Copenhagen (Denmark): ಭಾರತ ವಿದೇಶಾಂಗ ಸಚಿವ ಎಸ್. ಜೈಶಂಕರ್ ಅವರು ಡೆನ್ಮಾರ್ಕ್ (Denmark) ಪ್ರಧಾನಿ ಮೆಟ್ಟೆ ಫ್ರೆಡೆರಿಕ್ಸೆನ್ ಅವರನ್ನು ಭೇಟಿಯಾಗಿ, ಭಯೋತ್ಪಾದನೆ ವಿರುದ್ಧದ ಹೋರಾಟದಲ್ಲಿ ಡೆನ್ಮಾರ್ಕ್ ನೀಡುತ್ತಿರುವ ಬೆಂಬಲಕ್ಕಾಗಿ ಧನ್ಯವಾದ ತಿಳಿಸಿದ್ದಾರೆ.
ಜೈಶಂಕರ್ ಅವರು ನೆದರ್ಲ್ಯಾಂಡ್ಸ್, ಜರ್ಮನಿ ಮತ್ತು ಡೆನ್ಮಾರ್ಕ್ ದೇಶಗಳಿಗೆ ಪ್ರವಾಸ ಕೈಗೊಂಡಿದ್ದು, ಮಂಗಳವಾರ ಸಂಜೆ ಕೋಪನ್‌ಹೆಗನ್‌ಗೆ ಆಗಮಿಸಿದರು. ಈ ಭೇಟಿಯ ಕುರಿತು ಎಕ್ಸ್ (ಹಳೆಯ ಟ್ವಿಟರ್) ಖಾತೆಯಲ್ಲಿ ಬರೆದು, “ಆತ್ಮೀಯ ಸ್ವಾಗತಕ್ಕೆ ಧನ್ಯವಾದ” ಎಂದು ಪ್ರಧಾನಿಗೆ ಕೃತಜ್ಞತೆ ಸಲ್ಲಿಸಿದ್ದಾರೆ.
ಸಭೆಯ ಸಂದರ್ಭದಲ್ಲಿ, ಪ್ರಧಾನಮಂತ್ರಿ ನರೇಂದ್ರ ಮೋದಿ ಅವರು ಡೆನ್ಮಾರ್ಕ್ ನೀಡಿರುವ ಭದ್ರ ಬೆಂಬಲಕ್ಕೆ ವೈಯಕ್ತಿಕ ಧನ್ಯವಾದಗಳನ್ನು ಜೈಶಂಕರ್ ಅವರ ಮೂಲಕ ಹಂಚಿಸಿದ್ದಾರೆ.
ಇದೇ ವೇಳೆ, ಜೈಶಂಕರ್ ಅವರು ಭಾರತ–ಡೆನ್ಮಾರ್ಕ್ ನಡುವೆ ಇರುವ ಸ್ನೇಹಪೂರ್ಣ ಪಾಲುದಾರಿಕೆಯನ್ನು ಮತ್ತಷ್ಟು ಬಲಪಡಿಸಲು ಪ್ರಧಾನಿ ಫ್ರೆಡೆರಿಕ್ಸೆನ್ ಅವರ ನಾಯಕತ್ವ ಶ್ಲಾಘಿಸಿದರು. “ಹಸಿರು ತಂತ್ರಜ್ಞಾನದ ಸಹಕಾರ ಮುಂದುವರಿಸಲು ಮತ್ತು ಜಾಗತಿಕ ಸಮಸ್ಯೆಗಳಿಗೆ ಸೇರಿ ಪರಿಹಾರ ಕಂಡುಕೊಳ್ಳಲು ಅವರ ಮಾರ್ಗದರ್ಶನ ಮುಖ್ಯವಾಗಿದೆ” ಎಂದು ಅವರು ತಮ್ಮ ಪೋಸ್ಟ್‌ನಲ್ಲಿ ಉಲ್ಲೇಖಿಸಿದ್ದಾರೆ.
