ಹಣ್ಣುಗಳನ್ನು ನಿಯಮಿತವಾಗಿ ಸೇವಿಸುವುದರಿಂದ ಆರೋಗ್ಯಕ್ಕೆ ತುಂಬಾ ಒಳ್ಳೆಯದು. ಅದಕ್ಕಾಗಿಯೇ ವೈದ್ಯರು ಕೂಡ ಪ್ರತಿದಿನ ಕೆಲವು ಹಣ್ಣುಗಳನ್ನು ತಿನ್ನಲು ಸಲಹೆ ನೀಡುತ್ತಾರೆ. ಅದರಲ್ಲಿ ಪಪ್ಪಾಯಿ (Papaya) ಕೂಡ ಒಂದಾಗಿದೆ. ಯಾವುದೇ ಋತುವಿನ ಲೆಕ್ಕವಿಲ್ಲದೆ ಈ ಹಣ್ಣು ಲಭ್ಯವಿರುತ್ತದೆ. ಇದು ವಿಟಮಿನ್ ಹಾಗೂ ಮಿನರಲ್ಸ್ ಸೇರಿದಂತೆ ವಿವಿಧ ಸಮೃದ್ಧವಾದ ಪೋಷಕಾಂಶಗಳನ್ನು ಸಹ ಒಳಗೊಂಡಿವೆ. ಸಾಮಾನ್ಯವಾಗಿ ಎಲ್ಲರೂ ಪಪ್ಪಾಯಿ ಹಣ್ಣಾದ ಬಳಿಕ ತಿನ್ನುತ್ತಾರೆ. ಆದರೆ, ಪಪ್ಪಾಯಿ ಹಣ್ಣಿನ ಹಂತಕ್ಕಿಂತ ಮುನ್ನವೇ ಅಂದ್ರೆ, ಹಸಿರು ಪಪ್ಪಾಯಿಯನ್ನು (Green Papaya) ತಿನ್ನುವುದು ಆರೋಗ್ಯಕ್ಕೆ ತುಂಬಾ ಒಳ್ಳೆಯದು ಎಂದು ತಜ್ಞರು ಸಲಹೆ ನೀಡುತ್ತಾರೆ.
- ಜೀರ್ಣಕ್ರಿಯೆಗೆ ಸಹಾಯ: ಹಸಿರು ಪಪ್ಪಾಯಿಯಲ್ಲಿ ಇರುವ ಪಪೈನ್ ಎಂಬ ಕಿಣ್ವವು ಜೀರ್ಣಕ್ರಿಯೆಗೆ ಸಹಾಯ ಮಾಡುವ ಗ್ಯಾಸ್ಟ್ರಿಕ್ ಆಮ್ಲಗಳ ಸ್ರವವನ್ನು ಹೆಚ್ಚಿಸುತ್ತದೆ. ಇದು ಹೊಟ್ಟೆ ಸಂಕುಚಿತತೆ, ಗ್ಯಾಸ್ ಹಾಗೂ ಮಲಬದ್ಧತೆಯನ್ನು ನಿವಾರಣೆಗೆ ಸಹಾಯ ಮಾಡುತ್ತದೆ.
- ಕ್ಯಾನ್ಸರ್ ವಿರುದ್ಧ ರಕ್ಷಣೆ: ಹಸಿರು ಪಪ್ಪಾಯಿ ಕ್ಯಾನ್ಸರ್ ಅಪಾಯವನ್ನು ಕಡಿಮೆ ಮಾಡುವ ಶಕ್ತಿಯುತವಾದ ಲೈಕೋಪೀನ್ ಮತ್ತು ಬೀಟಾ-ಕ್ಯಾರೋಟಿನ್ ಅನ್ನು ಒಳಗೊಂಡಿದೆ. ಇದು ಜೀವಕೋಶಗಳನ್ನು ಹಾನಿಯಿಂದ ರಕ್ಷಿಸುತ್ತದೆ ಮತ್ತು ಪುರುಷರಲ್ಲಿ ಪ್ರಾಸ್ಟೇಟ್ ಹಾಗೂ ಕರುಳಿನ ಕ್ಯಾನ್ಸರ್ನ ಅಪಾಯವನ್ನು ಕಡಿಮೆ ಮಾಡುತ್ತದೆ.
