Mangaluru: ಕೇರಳದಿಂದ (Kerala) ಮಂಗಳೂರಿಗೆ ಒಳಚರಂಡಿ ತ್ಯಾಜ್ಯವನ್ನು ತರಲಾಗುತ್ತಿದೆ ಎಂಬ ವಿಷಯವನ್ನು ವರದಿ ಮಾಡಿತ್ತು. ಈ ಸುದ್ದಿಯ ಬೆನ್ನಲ್ಲೇ, ಮುಖ್ಯಮಂತ್ರಿಗಳ ಕಚೇರಿಯಿಂದ ಮಂಗಳೂರು ಮಹಾನಗರ ಪಾಲಿಕೆಗೆ (Mangaluru Municipal Corporation) ತಕ್ಷಣದ ಕ್ರಮಕ್ಕೆ ಸೂಚನೆ ನೀಡಲಾಗಿದೆ. ಪಾಲಿಕೆ ಈಗಾಗಲೇ ದಂಡ ವಿಧಿಸಿದ್ದು, ಪೊಲೀಸರು ಕೂಡಾ ಪ್ರಕರಣ ದಾಖಲಿಸಿಕೊಂಡಿದ್ದಾರೆ.
ಮಂಗಳೂರು ಗಡಿಯಿಂದ ಕೇರಳದ ಖಾಸಗಿ ಟ್ಯಾಂಕರ್‌ಗಳು ತ್ಯಾಜ್ಯ ನೀರನ್ನು ನಗರದಲ್ಲಿ ಸುರಿಯುತ್ತಿದ್ದರು. ಇದನ್ನು ಗಮನಿಸಿದ ಪಾಲಿಕೆ ಅಧಿಕಾರಿಗಳು ಕಾರ್ಯಾಚರಣೆ ನಡೆಸಿ, ಆರೋಪಿಗಳನ್ನು ಸ್ಥಳದಲ್ಲಿಯೇ ಬಂಧಿಸಿದರು. ತಲಪಾಡಿ ಟೋಲ್ ಗೇಟ್ ಮೂಲಕ ಪ್ರವೇಶಿಸಿದ ಟ್ಯಾಂಕರ್‌ಗಳು ಮಣ್ಣಗುಡ್ಡೆ ಪ್ರದೇಶದಲ್ಲಿ ತ್ಯಾಜ್ಯವನ್ನು ಸ್ಥಳೀಯ ಸೀವೇಜ್ ಟ್ಯಾಂಕ್‌ಗೆ ವರ್ಗಾಯಿಸುತ್ತಿದ್ದವು.
ಪಾಲಿಕೆಯ ಕ್ರಮ
- ಪಾಲಿಕೆ ಅಧಿಕಾರಿಗಳು ಪ್ರಕರಣವನ್ನು ಸ್ಥಳೀಯ ಬರ್ಕೆ ಪೊಲೀಸ್ ಠಾಣೆಗೆ ವರದಿ ಮಾಡಿದ್ದಾರೆ.
- ತಪ್ಪಿತಸ್ಥ ಟ್ಯಾಂಕರ್‌ಗಳಿಗೆ ತಲಾ ₹10,000 ದಂಡ ವಿಧಿಸಲಾಗಿದೆ.
- ಕೇರಳದಲ್ಲಿ ತ್ಯಾಜ್ಯ ವಿಲೇವಾರಿ ತೊಂದರೆಗೀಡಾಗಿರುವ ಕಾರಣ ಈ ದಂಧೆ ನಡೆದಿರುವ ಸಾಧ್ಯತೆ ಇದೆ.
ಮುಂದೆ ಇಂತಹ ಘಟನೆಗಳು ನಡೆಯದಂತೆ ಕಠಿಣ ಕ್ರಮ ಕೈಗೊಳ್ಳಲಾಗುವುದು ಎಂದು ಮಂಗಳೂರು ಪಾಲಿಕೆ ಆಯುಕ್ತರು ತಿಳಿಸಿದ್ದಾರೆ.
