ಬೆಂಗಳೂರು: ವಾಟ್ಸ್ಆ್ಯಪ್ (WhatsApp) ಪ್ರಪಂಚದಾದ್ಯಂತ ಅತಿ ಹೆಚ್ಚು ಬಳಕೆಯಾಗುವ ಇನ್ಸ್ಟೆಂಟ್ ಮೆಸೇಜಿಂಗ್ ಆಪ್ ಆಗಿದ್ದು, 3.5 ಶತಕೋಟಿಗೂ ಹೆಚ್ಚು ಜನರು ಇದನ್ನು ಬಳಸುತ್ತಾರೆ. ಇದರ ಸುಲಭ ಇಂಟರ್ಫೇಸ್ ಮತ್ತು ಸುರಕ್ಷತಾ ವೈಶಿಷ್ಟ್ಯಗಳು ಬಳಕೆದಾರರನ್ನು ತಲುಪಿಸಲು ನೆರವಾಗಿವೆ. ವಾಟ್ಸ್ಆ್ಯಪ್ ತನ್ನ ಬಳಕೆದಾರರ ಅನುಕೂಲಕ್ಕಾಗಿ ಹೊಸ ಅಪ್ಡೇಟ್ಗಳನ್ನು ನಿರಂತರವಾಗಿ ಪರಿಚಯಿಸುತ್ತದೆ. ಈ ಬಾರಿ, ವಾಟ್ಸ್ಆ್ಯಪ್ ಇನ್ನೊಂದು ಅದ್ಭುತ ವೈಶಿಷ್ಟ್ಯವನ್ನು ಪರಿಚಯಿಸಿದೆ.
WhatsApp Web ನಲ್ಲಿ ಧ್ವನಿ ಮತ್ತು ವಿಡಿಯೋ ಕರೆ: ವಾಟ್ಸ್ಆ್ಯಪ್ ಬಳಕೆದಾರರು ಈಗ ತಮ್ಮ ಲ್ಯಾಪ್ಟಾಪ್ ಅಥವಾ ಡೆಸ್ಕ್ಟಾಪ್‍ನಲ್ಲಿಯೂ ಧ್ವನಿ ಮತ್ತು ವಿಡಿಯೋ ಕರೆಗಳನ್ನು ಮಾಡಬಹುದಾಗಿವೆ. ಇದಕ್ಕೆ ಮೊದಲು, ಸ್ಮಾರ್ಟ್ಫೋನಿನಲ್ಲಿ ಮಾತ್ರ ಈ ಕರೆಗಳು ಸಾಧ್ಯವಾಗುತ್ತಿದ್ದವು. ಆದರೆ ಈಗ, ವೆಬ್ ಬಳಕೆದಾರರು ಯಾವುದೇ ಅಪ್ಲಿಕೇಶನ್ ಡೌನ್ಲೋಡ್ ಮಾಡುವ ಅಗತ್ಯವಿಲ್ಲದೆ ನೇರವಾಗಿ ವಾಟ್ಸ್ಆ್ಯಪ್ ವೆಬ್‌ನಲ್ಲಿ ಧ್ವನಿ ಮತ್ತು ವಿಡಿಯೋ ಕರೆಗಳನ್ನು ಮಾಡಬಹುದು. ಇದು ಹೆಚ್ಚಿನ ಬಳಕೆದಾರರಿಗೆ ಸುಲಭವಾಗಿರುತ್ತದೆ.
ನೂತನ ವೈಶಿಷ್ಟ್ಯ WABetaInfo ನಲ್ಲಿ: WABetaInfo ವೆಬ್ಸೈಟ್‌ನ ಪ್ರಕಾರ, ಈ ಹೊಸ ವೈಶಿಷ್ಟ್ಯವು ಇತ್ತೀಚಿನ ಬೀಟಾ ಆವೃತ್ತಿಯಲ್ಲಿ ಗುರುತಿಸಲಾಗಿದೆ. ಕಂಪನಿ ಈ ವೈಶಿಷ್ಟ್ಯವನ್ನು ಪರೀಕ್ಷಿಸುತ್ತಿದ್ದು, ಶೀಘ್ರದಲ್ಲೇ ಅದು ಸಾಮಾನ್ಯ ಬಳಕೆದಾರರಿಗೆ ಲಭ್ಯವಿರಲಿದೆ. ಅದಾದ ಮೇಲೆ, ಬಳಕೆದಾರರು ತಮ್ಮ ಬ್ರೌಸರ್ನಿಂದ ನೇರವಾಗಿ ಧ್ವನಿ ಮತ್ತು ವಿಡಿಯೋ ಕರೆಗಳನ್ನು ಆರಂಭಿಸಬಹುದು.
ವಾಟ್ಸ್ಆ್ಯಪ್‌ನ ಹೊಸ ಗೌಪ್ಯತೆ ವೈಶಿಷ್ಟ್ಯ: ವಾಟ್ಸ್ಆ್ಯಪ್ ತನ್ನ ಬಳಕೆದಾರರ ಸುರಕ್ಷತೆಗಾಗಿ “ಅಡ್ವಾನ್ಸ್ಡ್ ಚಾಟ್ ಪ್ರೈವಸಿ” ಎಂಬ ಹೊಸ ವೈಶಿಷ್ಟ್ಯವನ್ನು ಪರಿಚಯಿಸಿದೆ. ಇದರ ಮೂಲಕ, ಬಳಕೆದಾರರು ತಮ್ಮ ಚಾಟ್ ಗಳನ್ನು ಎಕ್ಸ್ಪೊರ್ಟ್ ಮಾಡುವುದನ್ನು ತಡೆಯಬಹುದು. ಇದು ಖಾಸಗಿ ಚಾಟ್‌ಗಳಿಗೆ ಹೆಚ್ಚಿದ ಸುರಕ್ಷತೆ ನೀಡುತ್ತದೆ.
