ಭಾರತ ಮತ್ತು ಅಮೆರಿಕದ ಸಂಯುಕ್ತ ಬಾಹ್ಯಾಕಾಶ ಯೋಜನೆಯಾದ NISAR (NASA-ISRO ಸಿಂಥೆಟಿಕ್ ಅಪರ್ಚರ್ ರಾಡಾರ್) ಭೂಮಿಯ ಮೇಲ್ಮೈಯ ಮೊದಲ ರಾಡಾರ್ ಚಿತ್ರಗಳನ್ನು ಕಳುಹಿಸಿದೆ. ಜುಲೈನಲ್ಲಿ ಇಸ್ರೋ ಉಡಾವಣೆಯಾದ ಈ ಉಪಗ್ರಹದ ಆರಂಭಿಕ ಚಿತ್ರಗಳು ವಿಜ್ಞಾನ ಮತ್ತು ತಂತ್ರಜ್ಞಾನದಲ್ಲಿ ಇಬ್ಬರು ದೇಶಗಳ ಸಹಯೋಗದ ಮಹತ್ವವನ್ನು ತೋರಿಸುತ್ತವೆ. ನಾಸಾದ ಕಾರ್ಯಕಾರಿ ಆಡಳಿತಾಧಿಕಾರಿ ಸೀನ್ ಡಫಿ ಹೇಳಿದಂತೆ, “NISAR ನ ಮೊದಲ ಚಿತ್ರಗಳು ಜಗತ್ತಿಗೆ ಅದ್ಭುತ ಸಾಧನೆ ಸಾಧ್ಯ ಎಂಬುದಕ್ಕೆ NISAR ನ ಮೊದಲ ಚಿತ್ರಗಳು ಪುರಾವೆಯಾಗಿದೆ. ಇದು ಕೇವಲ ಆರಂಭ’ ಎಂದು ಹೇಳಿದರು.”
ಈ ತಂತ್ರಜ್ಞಾನ ಪ್ರವಾಹ, ಭೂಕಂಪ, ಜ್ವಾಲಾಮುಖಿ, ಅರಣ್ಯ ನಾಶ, ಕೃಷಿ ಮತ್ತು ಮೂಲಸೌಕರ್ಯದ ಮೇಲ್ವಿಚಾರಣೆಯಲ್ಲಿ ನಿರ್ಣಾಯಕ ಪಾತ್ರ ವಹಿಸುತ್ತದೆ. ಆಗಸ್ಟ್ 21 ರಂದು ನಾಸಾದ JPL ಅಭಿವೃದ್ಧಿಪಡಿಸಿದ L-ಬ್ಯಾಂಡ್ ರಾಡಾರ್ ಅಮೆರಿಕದ ಮೈನೆ ರಾಜ್ಯದ ಮೌಂಟ್ ಡೆಸರ್ಟ್ ದ್ವೀಪದ ಚಿತ್ರಗಳನ್ನು ಸೆರೆಹಿಡಿದಿದ್ದು, ನೀರು, ಕಾಡು ಮತ್ತು ನಿರ್ಮಿತ ರಚನೆಗಳನ್ನು ವಿಭಿನ್ನ ಬಣ್ಣಗಳಲ್ಲಿ ಸ್ಪಷ್ಟವಾಗಿ ತೋರಿಸಿತು. ಆಗಸ್ಟ್ 23 ರಂದು ಉತ್ತರ ಡಕೋಟಾದ ಚಿತ್ರಗಳು ಹೊಲ, ಬೆಳೆ ಮತ್ತು ನೀರಾವರಿ ಮಾದರಿಗಳನ್ನು ಸ್ಪಷ್ಟವಾಗಿ ತೋರಿಸಿವೆ.
