ಭಾರತ ಮತ್ತು ಅಮೆರಿಕದ ನಡುವಿನ ದ್ವಿಪಕ್ಷೀಯ ವ್ಯಾಪಾರ ಒಪ್ಪಂದದ (India-US trade) ಮಾತುಕತೆಗಳು ಸುದೀರ್ಘವಾಗಿ ಮುಂದುವರೆದಿವೆ. ಶೀಘ್ರದಲ್ಲೇ ಅಮೆರಿಕದ ಅಧಿಕಾರಿಗಳ ತಂಡ ಭಾರತಕ್ಕೆ ಭೇಟಿ ನೀಡಿ, ಮುಂದಿನ ಸುತ್ತಿನ ಮಾತುಕತೆ ನಡೆಸಲು ಸಾಧ್ಯತೆ ಇದೆ.
ಭಾರತವು ತನ್ನ ಮೇಲೆ ವಿಧಿಸಲಾದ 26% ಸುಂಕವನ್ನು ಅಮೆರಿಕದಿಂದ ತೆಗೆದುಹಾಕುವಂತೆ ಒತ್ತಡ ಹೇರುತ್ತಿದೆ. ಜುಲೈ 9 ರೊಳಗೆ ಮಧ್ಯಂತರ ಒಪ್ಪಂದ ಸಾಧ್ಯತೆ ಇದ್ದು, ಇದಕ್ಕಾಗಿ ಅಮೆರಿಕದ ಅಧಿಕಾರಿಗಳು ಭಾರತಕ್ಕೆ ಭೇಟಿ ನೀಡುತ್ತಿದ್ದಾರೆ.
ಇತ್ತೀಚೆಗೆ, ಭಾರತೀಯ ವಾಣಿಜ್ಯ ಸಚಿವಾಲಯದ ಕಾರ್ಯದರ್ಶಿ ರಾಜೇಶ್ ಅಗರ್ವಾಲ್ ಅಮೆರಿಕಕ್ಕೆ ಭೇಟಿ ನೀಡಿ ಸಮಾಲೋಚನೆ ನಡೆಸಿದರು. ಕೇಂದ್ರ ವಾಣಿಜ್ಯ ಮತ್ತು ಕೈಗಾರಿಕಾ ಸಚಿವ ಪಿಯೂಷ್ ಗೋಯಲ್ ಅಮೆರಿಕದ ವಾಣಿಜ್ಯ ಕಾರ್ಯದರ್ಶಿ ಹೊವಾರ್ಡ್ ಲುಟ್ನಿಕ್ ಅವರನ್ನು ಭೇಟಿಯಾದರು.
ಅಮೆರಿಕವು ಭಾರತೀಯ ಸರಕುಗಳ ಮೇಲೆ 26% ಸುಂಕ ವಿಧಿಸಿದ್ದರೂ, 90 ದಿನಗಳ ಕಾಲ (ಎಪ್ರಿಲ್ 2ರಿಂದ ಜುಲೈ 9ರವರೆಗೆ) ತಾತ್ಕಾಲಿಕವಾಗಿ ಅದನ್ನು ನಿಲ್ಲಿಸಿದೆ. ಆದರೆ 10% ಮೂಲ ಸುಂಕ ಇನ್ನು ಕೂಡ ಇದೆ.
ಟ್ರಂಪ್ ಆಡಳಿತವು ಪರಸ್ಪರ ಸುಂಕಗಳನ್ನು ತೆಗೆದುಹಾಕಲು ಮುಂದಾಗಿದೆ ಮತ್ತು ಸೆಪ್ಟೆಂಬರ್-ಅಕ್ಟೋಬರ್ 2025 ರೊಳಗೆ ಒಪ್ಪಂದದ ಮೊದಲ ಹಂತ ಅಂತಿಮಗೊಳಿಸುವ ಗುರಿಯಿದೆ.
2024-25ರಲ್ಲಿ ಅಮೆರಿಕವು ಭಾರತಕ್ಕೆ ನಾಲ್ಕನೇ ಅತಿದೊಡ್ಡ ವ್ಯಾಪಾರ ಪಾಲುದಾರನೆಂಬ ಸ್ಥಾನವನ್ನು ಕಾಯ್ದುಕೊಂಡಿದ್ದು, ಇಬ್ಬರ ಮಧ್ಯೆ ವ್ಯಾಪಾರ 131.84 ಬಿಲಿಯನ್ ಡಾಲರ್ ಇದೆ. ಅಮೆರಿಕವು ಭಾರತ ಸರಕು ರಫ್ತಿಗೆ 18% ಪಾಲು ಹೊಂದಿದೆ.
2024-25 ರಲ್ಲಿ ಭಾರತ-ಅಮೆರಿಕದ ವ್ಯಾಪಾರ 41.18 ಬಿಲಿಯನ್ ಡಾಲರ್ ಹೆಚ್ಚಾಗಿದೆ. ಅಮೆರಿಕ ಈ ವ್ಯಾಪಾರ ಕೊರತೆಯನ್ನು ಕಡಿಮೆ ಮಾಡಲು ಸುಂಕಗಳನ್ನು ಜಾರಿಗೆ ತಂದಿದ್ದು, ಮಾತುಕತೆಗಳು ಈ ವಿಷಯದ ಮೇಲೆ ಕೇಂದ್ರೀಕರಿಸುತ್ತಿವೆ.
