ನ್ಯೂಯಾರ್ಕ್ ಮೂಲದ ಖ್ಯಾತ ರೀಟೇಲ್ ಕಂಪನಿ Walmart ನ ಗ್ಲೋಬಲ್ ಸಿಇಒ ಮತ್ತು ಅಧ್ಯಕ್ಷ ಡೌಗ್ ಮೆಕ್ಮಿಲನ್ (Walmart CEO Doug McMillon) ಅವರು ಭಾರತದ ಆರ್ಥಿಕ ಪ್ರಗತಿಯನ್ನು ಮೆಚ್ಚಿದ್ದಾರೆ. ಅವರು “ಇಷ್ಟು ದೊಡ್ಡ ಆರ್ಥಿಕತೆ ಇಷ್ಟು ವೇಗದಲ್ಲಿ ಬೆಳೆಯುವುದು ಅತ್ಯಂತ ಅಪರೂಪ” ಎಂದು ಹೇಳಿದ್ದಾರೆ.
McMillon ಅವರ ಪ್ರಕಾರ, Walmart ಭಾರತದಲ್ಲಿ ಫ್ಲಿಪ್ಕಾರ್ಟ್ ಮತ್ತು ಫೋನ್ಪೇ ಸಂಸ್ಥೆಗಳನ್ನು ಖರೀದಿ ಮಾಡಿದ ಬಳಿಕ, ಇಲ್ಲಿ ನಾನಾ ರೀತಿಯಲ್ಲಿ ಕಲಿತಿದೆ. ಈ ದೇಶದಿಂದ ವಾಲ್ಮಾರ್ಟ್ ವರ್ಷಕ್ಕೆ 10 ಬಿಲಿಯನ್ ಡಾಲರ್ ಆದಾಯ ಗಳಿಸುವ ಗುರಿ ಹೊಂದಿದೆ.
ಭಾರತದ ಪ್ರವಾಸದ ಅನುಭವವನ್ನು ಹಂಚಿಕೊಂಡ McMillon, “ಇಲ್ಲಿ ಏನು ನಡೆಯುತ್ತಿದೆ ಎಂಬುದು ಒಮ್ಮೆ ಬಂದು ನೋಡಿದರೆ ಗೊತ್ತಾಗುತ್ತದೆ. ನಾನು ಭಾರತಕ್ಕೆ ಹಲವು ಬಾರಿ ಬಂದಿದ್ದೇನೆ. ಭಾರತೀಯ ಆರ್ಥಿಕತೆ ಹೇಗೆ ಬೆಳೆಯುತ್ತಿದೆ ಎಂಬುದು ಸ್ಪಷ್ಟವಾಗಿ ಕಾಣುತ್ತದೆ,” ಎಂದು ಹೇಳಿದರು.
ಅವರು ಮುಂದಾಗಿ, “ಭಾರತದಲ್ಲಿ ಉದ್ಯಮಶೀಲತೆ ಜೋರಾಗಿದೆ. ಈ ಮಟ್ಟದ ಆರ್ಥಿಕತೆಯು ಇಂತಹ ವೇಗದಲ್ಲಿ ಬೆಳೆಯುವುದು, ಇದು ಬಹಳ ಅಪರೂಪ. ಇದರೊಂದಿಗೆ ಅನೇಕ ಹೊಸ ಅವಕಾಶಗಳೂ ಮೂಡುತ್ತಿವೆ,” ಎಂದು ಅಭಿಪ್ರಾಯಪಟ್ಟರು.
ಫ್ಲಿಪ್ಕಾರ್ಟ್ ಮತ್ತು ಫೋನ್ಪೇನಿಂದ Walmart ನಾವೀನ್ಯತೆ, ಗ್ರಾಹಕರಿಗೆ ವೇಗವಾಗಿ ಸೇವೆ ನೀಡುವುದು, ಇಕಾಮರ್ಸ್ ಮಾರುಕಟ್ಟೆ ಅಭಿವೃದ್ಧಿಪಡಿಸುವುದು ಹೀಗೆ ಅನೇಕ ವಿಷಯಗಳನ್ನು ಕಲಿತಿದೆ ಎಂದಿದ್ದಾರೆ.
McMillon ಹಳೆಯ ಕಾಲದ ಬಗ್ಗೆ ನೆನೆಸುತ್ತಾ, “ಪ್ರಾರಂಭದಲ್ಲಿ ನಾವು ಭಾರತದಿಂದ ಉತ್ಪನ್ನಗಳನ್ನು ಮಾತ್ರ ಆಮದು ಮಾಡುತ್ತಿದ್ದೆವು. ಈಗ ನಮ್ಮ ವ್ಯವಹಾರ ಸಾಕಷ್ಟು ವಿಸ್ತಾರವಾಗಿದೆ. ವರ್ಷಕ್ಕೆ 10 ಬಿಲಿಯನ್ ಡಾಲರ್ ಗಳಿಸುವ ಗುರಿಯನ್ನು ನಿಗದಿಪಡಿಸಿದ್ದೇವೆ. ಇದೊಂದು ದೊಡ್ಡ ಗುರಿ, ಆದರೆ ನಾವು ಅದನ್ನು ಸಾಧಿಸಲು ಕಠಿಣವಾಗಿ ಕೆಲಸ ಮಾಡುತ್ತಿದ್ದೇವೆ,” ಎಂದು ಹೇಳಿದರು.
