ಕಿಯಾ ಕಂಪನಿಯ EV6 facelift ಮಾದರಿ ಭಾರತೀಯ ಮಾರುಕಟ್ಟೆಗೆ ಲಗ್ಗೆಯಿಟ್ಟಿದೆ. ಹೊಸ ಮಾದರಿಯು ಹೆಚ್ಚಿನ ಸಾಮರ್ಥ್ಯದ ಬ್ಯಾಟರಿ ಹಾಗೂ ಸುಧಾರಿತ ವೈಶಿಷ್ಟ್ಯಗಳೊಂದಿಗೆ ಬಂದಿದೆ. ಇದರ ಪ್ರಾರಂಭಿಕ ಬೆಲೆ ₹65.9 ಲಕ್ಷ (ಎಕ್ಸ್-ಶೋ ರೂಂ).
ಪವರ್ ಮತ್ತು ವೇಗ: EV6 AWD GT-ಲೈನ್ ರೂಪದಲ್ಲಿ ಲಭ್ಯವಿದ್ದು, ಎರಡು ಎಲೆಕ್ಟ್ರಿಕ್ ಮೋಟಾರ್‌ಗಳನ್ನು ಹೊಂದಿದೆ. ಈ ಮೋಟಾರ್ 325 ಹೆಚ್ಪಿ ಪವರ್ ಮತ್ತು 605 ಎನ್ಎಂ ಟಾರ್ಕ್ ಉತ್ಪಾದಿಸುತ್ತದೆ. 0 ರಿಂದ 100 ಕಿ.ಮೀ ವೇಗವನ್ನು ಕೇವಲ 5.3 ಸೆಕೆಂಡುಗಳಲ್ಲಿ ತಲುಪಬಲ್ಲದು.
ರೇಂಜ್ ಮತ್ತು ಬ್ಯಾಟರಿ: ಹೊಸ EV6 ನಲ್ಲಿ 84 kWh ನಿಕಲ್-ಮ್ಯಾಂಗನೀಸ್-ಕೋಬಾಲ್ಟ್ ಬ್ಯಾಟರಿ ಪ್ಯಾಕ್ ಅಳವಡಿಸಲಾಗಿದೆ. ಈ ಕಾರು ಒಂದು ಬಾರಿ ಪೂರ್ಣ ಚಾರ್ಜ್ ಮಾಡಿದರೆ 663 ಕಿ.ಮೀ ಪ್ರಯಾಣಿಸಬಹುದು. ಹಳೆಯ ಮಾದರಿಗಿಂತ 8% ಹೆಚ್ಚಿನ ಪವರ್ ನೀಡುತ್ತದೆ.
ಚಾರ್ಜಿಂಗ್ ಸಮಯ: 350 kW DC ಚಾರ್ಜರ್ ಬಳಸಿ, ಈ ಕಾರನ್ನು ಕೇವಲ 18 ನಿಮಿಷಗಳಲ್ಲಿ 10%-80% ವರೆಗೆ ಚಾರ್ಜ್ ಮಾಡಬಹುದು. 50 kW DC ಚಾರ್ಜರ್ ಬಳಸಿದರೆ ಪೂರ್ಣ ಚಾರ್ಜ್ ಆಗಲು 73 ನಿಮಿಷ ಬೇಕಾಗುತ್ತದೆ. ಕಿಯಾ EV6 ಭಾರತದ ಐಷಾರಾಮಿ ಎಲೆಕ್ಟ್ರಿಕ್ ಕಾರು ಸೆಗ್ಮೆಂಟ್‌ನಲ್ಲಿ ಹೊಸ ಆಯ್ಕೆ ನೀಡಿದ್ದು, ಸುವಿಧೆ, ಶಕ್ತಿಯುತ ಪ್ರದರ್ಶನ ಮತ್ತು ಹೆಚ್ಚಿನ ರೇಂಜ್ ಅನ್ನು ಒದಗಿಸುತ್ತದೆ.
