New Delhi: ಭಾರತ ಮತ್ತು ಕೆನಡಾ (India Canada) ನಡುವಿನ ಸಂಬಂಧಗಳಲ್ಲಿ ಮತ್ತೊಮ್ಮೆ ಉದ್ವಿಗ್ನತೆ ಉಂಟಾಗಿದೆ. ಕೆನಡಾದ ಮಾಧ್ಯಮದಲ್ಲಿ ಪ್ರಕಟವಾದ ವರದಿಯ ಪ್ರಕಾರ, ಖಲಿಸ್ತಾನಿ ಭಯೋತ್ಪಾದಕ ಹರ್ದೀಪ್ ಸಿಂಗ್ ನಿಜ್ಜರ್ ಹತ್ಯೆಯ ಕುರಿತು ಭಾರತೀಯ ಪ್ರಧಾನಿಯಾಗಿ ನರೇಂದ್ರ ಮೋದಿಗೆ (Prime Minister Narendra Modi) ಮಾಹಿತಿ ಇದ್ದುದಾಗಿ ಹೇಳಲಾಗಿದೆ.
ಆದರೆ ಭಾರತ ಈ ಹೇಳಿಕೆಯನ್ನು ಸಂಪೂರ್ಣವಾಗಿ ತಿರಸ್ಕರಿಸಿತು ಮತ್ತು ಅದನ್ನು “ಅಸಂಬದ್ಧ” ಎಂದು ವರ್ಣಿಸಿತು.
ಕೆನಡಾದ ಪತ್ರಿಕೆ ‘ದಿ ಗ್ಲೋಬ್ ಅಂಡ್ ಮೇಲ್’ ಇತ್ತೀಚೆಗೆ ಭಾರತದ ಪ್ರಧಾನಿಗೆ ನಿಜ್ಜರ್ ಹತ್ಯೆಯ ಬಗ್ಗೆ ತಿಳಿದಿತ್ತು ಎಂದು ಹೇಳಿಕೊಂಡಿದೆ. ಆದರೆ, ಈ ವರದಿಯನ್ನು ಪ್ರಕಟಿಸಿದ ಮಾಧ್ಯಮದ ಹೆಸರನ್ನು ವಿದೇಶಾಂಗ ಸಚಿವಾಲಯ ಬಹಿರಂಗಪಡಿಸಿಲ್ಲ.
ಜೂನ್ 2023 ರಲ್ಲಿ ಭಯೋತ್ಪಾದಕ ನಿಜ್ಜರ್ ಸಾವು ಭಾರತ ಮತ್ತು ಕೆನಡಾ ನಡುವಿನ ರಾಜತಾಂತ್ರಿಕ ಉದ್ವಿಗ್ನತೆಯ ಕೇಂದ್ರವಾಗಿ ಉಳಿದಿದೆ. ಕೆನಡಾದ ಪ್ರಧಾನಿಯ ಜಸ್ಟಿನ್ ಟ್ರುಡೊ ಅವರ ಸರ್ಕಾರವು ಭಾರತವು ನಿಜ್ಜರ್ ನ್ನು ಕೊಂದಿದೆ ಎಂದು ಆರೋಪಿಸಿದೆ. ಆದರೆ ಯಾವುದೇ ಖಚಿತವಾದ ಸಾಕ್ಷ್ಯವನ್ನು ನೀಡಲು ಸಾಧ್ಯವಾಗಿಲ್ಲ. ಭಾರತ ಈ ಆರೋಪಗಳನ್ನು ಸಾರಾಸಗಟಾಗಿ ತಳ್ಳಿ ಹಾಕುತ್ತಿದೆ.
ಭಾರತದ ವಿದೇಶಾಂಗ ವ್ಯವಹಾರಗಳ ಸಚಿವಾಲಯ, ಕೆನಡಾದ ಮಾಧ್ಯಮಗಳಿಂದ ಬಂದ ಅಹಿತಕರ ಹೇಳಿಕೆಗಳನ್ನು ತೀವ್ರವಾಗಿ ಖಂಡಿಸಿತು. “ಹಾಸ್ಯಾಸ್ಪದ ಹೇಳಿಕೆಗಳು” ಎಂದೂ ಕರೆಯಲಾದ ಈ ವರದಿಗಳು, ಮೊದಲಿನಿಂದಲೂ ಉದ್ವಿಗ್ನವಾಗಿದ್ದ ಭಾರತ-ಕೆನಡಾ ಸಂಬಂಧಗಳನ್ನು ಮತ್ತಷ್ಟು ಹಾಳು ಮಾಡಬಹುದು ಎಂದು ಭಾರತ ಎಚ್ಚರಿಕೆ ನೀಡಿತು.
