ಮ್ಯಾಂಚೆಸ್ಟರ್‌ನಲ್ಲಿರುವ ಆಂಡರ್ಸನ್-ತೆಂಡೂಲ್ಕರ್ ಟ್ರೋಫಿಯ ನಾಲ್ಕನೇ ಟೆಸ್ಟ್ ಪಂದ್ಯದಲ್ಲಿ ಭಾರತ ಮೊದಲ ದಿನ 4 ವಿಕೆಟ್ ನಷ್ಟಕ್ಕೆ 264 ರನ್ ಗಳಿಸಿದೆ. ಆರಂಭದಲ್ಲಿ ಭಾರತ 94 ರನ್ ಗಳಿಸಿದರೂ, ಬಳಿಕ 140 ರನ್‌ಗಳಿಗೆ 3 ವಿಕೆಟ್ ಕಳೆದುಕೊಂಡು ಬಿಕ್ಕಟ್ಟಿಗೆ ಒಳಗಾಯಿತು. ಆರಂಭಿಕ ಆಟಗಾರರಲ್ಲಿ ಜೈಸ್ವಾಲ್ ಮಾತ್ರ ಅರ್ಧಶತಕ (58 ರನ್) ಗಳಿಸಿದರು. ನಾಯಕ ಶುಭ್ಮನ್ ಗಿಲ್ ಕೇವಲ 12 ರನ್ಗಳಿಸಿ ನಿರ್ಗಮಿಸಿದ್ದಾರೆ.
ಈ ಸಂದರ್ಭದಲ್ಲಿ ಸಾಯಿ ಸುದರ್ಶನ್ ಹಾಗೂ ರಿಷಭ್ ಪಂತ್ (Rishabh Pant) ಉತ್ತಮ ಜೊತೆಯಾಟ ನೀಡಿದ್ರು. ಪಂತ್ 37 ರನ್ ಗಳಿಸುತ್ತಿದ್ದಾಗ ಕಾಲಿಗೆ ಗಾಯವಾದ ಕಾರಣ ಅರೆಮಾರ್ಗದಲ್ಲೇ ಮೈದಾನ ಬಿಟ್ಟರು. ಆದರೂ ಅವರು ಇತಿಹಾಸ ನಿರ್ಮಿಸಿದರು.
ಪಂತ್ ಸಾಧನೆ: ಪಂತ್ 19 ರನ್ ಗಳಿಸಿದ ಕ್ಷಣದಲ್ಲೇ ಇಂಗ್ಲೆಂಡ್ ನಲ್ಲಿ 1000 ರನ್ ಪೂರ್ಣಗೊಳಿಸಿದ ಪ್ರವಾಸಿ ವಿಕೆಟ್ ಕೀಪರ್ ಎಂಬ ವಿಶ್ವದ ಮೊದಲ ಆಟಗಾರರಾದರು.
ಇತರ ಪ್ರಮುಖ ಆಟಗಾರರ ಇಂಗ್ಲೆಂಡ್‌ನಲ್ಲಿ ಸಿಕ್ಕ ರನ್‌ಗಳು
- ಎಂಎಸ್ ಧೋನಿ – 778
- ರಾಡ್ ಮಾರ್ಷ್ (ಆಸ್ಟ್ರೇಲಿಯಾ) – 773
- ಜಾನ್ ವೇಟ್ (ದಕ್ಷಿಣ ಆಫ್ರಿಕಾ) – 684
- ಇಯಾನ್ ಹೀಲಿ (ಆಸ್ಟ್ರೇಲಿಯಾ) – 624
ಈ ಮೂಲಕ ಪಂತ್ ಕ್ರಿಕೆಟ್ ಇತಿಹಾಸದಲ್ಲಿ ಹೊಸ ದಾಖಲೆ ಬರೆದಿದ್ದಾರೆ.