- ಜಾಂಡೀಸ್ ನಿವಾರಣೆ: ಹಸಿರು ಪಪ್ಪಾಯಿ ಜಾಂಡೀಸ್ ತಡೆಗಟ್ಟಲು ಸಹಾಯಮಾಡುತ್ತದೆ. ಪ್ರತಿಯೊಂದು ಮೂರು ಗಂಟೆಗೆ ಅರ್ಧ ಗ್ಲಾಸ್ ಪಪ್ಪಾಯಿ ರಸವನ್ನು ಕುಡಿಯುವುದು ಜಾಂಡೀಸ್ ನಿವಾರಣೆಗೆ ಉತ್ತೇಜನ ನೀಡುತ್ತದೆ.
- ಮಲೇರಿಯಾ ನಿರೋಧಕ: ಪಪ್ಪಾಯಿಯಲ್ಲಿರುವ ವಿಟಮಿನ್ ಎ ಮತ್ತು ಸಿ ರೋಗನಿರೋಧಕ ಶಕ್ತಿಯನ್ನು ಹೆಚ್ಚಿಸುತ್ತದೆ. ಪಪ್ಪಾಯಿ ಎಲೆಯ ರಸವು ಮಲೇರಿಯಾ ಮತ್ತು ಡೆಂಗ್ಯೂ ರೋಗಿಗಳಲ್ಲಿ ಪ್ಲೇಟ್‌ಲೆಟ್ ಸಂಖ್ಯೆಯನ್ನು ಹೆಚ್ಚಿಸುತ್ತದೆ.
- ಉರಿಯೂತ ಕಡಿಮೆ ಮಾಡುವುದು: ಹಸಿರು ಪಪ್ಪಾಯಿ ದೇಹದಲ್ಲಿ ಉರಿಯೂತವನ್ನು ಕಡಿಮೆ ಮಾಡಲು ಸಹಾಯ ಮಾಡುತ್ತದೆ. ಗಂಟಲಿನ ಸೋಂಕು, ಉಸಿರಾಟದ ಸೋಂಕು, ಮುಟ್ಟಿನ ಸೆಳೆತ ಸೇರಿದಂತೆ ಹಲವು ರೀತಿಯ ನೋವು ಹಾಗೂ ಉರಿಯೂತವನ್ನು ಕಡಿಮೆ ಮಾಡಲು ಸಹಾಯ ಮಾಡುತ್ತದೆ.
- ತೂಕ ಇಳಿಕೆ: ಹಸಿರು ಪಪ್ಪಾಯಿ ಸೇವನೆಯಿಂದ ತೂಕ ಇಳಿಕೆಗೆ ಸಹಾಯ ಮಾಡಬಹುದು. ಇದರಲ್ಲಿ ಕಡಿಮೆ ಕ್ಯಾಲೋರಿ ಇರುವುದರಿಂದ, ಹೊಟ್ಟೆ ತುಂಬಲು ಇದು ಸಹಾಯ ಮಾಡಿ ಅನಗತ್ಯ ಆಹಾರ ಸೇವನೆಯನ್ನು ಕಡಿಮೆ ಮಾಡುತ್ತದೆ.
ಸೂಚನೆ: ಈ ಲೇಖನದಲ್ಲಿ ನೀಡಲಾಗಿರುವ ಮಾಹಿತಿಗಳು ಮತ್ತು ಸಲಹೆಗಳು ನಿಮ್ಮ ಜ್ಞಾನಕ್ಕೆ ಮಾತ್ರ. ವೈದ್ಯಕೀಯ ಸಲಹೆಗಳನ್ನು ಪಡೆಯುವುದರ ಮೊದಲು ಪರಿಣತ ವೈದ್ಯರ ಮಾರ್ಗದರ್ಶನ ಪಡೆಯುವುದು ಉತ್ತಮ.
