ವಿಟಮಿನ್ B12 ಕೊರತೆಯು (Vitamin B12 deficiency) ಭಾರತದಲ್ಲಿ ಯುವ ವೃತ್ತಿಪರರಲ್ಲಿ ಬಹಳ ಸಾಮಾನ್ಯವಾಗಿದೆ. ದಿನವೂ ಕಂಪ್ಯೂಟರ್ ಮುಂದೆ ಕುಳಿತು ಕೆಲಸ ಮಾಡುವುದು, (Desk workers beware) ಸಸ್ಯಾಹಾರಿ ಆಹಾರ ಪದ್ಧತಿ ಮತ್ತು ಶಾರೀರಿಕ ಚಟುವಟಿಕೆಯ ಕೊರತೆ ಇದಕ್ಕೆ ಕಾರಣವಾಗಿವೆ.
ವಿಟಮಿನ್ B12 ಕೊರತೆ ಎಂದರೇನು?
- ವಿಟಮಿನ್ B12 ನಮ್ಮ ದೇಹದ ಆರೋಗ್ಯಕ್ಕೆ ಬಹಳ ಮುಖ್ಯವಾದ ಜೀವಸತ್ವ. ಇದು,
- ನರಮಂಡಲದ ಆರೋಗ್ಯಕ್ಕೆ ಸಹಾಯ ಮಾಡುತ್ತದೆ
- ಕೆಂಪು ರಕ್ತಕಣಗಳನ್ನು ನಿರ್ಮಾಣ ಮಾಡುತ್ತದೆ
- ಶಕ್ತಿ ಉತ್ಪಾದನೆ ಮತ್ತು ಡಿಎನ್ಎ ರಚನೆಗೆ ಅಗತ್ಯ
ಕೊರತೆಯ ಲಕ್ಷಣಗಳು
- ವಿಟಮಿನ್ B12 ಕೊರತೆಯ ಕೆಲವು ಸಾಮಾನ್ಯ ಲಕ್ಷಣಗಳು ಇವು,
- ನಿರಂತರ ದಣಿವು ಮತ್ತು ಶಕ್ತಿಯ ಕೊರತೆ
- ತಲೆ ತಿರುಗುವುದು ಅಥವಾ ಸುಸ್ತಾಗಿರುವ ಭಾವನೆ
- ಕೈ-ಕಾಲು ಜುಮ್ಮೆನಿಸುವಿಕೆ ಅಥವಾ ಮರಗಟ್ಟುವಿಕೆ
- ಮರೆತುಹೋಗುವುದು ಅಥವಾ ಮನಸ್ಸು ಗೊಂದಲವಾಗುವುದು
- ಖಿನ್ನತೆ ಅಥವಾ ಮನೋನಿಲೆಯ ತೊಡಕು
- ಬಾಯಿಯಲ್ಲಿ ಹುಣ್ಣುಗಳು ಅಥವಾ ಉರಿಯುವುದು
- ಹಸಿವಿನ ಕೊರತೆ ಮತ್ತು ತೂಕ ಇಳಿಕೆ
ಕೊರತೆಗೆ ಕಾರಣಗಳೇನು?
- ಸಸ್ಯಾಹಾರಿ ಆಹಾರ ಪದ್ಧತಿ: ವಿಟಮಿನ್ B12 ಮುಖ್ಯವಾಗಿ ಮಾಂಸ, ಮೀನು, ಮೊಟ್ಟೆ, ಹಾಲು ಇವುಗಳಲ್ಲಿ ಸಿಗುತ್ತದೆ. ಸಸ್ಯಾಹಾರಿಗಳಲ್ಲಿ ಇದು ಕಡಿಮೆಯಾಗುತ್ತದೆ.
- ಸಂಸ್ಕರಿಸಿದ ಆಹಾರದ ಬಳಕೆ: ಫಾಸ್ಟ್ ಫುಡ್, ಪ್ಯಾಕ್ ಆಹಾರಗಳಲ್ಲಿ ಪೋಷಕಾಂಶ ಕಡಿಮೆ.
- ಜಡ ಜೀವನಶೈಲಿ: ಚಲನೆಯ ಕೊರತೆ, ದೀರ್ಘ ಕಾಲ ಕುಳಿತು ಕೆಲಸ ಮಾಡುವುದು ಜೀರ್ಣಕ್ರಿಯೆಗೆ ತೊಂದರೆ ಉಂಟುಮಾಡುತ್ತದೆ.
ಯಾರಿಗೆ ಹೆಚ್ಚು ಅಪಾಯ?
IT ಮತ್ತು ಕಚೇರಿ ವೃತ್ತಿಪರರು
- ದೀರ್ಘ ಕಾಲ ಸಸ್ಯಾಹಾರಿ ಆಹಾರ ಸೇವಿಸುವವರು
- ವಯಸ್ಸಾದವರು
- ಗರ್ಭಿಣಿಯರು
- ಪೆಟ್ರಿಕ್‌ ಆಸಿಡ್ ಅಥವಾ ಇತರ ಹೊಟ್ಟೆಯ ಔಷಧಿ ಸೇವಿಸುವವರು
ಈ ಕೊರತೆಯ ಲಕ್ಷಣಗಳು ನಿಧಾನವಾಗಿ ಬರುತ್ತದೆ. ದಣಿವು ಅಥವಾ ಒತ್ತಡದಂತೆ ತೋರುತ್ತದೆ. ಇದನ್ನು ಸಾಮಾನ್ಯದಂತೆ ಬಿಟ್ಟುಬಿಡುತ್ತಾರೆ, ಆದರೆ ಸಮಸ್ಯೆ ಗಂಭೀರವಾಗಬಹುದು.
ಪರಿಹಾರ ಮಾರ್ಗಗಳು
- ವೈದ್ಯರ ಸಲಹೆಯಿಂದ ವಿಟಮಿನ್ B12 ಟ್ಯಾಬ್ಲೆಟ್‌ಗಳು ಅಥವಾ ಇಂಜೆಕ್ಷನ್‌ಗಳನ್ನು ತೆಗೆದುಕೊಳ್ಳಿ
- ಆಹಾರದಲ್ಲಿ ಹಾಲು, ಮೊಟ್ಟೆ, ಮೊಸರು, ಚೀಸ್, ಧಾನ್ಯಗಳು ಸೇರಿಸಿ
- ವರ್ಷಕ್ಕೊಮ್ಮೆ ವಿಟಮಿನ್ B12 ಪರೀಕ್ಷೆ ಮಾಡಿಸಿಕೊಳ್ಳಿ
- ಸರಿಯಾದ ಆಹಾರ ಮತ್ತು ವ್ಯಾಯಾಮದಿಂದ ಶಕ್ತಿಯುತ ದೇಹ ಕಟ್ಟಿಕೊಳ್ಳಿ
ಹೆಚ್ಚು ಶಕ್ತಿಯು, ಉತ್ತಮ ನೆನಪಿನ ಶಕ್ತಿ ಮತ್ತು ಆರೋಗ್ಯಕರ ಜೀವನಕ್ಕೆ ವಿಟಮಿನ್ B12 ಬಹುಪಾಲು! ಈಗಲೇ ನಿಮ್ಮ ಆರೋಗ್ಯದ ಬಗ್ಗೆ ಗಮನ ಕೊಡಿ.
