಗೂ ಉತ್ತಮ ಪ್ರಯೋಜನಗಳು ಸಿಗುತ್ತವೆ. ಆದರೆ ಯಾವಾಗಲೂ ಮಿತಿಮೀರಿ ಸೇವಿಸದಿರುವುದು ಉತ್ತಮ.
