Hubli, Dharwad : ಬುಧವಾರ ರಾಜ್ಯದಲ್ಲಿ ಮಹಾರಾಷ್ಟ್ರ ಏಕೀಕರಣ ಸಮಿತಿ(MES) ಮತ್ತು ಶಿವಸೇನೆ (Shiv Sena) ನಿಷೇಧಿಸಬೇಕು ಎಂದು ಆಗ್ರಹಿಸಿ ಕರ್ನಾಟಕ ನವ ನಿರ್ಮಾಣ ವೇದಿಕೆ (Karnataka Nava Nirmana Vedike) ಕಾರ್ಯಕರ್ತರು ತಹಶೀಲ್ದಾರ್‌ ಕಚೇರಿ ಅಧಿಕಾರಿಗೆ ಮನವಿ ಸಲ್ಲಿಸಿದರು.
ಎಂಇಎಸ್‌ ಮತ್ತು ಶಿವಸೇನೆಯ ಪುಂಡಾಟ ಇತ್ತೀಚೆಗೆ ಪದೇ ಪದೇ ಕನ್ನಡಿಗರ ಮೇಲೆ ದಬ್ಬಾಳಿಕೆ ನಡೆಸುತ್ತ, ಭಾವನೆಗೆ ಧಕ್ಕೆ ತರುವ ಕೃತ್ಯ ನಡೆಸುತ್ತಿದ್ದಾರೆ. ಇವರ ಪುಂಡಾಟಿಕೆ ರಾಜ್ಯದಲ್ಲಿ ಮಿತಿ ಮೀರುತ್ತಿದ್ದು, ಅದಕ್ಕೆ ಕಡಿವಾಣ ಹಾಕಬೇಕಿದೆ. ನಾಡ ದ್ರೋಹಿಗಳಾದ ಅವರನ್ನು ರಾಜ್ಯದಿಂದ ಗಡಿಪಾರು ಮಾಡಬೇಕು. ಅಲ್ಲದೆ, ಅವರಿಗೆ ಬೆನ್ನೆಲುಬಾಗಿ ಇರುವವರನ್ನು ಸಹ ಪತ್ತೆ ಹಚ್ಚಿ ಕಠಿಣ ಶಿಕ್ಷೆಗೆ ಒಳಪಡಿಸಬೇಕು ಎಂದು ಮನವಿಯಲ್ಲಿ ತಿಳಿಸಿದ್ದಾರೆ.
ರಾಮಚಂದ್ರ ಕುಲಕರ್ಣಿ, ನೀಲಕಂಠ ತಡಸಮಠ, ಸಂಗಮೇಶ್ವರ ಐವಳ್ಳಿ, ಸಿದ್ದು ಹಿರೇಮಠ, ರೇಣುಕಾ ಕಮತರ, ನಿರ್ಮಲಾ ಅಂಗಡಿ, ಮನೋಹರ ಜಮಖಂಡಿ, ಈರಪ್ಪ ಎಮ್ಮಿ, ಸುರೇಶ ಖಾನಾಪುರ ಮತ್ತಿತ್ತರರು ಉಪಸ್ಥಿತರಿದ್ದರು.