NISAR ಉಪಗ್ರಹವು ಇಸ್ರೋ ಒದಗಿಸಿದ ಎಸ್-ಬ್ಯಾಂಡ್ ರಾಡಾರ್ ಮತ್ತು ನಾಸಾದ ಎಲ್-ಬ್ಯಾಂಡ್ ರಾಡಾರ್ ಎರಡೂ ಸೆನ್ಸಾರ್ ಹೊಂದಿರುವ ಮೊದಲ ಉಪಗ್ರಹವಾಗಿದೆ. ಇದು ಪ್ರತಿ 12 ದಿನಗಳಿಗೊಮ್ಮೆ ಭೂಮಿಯ ಮೇಲ್ಮೈ ಮತ್ತು ಮಂಜುಗಡ್ಡೆಯನ್ನು ಮೇಲ್ವಿಚಾರಣೆ ಮಾಡುತ್ತದೆ. ವಿಜ್ಞಾನಿಗಳ ಪ್ರಕಾರ, ಈ ಉಪಗ್ರಹ ಮಣ್ಣಿನ ತೇವಾಂಶ, ಬೆಳೆ ಪ್ರಗತಿ, ಮಂಜುಗಡ್ಡೆಯ ಚಲನೆ ಮತ್ತು ನೈಸರ್ಗಿಕ ವಿಪತ್ತಿನ ಮೊದಲು-ಮತ್ತು ನಂತರದ ಭೂ ಚಟುವಟಿಕೆಗಳನ್ನು ದಾಖಲಿಸಲು ಸಹಾಯಕವಾಗಿದೆ.
ನಾಸಾದ ಸಹ ಆಡಳಿತಾಧಿಕಾರಿ ಅಮಿತ್ ಕ್ಷತ್ರಿಯವರ ಹೇಳಿಕೆಯಲ್ಲಿ, “NISAR ವೈಜ್ಞಾನಿಕ ಸಾಧನೆಯ ಜೊತೆಗೆ ಎರಡು ಖಂಡಗಳ ನಡುವಿನ ಸಹಕಾರದ ಉತ್ತಮ ಉದಾಹರಣೆ. ಭಾರತ-ಅಮೆರಿಕ ಪಾಲುದಾರಿಕೆ ನಮ್ಮ ಗ್ರಹದ ಉತ್ತಮ ತಿಳಿವಳಿಕೆಗೆ ಸಹಾಯಮಾಡುತ್ತದೆ ಮತ್ತು ಭವಿಷ್ಯದಲ್ಲಿ ಚಂದ್ರ ಮತ್ತು ಮಂಗಳ ಗ್ರಹ ಕಾರ್ಯಾಚರಣೆಗಳಿಗೆ ದಾರಿ ತೋರಿಸುತ್ತದೆ.”
ಇಸ್ರೋದ ಸ್ಪೇಸ್ ಅಪ್ಲಿಕೇಶನ್ಸ್ ಸೆಂಟರ್ ಮತ್ತು ಯು.ಆರ್. ರಾವ್ ಉಪಗ್ರಹ ಕೇಂದ್ರ ಭಾರತದ ಭಾಗವನ್ನು ನಿರ್ವಹಿಸುತ್ತಿವೆ. ನಾಸಾದ ಜೆಟ್ ಪ್ರೊಪಲ್ಷನ್ ಲ್ಯಾಬೋರೇಟರಿ ಮತ್ತು ಗೊಡ್ಡಾರ್ಡ್ ಬಾಹ್ಯಾಕಾಶ ಹಾರಾಟ ಕೇಂದ್ರ ಅಮೆರಿಕದ ಭಾಗವನ್ನು ನಿರ್ವಹಿಸುತ್ತಿವೆ.
NISAR ಉಪಗ್ರಹವು ಜುಲೈ 30 ರಂದು ಆಂಧ್ರಪ್ರದೇಶದ ಶ್ರೀಹರಿಕೋಟಾದಿಂದ GSLV-F16 ರಾಕೆಟ್ನಲ್ಲಿ ಉಡಾವಣೆಯಾಗಿದ್ದು, ಭೂಮಿಯ ಮೇಲ್ಮೈ ಮತ್ತು ಮಂಜುಗಡ್ಡೆಯ ಬದಲಾವಣೆಗಳನ್ನು ಅಧ್ಯಯನ ಮಾಡುತ್ತದೆ. ಇದರ ಮೂಲಕ ಪ್ರವಾಹ, ಭೂಕುಸಿತ, ಜ್ವಾಲಾಮುಖಿ ಸ್ಫೋಟಗಳು ಮತ್ತು ಇತರ ವಿಪತ್ತಿನ ಮುನ್ಸೂಚನೆ ನೀಡಲು ಸಹಾಯ ದೊರಕುತ್ತದೆ. NISAR ಯೋಜನೆಯು ಸುಮಾರು $1.3 ಬಿಲಿಯನ್ ವೆಚ್ಚದಲ್ಲಿ ಜಾರಿಗೆ ಬಂದಿದೆ ಮತ್ತು 747 ಕಿ.ಮೀ ಎತ್ತರದ ಧ್ರುವೀಯ ಕಕ್ಷೆಯಲ್ಲಿ ಹಾರುತ್ತಿದೆ.
