Prayagraj: ಜಗತ್ತಿನ ಅತಿ ದೊಡ್ಡ ಧಾರ್ಮಿಕ ಉತ್ಸವವಾಗಿರುವ ಮಹಾಕುಂಭಮೇಳ (Kumbh Mela) ಫೆಬ್ರವರಿ 26ರ ಶಿವರಾತ್ರಿಯಂದು ಮುಕ್ತಾಯವಾಗಲಿದ್ದು, ಆ ದಿನ ಅಪರೂಪದ ಖಗೋಳ ಘಟನೆ ಸಂಭವಿಸಲಿದೆ. ಆಕಾಶದಲ್ಲಿ ಸೌರವ್ಯೂಹದ 7 ಗ್ರಹಗಳು ಒಟ್ಟಿಗೆ ಗೋಚರಿಸಲಿವೆ. ಇದು ಆಧ್ಯಾತ್ಮಿಕ ಶಕ್ತಿಯನ್ನು ಹೆಚ್ಚಿಸುತ್ತದೆ ಎಂಬ ನಂಬಿಕೆಯಿದೆ.
ಈ ವರ್ಷದ ಜನವರಿಯಿಂದ ಶುಕ್ರ, ಮಂಗಳ, ಗುರು, ಶನಿ, ಯುರೇನಸ್ ಮತ್ತು ನೆಪ್ಚೂನ್ ಗ್ರಹಗಳು ಗೋಚರಿಸುತ್ತಿವೆ. ಫೆಬ್ರವರಿಯಲ್ಲಿ ಬುಧಗ್ರಹವೂ ಈ ಸಾಲಿಗೆ ಸೇರುವುದರಿಂದ, ಫೆ.28ರಂದು 7 ಗ್ರಹಗಳು ಸೂರ್ಯನ ಒಂದು ಬದಿಯಲ್ಲಿ ಜೋಡಿಸಲ್ಪಡಲಿವೆ.
ವೀಕ್ಷಣೆಗೆ ಉತ್ತಮ ಸಮಯ
- ಬುಧ, ಶುಕ್ರ, ಮಂಗಳ, ಗುರು ಮತ್ತು ಶನಿ ಗ್ರಹಗಳನ್ನು ಬರಿಗಣ್ಣಿನಿಂದ ನೋಡಬಹುದು.
- ಯುರೇನಸ್ ಮತ್ತು ನೆಪ್ಚೂನ್ ಮಂಕಾಗಿರುವುದರಿಂದ ಬೈನಾಕ್ಯುಲರ್ ಅಗತ್ಯ.
- ಸೂರ್ಯಾಸ್ತದ ನಂತರ ಅಥವಾ ಸೂರ್ಯೋದಯಕ್ಕೆ ಮೊದಲು ವೀಕ್ಷಿಸಲು ಸೂಕ್ತ ಸಮಯ.
2025ರ ಆಗಸ್ಟ್ ಮಧ್ಯಭಾಗದಲ್ಲಿ, ಹಗಲಿನ ವೇಳೆಯಲ್ಲಿ ಆರು ಗ್ರಹಗಳು ಒಂದೇ ಸೋಪಾನದಲ್ಲಿ ಗೋಚರಿಸಲಿವೆ. ಈ ಅಪೂರ್ವ ಕ್ಷಣವನ್ನು ಖಗೋಳ ಪ್ರೇಮಿಗಳು ನಿರೀಕ್ಷಿಸಬಹುದು!
