ಬೆಂಗಗಳೂರು ನಗರದ ಚಾಮರಾಜಪೇಟೆಯ ಐತಿಹಾಸಿಕ ಬಿನ್ನಿ ಮಿಲ್ ಮೈದಾನದಲ್ಲಿ ವಿಶ್ವಪ್ರಸಿದ್ಧ ನಯಾಗಾರಾ ಜಲಪಾತದ (Niagara Falls) 200 ಅಡಿ ಉದ್ದ ಮತ್ತು 25 ಅಡಿ ಎತ್ತರದ ಪ್ರತಿಕೃತಿ ನಿರ್ಮಾಣಗೊಂಡಿದೆ. ನೈಸರ್ಗಿಕ ಆಕರ್ಷಣೆಯ ಸೌಂದರ್ಯವನ್ನು ಪುನರುತ್ಪಾದಿಸುವ ಈ ಶಿಲ್ಪಕೃತಿ ಜನಮನ ಸೂರೆಗೊಳ್ಳುತ್ತಿದೆ.
ಈ ಜಲಪಾತದ ವೈಶಿಷ್ಟ್ಯವೆಂದರೆ, ಪ್ರತಿ ಗಂಟೆಗೆ 1 ಲಕ್ಷ ಲೀಟರ್ ನೀರನ್ನು ಪಂಪ್ ಮಾಡಲಾಗುತ್ತಿದ್ದು, ಬೋರ್ಗರೆವ ನೀರಿನ ಧಾರೆಯೊಂದಿಗೆ ಬಹುಬಣ್ಣದ ಬೆಳಕುಗಳು ಅದನ್ನು ಮತ್ತಷ್ಟು ವೀಕ್ಷಣೀಯಗೊಳಿಸುತ್ತವೆ. ದೀಪಗಳ ತಳಹದಿಯಲ್ಲಿ ಮಂಜು ಮತ್ತು ನೀರಿನ ಧಾರೆಗಳ ಸಮಾನ್ವಯ, ನೋಡುಗರಿಗೆ ನೈಜ ನಯಾಗಾರಾದ ಅನುಭವವನ್ನು ನೀಡುತ್ತದೆ.
ಈ ಅದ್ಭುತ ಜಲಪಾತದ ಜೊತೆಗೆ ‘ಫ್ಯಾಮಿಲಿ ಫೇರ್’ ಕೂಡ ಪ್ರಾರಂಭಗೊಂಡಿದ್ದು, ಮಾರ್ಚ್ 28 ರಿಂದ ಜೂನ್ 1ರವರೆಗೆ ನಡೆಯಲಿದೆ. ಇದರಲ್ಲಿ ರೋಬೋಟಿಕ್ ಬಟರ್ಫ್ಲೈ ಪಾರ್ಕ್, ಲೈವ್ ಪ್ರದರ್ಶನಗಳು, ಸಂಗೀತ, ನೃತ್ಯ ಮತ್ತು ಸಾಂಸ್ಕೃತಿಕ ಕಾರ್ಯಕ್ರಮಗಳ ಮೇಳವನ್ನು ಮನರಂಜನೆಯ ಭಾಗವಾಗಿ ಕಾಣಬಹುದು.
ಸಂಜೆ 4 ರಿಂದ ರಾತ್ರಿ 9 ರವರೆಗೆ ನಡೆಯುವ ಈ ಉತ್ಸವದಲ್ಲಿ ಇಡೀ ಕುಟುಂಬದವರು ಒಂದಾಗಿ ಮೋಜು ಮಾಡಬಹುದು. ವಿಶಿಷ್ಟ ಸೆಲ್ಫಿ ಸ್ಪಾಟ್ ಗಳು, ವೀಕ್ಷಣಾ ಡೆಕ್ಕುಗಳು ಮತ್ತು ವಿವಿಧ ಆಕರ್ಷಣೆಗಳೊಂದಿಗೆ, ಈ ಅನನ್ಯ ಅನುಭವ ನಿಮ್ಮ ನೆನಪುಗಳಲ್ಲಿ ಸದಾ ಉಳಿಯಲಿದೆ!
