ಅಬುಧಾಬಿ T10 ಕ್ರಿಕೆಟ್ ಲೀಗ್ನಲ್ಲಿ (Abu Dhabi T10 Cricket League) ಕೋಲ್ಕತ್ತಾ ನೈಟ್ ರೈಡರ್ಸ್ (Kolkata Knight Riders-KKR) ತಂಡದ ಮಾಜಿ ಬ್ಯಾಟರ್ ವಿಧ್ವಂಸಕ ಪ್ರದರ್ಶನ ತೋರಿ ಎಲ್ಲರನ್ನೂ ಬೆರಗುಗೊಳಿಸಿದ್ದಾರೆ.
ಈ ಪಂದ್ಯದಲ್ಲಿ ಟಾಸ್ ಸೋತು ಮೊದಲು ಬ್ಯಾಟ್ ಮಾಡಿದ್ದ ಅಜ್ಮನ್ ಬೋಲ್ಟ್ಸ್ (Ajman Bolts) ತಂಡ, ನಿಗದಿತ 10 ಓವರ್ಗಳಲ್ಲಿ 8 ವಿಕೆಟ್ ಕಳೆದುಕೊಂಡು 79 ರನ್ ಕಲೆ ಹಾಕಿತ್ತು.
ಅಜ್ಮನ್ ಬೋಲ್ಟ್ಸ್ (Ajman Bolts) ಪರ ಡ್ಯಾನಿಯಲ್ (22), ರವಿ ಬೊಪಾರ (23), ಶೆಹಾನ್ ಜಯಸೂರ್ಯ (10) ಹೊರತುಪಡಿಸಿ ಉಳಿದ ಬ್ಯಾಟರ್ಗಳು ಎರಡಂಕಿ ದಾಟಲು ಸಾಧ್ಯವಾಗಲಿಲ್ಲ. ಡ್ಯಾನಿಯಲ್ 10 ಎಸೆತಗಳನ್ನು ಎದುರಿಸಿ 3 ಬೌಂಡರಿ ಮತ್ತು 1 ಸಿಕ್ಸರ್ ಸಿಡಿಸಿದರೆ, ಬೊಪಾರ 3 ಬೌಂಡರಿ ಒಂದು ಸಿಕ್ಸರ್ ಸಿಡಿಸಿ ತಂಡದ ಸ್ಕೋರ್ಗೆ ಕೊಡುಗೆ ನೀಡಿದರು.
ಅಬುಧಾಬಿ ತಂಡದ ಬೌಲರ್‌ಗಳು ಮಾರ್ಕ್ ಅದೈರ್, ಜೀಶಾನ್ ನಾಸೀರ್, ಕದೀಮ್ ತಲಾ 2 ವಿಕೆಟ್ ಗಳಿಸಿದರೆ, ರೆಯಿಸ್ ಮತ್ತು ಕೇಲ್ ಮೇಯರ್ ತಲಾ 1 ವಿಕೆಟ್ ಪಡೆದರು.
ಅಜ್ಮನ್ ನೀಡಿದ ಗುರಿ ಬೆನ್ನತ್ತಿದ ಅಬುಧಾಬಿ, ಫಿಲ್ಸಾಲ್ಟ್ ಮತ್ತು ಜಾನಿ ಬೇರ್ಸ್ಟೋ ಬ್ಯಾಟಿಂಗ್ ನೆರವಿನಿಂದ 1 ವಿಕೆಟ್ ಕಳೆದುಕೊಂಡು 5.4 ಓವರ್ಗಳಲ್ಲಿ 81 ರನ್ ಸಿಡಿಸಿ ಗೆಲುವು ಸಾಧಿಸಿತು.
